ಸಿಂಹ ರಾಶಿಯವರಿಗೆ ಜಾಕಪಾಟ್ ಹೊಡೆದಂಗೇನೆ!

• Next »
• « Previous

ಲಾಭದ ಸ್ಥಾನವೆಂದೇ ಕರೆಯಿಸಿಕೊಳ್ಳುವ ರಾಶಿಯಿಂದ ಎರಡನೇ ಸ್ಥಾನದಲ್ಲಿ ಗುರು ಸಂಚರಿಸುವುದರಿಂದ ಸಿಂಹ ರಾಶಿಯವರಿಗೆ ಜಾಕಪಾಟ್ ಹೊಡೆದಂಗೇನೆ.

ಏಕೆಂದರೆ ಇಷ್ಟು ದಿನ ಅಂದರೆ ಕಳೆದ ವರ್ಷದಿಂದ ಗುರು ನಿಮ್ಮ ರಾಶಿಯಲ್ಲಿಯೇ ಇದ್ದನು. ಈಗ ಸಿಂಹ ರಾಶಿ ಬಿಟ್ಟು ಕನ್ಯಾ ರಾಶಿಗೆ ಸಂಚರಿಸುವುದರಿಂದ ನಿಮಗೆ ಬಿಡುಗಡೆಯ ಭಾಗ್ಯವೆಂದೇ ಹೇಳಬಹುದು.

ಗುರು ಸಂಚಾರದ ಸಮಯದಲ್ಲಿ ಕೆಲವೊಮ್ಮೆ ಮಧುಮೇಹ ಬಂದಿರುವ ಸಂಭವ ಇರುವುದರಿಂದ ಈ ರಾಶಿಯ 35 ವರ್ಷ ಮೇಲಿನವರು ತಪ್ಪದೇ ರಕ್ತದಲ್ಲಿ ಗ್ಲುಕೋಸ್ ಪರೀಕ್ಷಿಸಿಕೊಂಡು ಶುಗರ್ ಬಂದಿದೆಯೋ ಬರುವ ಹಂತದಲ್ಲಿಯೋ ಎಂಬುದನ್ನು ತಿಳಿದುಕೊಳ್ಳಬೇಕು. ಇದು ಮುಖ್ಯವಾದ ಸಂಗತಿ. [ಕನ್ಯಾ ರಾಶಿಗೆ ಗುರು ಪ್ರವೇಶ : ಯಾವ ರಾಶಿಗೆ ಏನು ಫಲ?]

ಇನ್ನು ಕನ್ಯಾ ರಾಶಿಯಲ್ಲಿನ ಗುರು ನಿಮಗೆ ಹಣದೊಂದಿಗೆ ಅದೃಷ್ಟವನ್ನು ತೆರೆದಿಟ್ಟು ಬಿಡುತ್ತಾನೆ. ಕಾಸಿನ ಕೊರತೆಯಿಂದ ಕಂಗಾಲಾದವರಿಗೆ ಈಗ ಗುರುಬಲ ಬಂದಿದೆ ಎಂದೇ ಹೇಳಬಹುದು.

ಇಷ್ಟು ದಿನ ಗುರುಬಲವಿಲ್ಲದೇ ತೊಂದರೆ ಅನುಭವಿಸಿದವರಿಗೆ ಈಗ ಗುರುಬಲವನ್ನು ಕಣ್ಣಾರೆ ನೋಡಿಕೊಂಡು ಅನುಭವಿಸುವ ಸಮಯವೆನ್ನಬಹುದು. ಬಾಕಿ ಇದ್ದ ಹಣ ಅಥವಾ ಸರಕಾರದಿಂದ ಬರಬೇಕಾದ ದುಡ್ಡು ಕೈಸೇರಲು ಹವಣಿಸುತ್ತದೆ. ಕೆಲವೊಂದು ವ್ಯವಹಾರಗಳಲ್ಲಿ ಸಿಲುಕಿ ಹಾಕಿಕೊಂಡ ದುಡ್ಡು ಕೂಡ ಈಗ ಬಂದು ಮನಸ್ಸಿಗೆ ಸಮಾಧಾನವಾಗುತ್ತದೆ. [ಗುರುಫಲ : ವೃಷಭ, ಸಿಂಹ, ಮೀನ, ವೃಶ್ಚಿಕ ರಾಶಿಗೆ ಸೂಪರ್]

ಇಷ್ಟು ದಿನ ವೈರತ್ವ ಸಾಧಿಸಿದವರು ಈಗ ಸ್ನೇಹದ ಹಸ್ತ ಕೈಚಾಚಲು ಮುಂದೆ ಬರುತ್ತಾರೆ. ಬಂದವರನ್ನು ಹೃದಯದಿಂದ ಸ್ವಾಗತಿಸಿ. ಅವರಿಂದಲೇ ಲಾಭ ಮಾಡಿಕೊಳ್ಳುವ ಹಾದಿ ಗೊತ್ತಾಗಬಹುದು. ಎಲ್ಲ ವಿಷಯಗಳಲ್ಲೂ ಸಂತಸವಿರುವುದರಿಂದ ಮಾನಸಿಕ ಸ್ಥಿರತೆ ಹೆಚ್ಚಾಗುತ್ತದೆ. ಜೊತೆಗೆ ಕೆಲವೊಬ್ಬರಿಗೆ ಅಹಂ ಕೂಡ ಬರಬಹುದು. ಅದನ್ನು ಬರದಂತೆ ನೋಡಿಕೊಳ್ಳುವುದು ಜಾಣರ ಲಕ್ಷಣ.

ಈ ಹಿಂದಿನ ಕೆಲ ದಿನಗಳು ನಿಮಗೆ ಕಾಲಿಗೆ ಕಲ್ಲು ಕಟ್ಟಿಕೊಂಡು ಓಡಾಡಿರುವಂತೆ ಅನುಭವವಾಗಿರುತ್ತದೆ. ಹೀಗಾಗಿ ಈಗ ಬಂದಿರುವ ಶುಭಫಲವನ್ನು ಚೆನ್ನಾಗಿ ಬಳಸಿಕೊಂಡು ಆಸ್ತಿಪಾಸ್ತಿ ಮಾಡಿಕೊಂಡು ಆರಾಮಾಗಿ ಸಂಧ್ಯಾಕಾಲದವರೆಗೂ ಜೀವನ ಕಳೆಯಬಹುದು. ನಿಮ್ಮಿಂದ ಕುಟುಂಬದವರೂ ಕೂಡ ಸಂತಸದಿಂದಿರಬಹುದು. [ಸಿಂಹ ರಾಶಿಗೆ ದುರ್ಮುಖನಾಮ ಸಂವತ್ಸರದ ಫಲಾಫಲ]

ಆದರೆ, ಮನೆಯಲ್ಲಿನವರ ರಾಶಿಗಳು ಯಾವವು ಮತ್ತು ಅವರಿಗೇನು ಫಲ ಎಂಬುದನ್ನು ನೀವು ತಿಳಿದುಕೊಂಡು ಅವರೊಂದಿಗೆ ಸೂಕ್ತ ರೀತಿಯಲ್ಲಿ ವರ್ತಿಸಬೇಕು. ಕೆಲವೊಮ್ಮೆ ಈ ರಾಶಿಯ ಪುರುಷರಿಗೆ ಕಚೇರಿ ಅಥವಾ ವ್ಯವಹಾರದಲ್ಲಿ ಅಥವಾ ಸಂಬಂಧಿಕರಲ್ಲಿನ ಮಹಿಳೆಯರಿಂದ ಜೀವನಕ್ಕೆ ಸಹಾಯ ಸಿಗುತ್ತದೆ. ಸಹಾಯ ನೀಡಲು ಬಂದರೆ ತಿರಸ್ಕರಿಸದೇ ಬಯಸದೇ ಬಂದ ಭಾಗ್ಯ ಎಂದುಕೊಂಡು ಸ್ವೀಕರಿಸಬೇಕು. ಕೆಲ ಮಹಿಳೆಯರು ಹೆತ್ತ ತಾಯಿಯಂತೆ ಮುಂದೆ ನಿಂತು ಸಹಾಯಹಸ್ತ ನೀಡುತ್ತಾರೆ. ಹಣದ ಹರಿವು ಹೆಚ್ಚಳವಾಗುವುದರಿಂದ ಹಣವನ್ನು ಸೂಕ್ತವಾಗಿ ಬಳಕೆ ಮಾಡಿಕೊಳ್ಳಬೇಕು. ['ಸಿಂಹಾ'ಸನದ ಅದೃಷ್ಟವಿರುವ ಮಘಾ ನಕ್ಷತ್ರ!]

• Next »
• « Previous

English summary

Gurubala for Leo zodiac signs based on transit of Jupiter plant from Leo to Virgo in 2016. Planet Jupiter has entered Virgo on August 11, 2016. Our astrologer explains how it affects and helps Aries people. It is golden time for Leo people. They will get back all that they have lost. Take advantage of the good fortune.