Budh Guru Transit 2025: ಬುಧ ಗುರು ಗ್ರಹದಿಂದ ಕೇಂದ್ರ ಯೋಗ 2025: ಈ ರಾಶಿಗಳಿಗೆ ಅದೃಷ್ಟದ ಪರ್ವಕಾಲ ಶುರು

Updated: Thursday, February 20, 2025, 16:32 [IST]

ಫೆಬ್ರವರಿ 21ರಂದು ಕೇಂದ್ರ ಯೋಗ ರೂಪಗೊಳ್ಳಲಿದೆ. ಈ ದಿನ ಬುಧ ಹಾಗೂ ಗುರು ಗ್ರಹ ಸಂಯೋಗವಾಗಲಿದ್ದು ಇದರಿಂದ ಕೇಂದ್ರ ಯೋಗ ರೂಪಗೊಳ್ಳಲಿದೆ. ನವಗ್ರಹಗಳಲ್ಲಿ ಬುಧ ಗ್ರಹವನ್ನು ರಾಜಕುಮಾರ ಎಂದು ಹಾಗೂ ಗುರುವನ್ನು ಗ್ರಹಗಳ ಗುರು ಎಂದು ಜ್ಯೋತಿಷ್ಯದಲ್ಲಿ ಪರಿಗಣಿಸಲಾಗುತ್ತದೆ.

ಹೀಗಾಗಿ ಈ ಎರಡೂ ಗ್ರಹಗಳ ಸಂಯೋಜನೆ ಫೆಬ್ರವರಿ 21 ಶುಕ್ರವಾರದಿಂದ ಕೆಲವು ರಾಶಿಗಳ ಅದೃಷ್ಟವನ್ನು ಬೆಳಗಿಸಬಹುದು. ವಾಸ್ತವವಾಗಿ ವೈದಿಕ ಜ್ಯೋತಿಷ್ಯದ ಪ್ರಕಾರ ದೇವಗುರು ಗುರು ಮತ್ತು ಬುಧ ಗ್ರಹಗಳು 90 ಡಿಗ್ರಿಯಲ್ಲಿ ನೆಲೆಗೊಂಡು ಕೇಂದ್ರ ಯೋಗವನ್ನು ರೂಪಿಸುತ್ತವೆ.

ಈ ಯೋಗದ ರಚನೆ 12 ರಾಶಿಗಳ ಮೇಲೆ ಒಳ್ಳೆಯ ಮತ್ತು ಕೆಟ್ಟ ಪರಿಣಾಮಗಳನ್ನು ಬೀರುತ್ತವೆ. ಬುಧ-ಗುರುವಿನಿಂದ ಉಂಟಾದ ಕೇಂದ್ರ ಯೋಗದಿಂದಾಗಿ ಶುಭ ಪರಿಣಾಮಗಳನ್ನು ಕಾಣಬಹುದಾದ ರಾಶಿಗಳು ಯಾವವು ಎಂದು ಈಗ ತಿಳಿಯೋಣ.

Astrology kendra yoga 2025 mercury jupiter combination- lucky period begins for these zodiac signs

ವೃಷಭ ರಾಶಿ

ವೃಷಭ ರಾಶಿಯವರ ಮೇಲೆ ಬುಧ ಮತ್ತು ಗುರು ಗ್ರಹಗಳು ದಯೆ ತೋರುತ್ತವೆ. ಆದಾಯದಲ್ಲಿ ಹೆಚ್ಚಳವಾಗುವ ಸಾಧ್ಯತೆಗಳಿದ್ದು ಅದು ನಿಮ್ಮ ಪ್ರಗತಿಗೆ ಸಹಾಯ ಮಾಡುತ್ತದೆ. ನೀವು ಕೆಲಸ ಮಾಡುವ ಉದ್ಯೋಗಿಗಳಾಗಿದ್ದರೆ ಈ ಸಮಯ ನಿಮಗೆ ಅದ್ಭುತವಾಗಿದೆ.

ಯಾಕೆಂದರೆ ನೀವು ಉದ್ಯೋಗದಲ್ಲಿ ಉನ್ನತ ಸ್ಥಾನವನ್ನು ಪಡೆಯಲು ಸಾಧ್ಯವಾಗುತ್ತದೆ. ನಿಮ್ಮ ಪ್ರಯತ್ನಗಳು ವ್ಯವಹಾರವನ್ನು ವಿಸ್ತರಿಸುವಲ್ಲಿ ಉಪಯುಕ್ತವಾಗುತ್ತವೆ. ನೀವು ಹೂಡಿಕೆ ಮಾಡುವ ಬಗ್ಗೆ ಯೋಚಿಸಬಹುದು, ಆದರೆ ಆತುರದಿಂದ ಯಾವುದೇ ನಿರ್ಧಾರ ತೆಗೆದುಕೊಳ್ಳದಿದ್ದರೆ ಉತ್ತಮ.

ಮಕರ ರಾಶಿ

ಮಕರ ರಾಶಿಯವರಿಗೆ ಬುಧ ಮತ್ತು ಗುರುವಿನ ಕೇಂದ್ರ ಯೋಗ ಫಲಪ್ರದವಾಗಿರುತ್ತದೆ. ಆದಾಯದಲ್ಲಿ ಹೆಚ್ಚಳವಾಗಬಹುದು. ನೀವು ಸಂಬಂಧಿಕರಿಂದ ಬೆಂಬಲವನ್ನು ಪಡೆಯಲು ಸಾಧ್ಯವಾಗುತ್ತದೆ. ಆಧ್ಯಾತ್ಮಿಕತೆಯ ಕಡೆಗೆ ವಿಶೇಷ ಆಸಕ್ತಿ ಹೆಚ್ಚಾಗಬಹುದು.

ನೀವು ಪ್ರವಾಸ ಹೋಗುವ ಬಗ್ಗೆ ಯೋಚಿಸಬಹುದು. ಬುದ್ಧಿವಂತಿಕೆಯಿಂದ ಹೂಡಿಕೆ ಮಾಡಿ. ನಿಮ್ಮ ಕುಟುಂಬದೊಂದಿಗೆ ಉತ್ತಮ ಸಮಯ ಕಳೆಯಲು ನಿಮಗೆ ಸಾಧ್ಯವಾಗುತ್ತದೆ. ನೀವು ವ್ಯವಹಾರಕ್ಕೆ ಸಂಬಂಧಿಸಿದ ಒಪ್ಪಂದಕ್ಕೆ ಸಹಿ ಹಾಕಲು ಉತ್ತಮ ಸಮಯ ಇದಾಗಿದೆ. ಬಾಕಿ ಇರುವ ಕೆಲಸಗಳು ಪೂರ್ಣಗೊಳ್ಳುತ್ತವೆ.

ಮೀನ ರಾಶಿ

ಬಹಳ ದಿನಗಳಿಂದ ಬಾಕಿ ಉಳಿದಿದ್ದ ಕೆಲಸವನ್ನು ಪೂರ್ಣಗೊಳಿಸುವ ಸಮಯ ಇದಾಗಿದೆ. ವಿವಾಹಿತರಿಗೆ ಸಮಯ ಚೆನ್ನಾಗಿರುತ್ತದೆ. ನಿಮ್ಮ ಸಂಗಾತಿಯೊಂದಿಗೆ ಉತ್ತಮ ಸಮಯ ಕಳೆಯಲು ನಿಮಗೆ ಸಾಧ್ಯವಾಗುವುದು. ನೀವು ಹೆಚ್ಚು ಹಣವನ್ನು ಗಣಿಸಲು ಸಾಧ್ಯವಾಗುತ್ತದೆ.

ಕೆಲಸದ ಸ್ಥಳದಲ್ಲಿ ಪ್ರಗತಿಯ ಸಾಧ್ಯತೆ ಇದೆ. ನಿಮ್ಮ ಸಂಗಾತಿಯೊಂದಿಗಿನ ನಿಮ್ಮ ಸಂಬಂಧ ಬಲಗೊಳ್ಳುತ್ತದೆ. ಆರೋಗ್ಯ ಮೊದಲಿಗಿಂತ ಉತ್ತಮವಾಗಿರುತ್ತದೆ. ಶಿಕ್ಷಣಕ್ಕೆ ಸಂಬಂಧಿಸಿದ ಪ್ರಯೋಜನಗಳು ದೊರೆಯಲಿವೆ.

(ಗಮನಿಸಿ: ಮೇಲೆ ನೀಡಲಾದ ಮಾಹಿತಿ ಅಂತಾರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ಮಾಹಿತಿ ನೀಡುವುದು ನಮ್ಮ ಏಕೈಕ ಉದ್ದೇಶ. ಯಾವುದೇ ಮಾಹಿತಿ ಕಾರ್ಯರೂಪಕ್ಕೆ ತರುವ ಮುನ್ನ ಸಂಬಂಧಪಟ್ಟ ವೃತ್ತಿಪರರನ್ನು ಸಂಪರ್ಕಿಸಿ)