ಸಮಸ್ಯೆಗಳಿಗೆ ಉತ್ತರ ನಿಮ್ಮ ಬಳಿಯೇ ಇರುವಾಗ...

ಇವರಿಬ್ಬರೂ ಒಬ್ಬರನೊಬ್ಬರು ಅರಿತು ಕೊಳ್ಳುವ ಪ್ರಯತ್ನಿಸುವ ಸಂಗಾತಿಗಳು. ತಮ್ಮ ಸಂಗಾತಿಗೆ ಏನು ಬೇಕು ಎನ್ನುವುದರ ಬಗೆ ಸದಾ ಚಿಂತಿಸುತ್ತಾ ಇರ್ತಾರೆ. ಆದರೆ ಆಲೋಚನೆಗಳು, ಭಾವನೆಗಳು ಭಿನ್ನವಾಗಿರುತ್ತದೆ. ಆಗ ಭೇದ ಸಹಜ ಅಲ್ವೆ? ಆದರೆ ಸಂಗಾತಿಯ ಬಗ್ಗೆ ಸದಾ ಚಿಂತಿಸುವ ಈ ಗುಣಗಳಿದ್ದಾಗ ಭೇದಕ್ಕೆಲ್ಲಿ ಬೆಲೆ? ಸಣ್ಣಪುಟ್ಟ ಜಟಾಪಟಿ ಗಲಾಟೆಯು ಆಗದಂತೆ ತಡೆಗಟ್ಟುವ ಶಕ್ತಿ ಇಬ್ಬರಲ್ಲೂ ಇದೆ. ಹಾಗಿರುವಾಗ ಸಮಸ್ಯೆಯನ್ನು ಎಳೆಯುವುದಕ್ಕೆ ಹೋಗದೆ ಇದ್ರಾಯ್ತು. ಮತ್ತೊಂದು ಸಂಗತಿ, ಮಿಥುನ ರಾಶಿ ಪುರುಷ ಖರ್ಚಿನ ವಿಷಯದಲ್ಲಿ ಮುಂದು. ಕೈಯಲ್ಲಿ ಒಂದು ಕವಡೆಯೂ ನಿಲ್ಲದು. ಯಾರಿಗೆ ತಾನೆ ಇಷ್ಟ ಆಗುತ್ತದೆ ಈ ಸಂಗತಿ? ಇದೆ ಅಂಶಕ್ಕೆ ಕರ್ಕಾಟಕ ರಾಶಿ ಸಂಗಾತಿ ಸಿಟ್ಟಾಗ್ತಾಳೆ. ಸಮಸ್ಯೆಯ ಉತ್ತರ ನಿಮ್ಮ ಬಳಿಯೇ ಇರುವಾಗ ಅದನ್ನು ಪರಿಹರಿಸಿಕೊಳ್ಳುವ ಜಾಣತನವೂ ನಿಮ್ಮಲ್ಲೇ ಇರುತ್ತದೆ ಅದರ ಸದುಪಯೋಗ ಮಾಡಿಕೊಳ್ಳಿ. ಇಷ್ಟೆಲ್ಲಾ ಇದ್ರೂ ನಂಬಿಕೆಯ ವಿಷಯದಲ್ಲಿ ಇಬ್ಬರಿಗೂ ಪ್ರಾಮಾಣಿಕರು. ಅದರ ಪ್ರಯೋಜನ ಮಾಡಿಕೊಳ್ಳಿ.

ಮಿಥುನ ರಾಶಿ ಸ್ತ್ರೀ - ಸಿಂಹ ರಾಶಿ ಪುರುಷ : ಸಿಂಹ ರಾಶಿಯವರು ತಾವು ಸಿಂಹದಂತಹ ಮನಸ್ಥಿತಿ ಹಾಗೂ ಧೈರ್ಯಸ್ಥರು. ತಮ್ಮ ಈ ಗುಣವನ್ನು ಎಲ್ಲರಿಗೂ ತೋರಿಸಬೇಕು ಎಂದು ಬಯಸುತ್ತಾರೆ. ಆದರೆ ಮಿಥುನ ರಾಶಿ ಸ್ತ್ರೀಯರು ನಮ್ಮ ಮನೆಯಲ್ಲಿ ನಾವಿರೋಣ, ಇರುವ ಬದುಕನ್ನು ಸುಂದರವಾಗಿಟ್ಟುಕೊಳ್ಳೋಣ ಎಂದು ಹೇಳುತ್ತಲೇ ಇರ್ತಾರೆ. ಆದರೆ ತಮಾಷೆ ಅಂದ್ರೆ ಆಕೆ ಹಾಗೂ ಆತ ಇಬ್ಬರಲ್ಲೂ ಈಗೋ ಹೆಚ್ಚು. ನಾನು ಹೆಚ್ಚು - ನಾನು ಹೆಚ್ಚು ಎನ್ನುವ ಹೆಮ್ಮೆ ಸದಾ ಇರುತ್ತದೆ. ಆದರೆ ಸಿಂಹ ರಾಶಿ ಪುರುಷ ಸಂಸಾರದ ವಿಷಯಕ್ಕೆ ಬಂದಾಗ ಪಕ್ಕಾ ಪತಿದೇವ. ತನ್ನ ಸಂಸಾರಕ್ಕಾಗಿ ಎಲ್ಲವನ್ನೂ ಪಕ್ಕಕ್ಕೆ ಎಸೆದು ನೆಮ್ಮದಿ ಬದುಕು ನಡೆಸಲು ಆದ್ಯತೆ ನೀಡ್ತಾನೆ. ಆ ಗುಣವೇ ಈಕೆಯನ್ನು ಆಕರ್ಷಿಸೋದು. ಎಲ್ಲಿ ಪ್ರೀತಿ ಇರುತ್ತೋ ಅಲ್ಲಿ ಜೀವನ ಹೇಗಿರುತ್ತದೆ ಎನ್ನುವುದರ ಬಗ್ಗೆ ಬಿಡಿಸಿ ಹೇಳ ಬೇಕಾಗಿಲ್ಲ ಏನನ್ನುತ್ತಿರಿ! (ಇತರ ರಾಶಿ ಭವಿಷ್ಯಗಳಿಗೆ ಇಲ್ಲಿ ಕ್ಲಿಕ್ಕಿಸಿ.)