Artificial intelligence: ಉದ್ಯೋಗಿಗಳಿಗೆ ಬಿಗ್ ಶಾಕ್ ಕೊಟ್ಟ ಎಐ ಚಾಟ್ಬಾಟ್
ಕೃತಕ ಬುದ್ಧಿಮತ್ತೆ (ಎಐ) ತಂತ್ರಜ್ಞಾನದಿಂದಾಗಿ ಉದ್ಯೋಗಗಳು ಕಳೆದುಕೊಳ್ಳುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಒಂದೊಂದೇ ಕ್ಷೇತ್ರವನ್ನು ಎಐ ಆಕ್ರಮಿಸುತ್ತಿದೆ. ಲಕ್ಷಾಂತರ ಮಂದಿ ಉದ್ಯೋಗ ಕಳೆದುಕೊಂಡು ಬೀದಿಗೆ ಬೀಳುತ್ತಿದ್ದಾರೆ. ಮುಂದಿನ ಐದು ವರ್ಷದೊಳಗೆ ಬಹುತೇಕ ಉದ್ಯೋಗಗಳು ಐಎ ಪಾಲಾಗಲಿವೆ ಎಂದು ಭವಿಷ್ಯ ನುಡಿಯುತ್ತಿದ್ದಾರೆ. ಈಗಾಗಲೇ ಭಾರತೀಯ ನಗರದ ಸ್ಟಾರ್ಟ್ಅಪ್ ಕಚೇರಿಯಲ್ಲಿ ಡೆವಲಪರ್ಗಳು ಮನುಷ್ಯರಂತೆ ಮಾತನಾಡುವ ಮತ್ತು ಸಂದೇಶ ಕಳುಹಿಸುವ ಕೃತಕ-ಬುದ್ಧಿಮತ್ತೆ ಚಾಟ್ಬಾಟ್ಗಳನ್ನು ಸೂಕ್ಷ್ಮವಾಗಿ ರೂಪಿಸುತ್ತಿದ್ದಾರೆ ಎಂದು ವರದಿಯಾಗಿದೆ. ಇದರಿಂದಾಗಿ ಕಾಲ್ ಸೆಂಟರ್ ಉದ್ಯೋಗಿಗಳಿಗೆ ನಡುಕ ಶುರುವಾಗಿದೆ.
ಗ್ರಾಹಕ-ಸೇವಾ ಉದ್ಯೋಗಗಳನ್ನು ಬಹುತೇಕ ಬಳಕೆಯಲ್ಲಿಲ್ಲದಂತೆ ಮಾಡುವ ಗುರಿಯನ್ನು ಕಂಪನಿ ಹೊಂದಿದೆ. ಕಾಲ್ಸೆಂಟರ್ ಉದ್ಯೋಗಿಗಳಂತೆ AI ಏಜೆಂಟ್ಗಳು ಗ್ರಾಹಕರಿಗೆ 10,000 ಮಾಸಿಕ ಪ್ರಶ್ನೆಗಳನ್ನು ನಿರ್ವಹಿಸಲು ಅಗತ್ಯವಿರುವ ಕಾರ್ಮಿಕರ ಸಂಖ್ಯೆಯನ್ನು ಶೇ 80ರಷ್ಟು ಕಡಿತಗೊಳಿಸಲು ಅನುವು ಮಾಡಿಕೊಡುತ್ತದೆ ಎಂದು ಹೇಳಿಕೊಂಡಿದೆ. ಹೀಗಾಗಿ ಭಾರತದ ಕಾಲ್ ಸೆಂಟರ್ ಉದ್ಯೋಗಿಗಳನ್ನು ಎಐ ಚಾಟ್ಬಾಟ್ಗಳು ವೇಗವಾಗಿ ಬದಲಾಯಿಸುತ್ತಿವೆ.
ಶೇ 80ರಷ್ಟು ಉದ್ಯೋಗ ಕಡಿತ
ಲೈಮ್ಚಾಟ್ನಂತಹ ಸ್ಟಾರ್ಟ್ಅಪ್ಗಳು ಗ್ರಾಹಕ ಬೆಂಬಲ ಕಾರ್ಯಗಳನ್ನು ಸಂಪೂರ್ಣವಾಗಿ ಸ್ವತಃ ನಿರ್ವಹಿಸುವ ಎಐ ಏಜೆಂಟ್ಗಳನ್ನು ನಿಯೋಜಿಸುತ್ತಿವೆ. ಇದು ಉದ್ಯೋಗಿಗಳ ಅಗತ್ಯವನ್ನು ತೀವ್ರವಾಗಿ ಕಡಿಮೆ ಮಾಡುತ್ತದೆ. ಈ ಎಐ ಬಳಸುವ ಕಂಪನಿಗಳು ಗ್ರಾಹಕರ ಪ್ರಶ್ನೆಗಳನ್ನು ನಿರ್ವಹಿಸಲು ತಮ್ಮ ಕಾರ್ಯಪಡೆಯನ್ನು ಶೇ 80ರಷ್ಟು ಕಡಿತಗೊಳಿಸಬಹುದು ಎಂದು ಅಂದಾಜಿಸಲಾಗಿದೆ. ಚಾಟ್ಬಾಟ್ಗಳು ಈಗಾಗಲೇ ಕೆಲವು ಕ್ಲೈಂಟ್ಗಳ ಶೇ 70ರಷ್ಟು ದೂರುಗಳನ್ನು ನಿರ್ವಹಿಸುತ್ತಿದ್ದು, ಮುಂದಿನ ವರ್ಷದೊಳಗೆ ಶೇ 90ರಷ್ಟು ಎಐ ಬಳಕೆ ಹೆಚ್ಚಿಸುವ ಗುರಿ ಹೊಂದಿದೆ.
ಭಾರತೀಯ ಎಐ ಸ್ಟಾರ್ಟ್ಅಪ್ಗಳು ವಿಶೇಷವಾಗಿ ಮಾನವ-ಸಮಾನ ರೀತಿಯಲ್ಲಿ ಸಂವಹನ ನಡೆಸುವ ಚಾಟ್ಬಾಟ್ಗಳನ್ನು ಅಭಿವೃದ್ಧಿಪಡಿಸಿವೆ. ಇವು ಗ್ರಾಹಕ-ಸೇವಾ (ಕಾಲ್ಸೆಂಟರ್) ಉದ್ಯೋಗಗಳನ್ನು ಬಹುತೇಕ ಅನಗತ್ಯವಾಗಿಸುವ ಗುರಿಯನ್ನು ಹೊಂದಿವೆ. ಭಾರತೀಯ ಐಟಿ ವಲಯವು ಈ ತಂತ್ರಜ್ಞಾನವನ್ನು ವೇಗವಾಗಿ ಅಳವಡಿಸಿಕೊಳ್ಳುತ್ತಿರುವುದರಿಂದ, ಈ ಎಐ ಪರಿಕರಗಳು ತಾಂತ್ರಿಕ ಬೆಂಬಲ ಮತ್ತು ಗ್ರಾಹಕ ಸೇವೆಯಲ್ಲಿ ಯುವ ಪದವೀಧರರು ಹಾಗೂ ಸಿಬ್ಬಂದಿ ಹೊಂದಿರುವ ಉದ್ಯೋಗಗಳ ಮೇಲೆ ತೀವ್ರ ಪರಿಣಾಮ ಬೀರುತ್ತಿವೆ.
ಭಾರತೀಯ ಕಾಲ್ ಸೆಂಟರ್ಗಳು ಮುಂದಿನ ಐದು ವರ್ಷಗಳಲ್ಲಿ ಸುಮಾರು ಶೇ 50ರಷ್ಟು ಆದಾಯವನ್ನು ಕಳೆದುಕೊಳ್ಳಬಹುದು. ಇದರ ಜೊತೆಗೆ ದೊಡ್ಡ ಪ್ರಮಾಣದ ಉದ್ಯೋಗ ನಷ್ಟವನ್ನು ಸಹ ಅನುಭವಿಸಬಹುದು. ಇದಲ್ಲದೆ ಬ್ಯಾಕ್-ಆಫೀಸ್ ಕಾರ್ಯಾಚರಣೆಗಳ ಮೇಲೂ ಇದೇ ರೀತಿಯ ಪರಿಣಾಮಗಳನ್ನು ನಿರೀಕ್ಷಿಸಲಾಗಿದೆ. ಇದರಿಂದಾಗಿ ಜಗತ್ತಿನ "ಬ್ಯಾಕ್ ಆಫೀಸ್" ಆಗಿರುವ ಭಾರತವು "AI ಕಾರ್ಖಾನೆ"ಯಾಗುವ ಹಂತಕ್ಕೆ ಬದಲಾಗುತ್ತಿದೆ. ಸದ್ಯ ಎಐ ಇಂಜಿನಿಯರ್ಗಳು ಮತ್ತು ಆಟೋಮೇಷನ್ ತಜ್ಞರಿಗೆ ಡಿಮ್ಯಾಂಡ್ ಕೂಡ ಹೆಚ್ಚಾಗಿದೆ.
Click it and Unblock the Notifications
Sign in with Google