ಅಬ್ಬಾ.. ಎಂಥಾ ಸೌಂದರ್ಯ! ತಿರುಚ್ಚಿಯ ಈ ಸ್ಥಳ ಸ್ವರ್ಗ! ಬೆಂಗಳೂರಿನಿಂದ ಇಷ್ಟೇ ದೂರದಲ್ಲಿದೆ ಪುಲಿಂಚೋಲೈ....
ತಮಿಳುನಾಡಿನ ಹೃದಯಭಾಗವೆಂದು ಪರಿಗಣಿಸಲ್ಪಟ್ಟಿರುವ ತಿರುಚ್ಚಿ ತನ್ನ ಸುತ್ತಲೂ ಅನೇಕ ಪ್ರವಾಸಿ ತಾಣಗಳನ್ನು ಹೊಂದಿದೆ. ಇದು ನಿಮ್ಮ ವಾರಾಂತ್ಯವನ್ನು ಕಳೆಯಲು ಉತ್ತಮ ಸ್ಥಳವಾಗಿದೆ. ಹಾಗಾದರೆ ಬನ್ನಿ ಈ ವಾರಾಂತ್ಯಕ್ಕೆ ಬೆಂಗಳೂರಿನಿಂದ 342 ಕಿ.ಲೋ ದೂರದಲ್ಲಿರುವ ತಿರುಚ್ಚಿಯಲ್ಲಿ ಯಾವೆಲ್ಲಾ ಪ್ರೇಕ್ಷಣೀಯ ಸ್ಥಳಗಳು ಇವೆ ಎಂದು ನೋಡೋಣ.
ತಿರುಚಿಯು ತಮಿಳುನಾಡಿನ ಒಂದು ಪ್ರಮುಖ ನಿಗಮ ಮತ್ತು ಕೇಂದ್ರ ಜಿಲ್ಲೆಯಾಗಿದೆ. ತಿರುಚ್ಚಿಯು ತಮಿಳುನಾಡಿನ ಹಲವು ಜಿಲ್ಲೆಗಳ ಗಡಿಗಳನ್ನು ಹಂಚಿಕೊಂಡಿದೆ. ಉತ್ತರ ಜಿಲ್ಲೆಗಳಲ್ಲಿ ಪೆರಂಬಲೂರ್ ಮತ್ತು ಅರಿಯಲೂರ್ ಮತ್ತು ಕೊಂಗು ವಲಯದಲ್ಲಿ ಸೇಲಂ, ನಾಮಕ್ಕಲ್ ಮತ್ತು ಕರೂರ್ಗಳೊಂದಿಗೆ ತಿರುಚಿ ಗಡಿಯನ್ನು ಹಂಚಿಕೊಂಡಿದೆ.
ತಿರುಚ್ಚಿ ಜಿಲ್ಲೆ ಮಧುರೈ, ದಿಂಡಿಗಲ್, ಶಿವಗಂಗೈ, ದಕ್ಷಿಣ ಜಿಲ್ಲೆಗಳಲ್ಲಿ ಪುದುಕೊಟ್ಟೈ ಮತ್ತು ಡೆಲ್ಟಾ ಜಿಲ್ಲೆಗಳಲ್ಲಿ ತಂಜಾವೂರುಗಳೊಂದಿಗೆ ಗಡಿಯನ್ನು ಹಂಚಿಕೊಂಡಿದೆ. ಆದ್ದರಿಂದ ನೀವು ಇತರ ಜಿಲ್ಲೆಗಳಿಗೆ ಹೋಲಿಸಿದರೆ ಕಡಿಮೆ ಸಮಯದಲ್ಲಿ ತಿರುಚ್ಚಿಯಿಂದ ತಮಿಳುನಾಡಿನ ಯಾವುದೇ ಭಾಗಕ್ಕೆ ಪ್ರಯಾಣಿಸಬಹುದು. ಅಂತೆಯೇ ತಿರುಚ್ಚಿ ಜಿಲ್ಲೆಯಲ್ಲಿ ಅನೇಕ ಪ್ರವಾಸಿ ತಾಣಗಳು ಮತ್ತು ಪ್ರಕೃತಿ ತಾಣಗಳಿವೆ.
ಈ ಪ್ರವಾಸಿ ತಾಣಗಳಲ್ಲಿ ಪುಲಿಂಚೋಲೈ (Puliancholai) ಕೂಡ ಒಂದು. ಕಾಡುಗಳು, ಪರ್ವತಗಳು, ಜಲಪಾತಗಳೊಂದಿಗೆ ಪುಲಿಂಚೋಲೈನ ನೈಸರ್ಗಿಕ ಸೌಂದರ್ಯ ಬದಲಾಗದೆ ಉಳಿದಿದೆ. ಪ್ರವಾಸಿಗರ ಸಂಖ್ಯೆಯಲ್ಲಿನ ಹೆಚ್ಚಳದಿಂದಾಗಿ, ಕುರ್ತಾಲಂ ಸೇರಿದಂತೆ ಅನೇಕ ಜಲಪಾತಗಳು ಮತ್ತು ನೈಸರ್ಗಿಕ ತಾಣಗಳನ್ನು ಕೃತಕವಾಗಿ ತುಂಬಿಸಲಾಗಿದೆ. ಆದರೆ ಪುಲಿಂಚೋಲೈ ತನ್ನ ನೈಸರ್ಗಿಕ ಸೌಂದರ್ಯವನ್ನು ಕಳೆದುಕೊಂಡಿಲ್ಲ.
ಕಾಲೇಜುಗಳು, ಖಾಸಗಿ ಸಂಸ್ಥೆಗಳು ಮತ್ತು ಕಾರ್ಖಾನೆಗಳಿಂದ ತುಂಬಿರುವ ತಿರುಚ್ಚಿಯಲ್ಲಿ ವಾಸಿಸುವ ಜನರು ಅಥವಾ ಹತ್ತಿರದಲ್ಲಿರುವ ರಾಜ್ಯಗಳ ಪ್ರವಾಸಿಗರು ಕೊಂಚ ರಿಲ್ಯಾಕ್ಸ್ ಮೂಡ್ಗೆ ಹೋಗಲು ಇದೊಂದು ಉತ್ತಮ ಸ್ಥಳವಾಗಿದೆ. ಬೆಂಗಳೂರಿನಿಂದಲೂ ಪುಲಿಂಚೋಲೈಗೆ ಪ್ರವಾಸವನ್ನು ಕೈಗೊಳ್ಳಬಹುದು. ಟ್ರೆಕ್ಕಿಂಗ್ ಹೋಗಲು ಇಷ್ಟಪಡುವವರು ಸುಲಭವಾಗಿ ಚಾರಣ ಮಾಡಬಹುದು. ಇದು ವ್ಯಾಯಾಮ ಮತ್ತು ಸುಂದರ ಅನುಭವವನ್ನು ನೀಡುತ್ತದೆ.
ಪುಲಿಂಚೋಲೈ ಸೌಂದರ್ಯವನ್ನು ವಿವರಿಸುವುದಾದರೆ ಅದಕ್ಕೆ ಪದಗಳು ಸಿಗದು. ಒಂದು ಸನ್ನಿವೇಶವನ್ನು ಕಲ್ಪಿಸಿಕೊಳ್ಳಿ. "ಪಶ್ಚಿಮಕ್ಕೆ ಒಂದು ದೊಡ್ಡ ಪರ್ವತ. ಸಂಜೆಯ ಸೂರ್ಯ ಅದರ ಮೂಲಕ ಇಣುಕಿ ನೋಡುತ್ತಾನೆ. ಪರ್ವತದ ಮೇಲಿನಿಂದ ಜಲಪಾತವು ನೆಲ, ಪೊದೆ, ಬಂಡೆಗಳಿಂದ ಧುಮ್ಮಿಕ್ಕುತ್ತದೆ. ಗಾಜಿನಂತೆ ನೀರು ಕಾಣಿಸುತ್ತದೆ. ನೋಡಲು ಇದು ಕಣ್ಣಿಗೆ ಚಿಕ್ಕ ಮೀನಿನಂತೆ ಕಾಣಿಸುತ್ತದೆ. ಸುತ್ತಲೂ ಹಸಿರು ನಿತ್ಯಹರಿದ್ವರ್ಣಗಳು, ಅಲ್ಲಲ್ಲಿ ಗುಡ್ಡಗಾಡುಗಳು" ಯೋಚಿಸಿದರೆ ಪುಳಕವಾಗುತ್ತದೆ ಅಲ್ಲವೇ? ಪ್ರವಾಸಿಗರು ಈ ನೀರಿನಲ್ಲಿ ಕೊಂಚ ಹೊತ್ತು ಸಮಯ ಕಳೆಯಬಹುದು.
ಇದನ್ನು ನೆನಸಿಕೊಂಡರೆ ಒಂದು ಬಾರಿ ಈ ಸ್ಥಳಕ್ಕೆ ಭೇಟಿ ನೀಡುವ ಮನಸ್ಸು ಆಗದೇ ಇರದು. ಕೊಲ್ಲಿ ಬೆಟ್ಟದ ತಪ್ಪಲಿನಲ್ಲಿರುವ ಲಿಂಚೋಲೈ ಸುತ್ತಮುತ್ತಲಿನ ಅರಣ್ಯ ಮೂಲಿಕಾಸಸ್ಯಗಳಿಂದ ಸಮೃದ್ಧವಾಗಿದೆ. ಇಲ್ಲಿರುವ ಬೆಟ್ಟಗಳ ಮೇಲೆ ನೀವು ಸುಲಭವಾಗಿ ಏರಬಹುದು ಮತ್ತು ಕುಳಿತುಕೊಳ್ಳಬಹುದು. ಅದರಾಚೆಗೆ ನೀವು ಬಿತುಕುಳಿ ಗುಹೆಯನ್ನು ನೋಡಬಹುದು.
ಪುಲಿಂಚೋಲೈ ಹತ್ತಿರದಲ್ಲೇ ವಸತಿ ಸೌಕರ್ಯಗಳೂ ಇವೆ. ತಿರುಚ್ಚಿ ಜಿಲ್ಲೆ ತರ್ತಿಯೂರ್ ಬಸ್ ನಿಲ್ದಾಣದಿಂದ ಪುಲಿಂಚೋಲೈ 27 ಕಿಮೀ ದೂರದಲ್ಲಿದೆ. ತಿರುಚ್ಚಿಯಿಂದ ತಿರುವನಂತಪುರಕ್ಕೆ ಅನೇಕ ಬಸ್ಸುಗಳು ಸಂಚರಿಸುತ್ತವೆ. ಈ ಹೆದ್ದಾರಿಯು ತಿರುಚ್ಚಿ ವಿಮಾನ ನಿಲ್ದಾಣದಿಂದ ಸುಮಾರು 79 ಕಿ.ಮೀ ಮತ್ತು ತಿರುಚ್ಚಿ ರೈಲು ನಿಲ್ದಾಣದಿಂದ ಸುಮಾರು 70 ಕಿ.ಮೀ ದೂರದಲ್ಲಿದೆ. ಸೆಪ್ಟೆಂಬರ್ ನಿಂದ ಡಿಸೆಂಬರ್ ವರೆಗೆ ನೀವು ಪುಲಿಂಚೋಲೈ ಸೌಂದರ್ಯವನ್ನು ಸಂಪೂರ್ಣವಾಗಿ ಅನುಭವಿಸಬಹುದು.
Click it and Unblock the Notifications
Sign in with Google