ಜಾನಪದ ಲೋಕ: ಹಳ್ಳಿಗಾಡಿನ ಸೊಗಡನ್ನು ಕಣ್ತುಂಬಿಕೊಳ್ಳಲು ಬಯಸುವವರಿಗೆ ಹೇಳಿ ಮಾಡಿಸಿದ ಜಾಗ!
ಬೆಂಗಳೂರು, ಜುಲೈ. 28: ಸಿಲಿಕಾನ್ ಸಿಟಿಯಿಂದ ಒಂದು ದಿನಕ್ಕೆ ಹೊರಗೆ ಹೋಗಿ ಬರಬೇಕು ಎಂದು ಕೊಳ್ಳುವವರಿಗೆ ಮತ್ತು ತಮ್ಮ ಮಕ್ಕಳ ಜೊತೆಗೆ ಸಮಯ ಕಳೆಯಬೇಕು ಎಂದರೆ ನಿಮಗಾಗಿ ಇಲ್ಲಿದೆ ಒಂದು ಸುಂದರ ಲೋಕ. ಮಕ್ಕಳಿಗೆ ನಮ್ಮ ಕರ್ನಾಟಕದ ಜಾನಪದ ಲೋಕದ ಸಂಸ್ಕೃತಿಯನ್ನು ಪರಿಚಯಿಸಲು ಇದು ಅತ್ಯುತ್ತಮ ಜಾಗ. ಹಳ್ಳಿಗಾಡಿನ ಸೊಗಡನ್ನು ನಿಮ್ಮ ಮನಸ್ಸಿಗೆ ತುಂಬಲಿದೆ ಈ ಜಾನಪದ ಲೋಕ.
ಈ ಸ್ಥಳವು ಕಲಾತ್ಮಕವಾಗಿ ಆಕರ್ಷಕವಾಗಿದೆ. 50 ಕಿಲೋಮೀಟರ್ಗಳಿಗಿಂತ ಹತ್ತಿರದಲ್ಲಿರುವ ಬೆಂಗಳೂರಿನ ಸಮೀಪವಿರುವ ಪ್ರಮುಖ ಮಕ್ಕಳ ಸ್ನೇಹಿ ಸ್ಥಳಗಳಲ್ಲಿ ಇದು ಕೂಡ ಒಂದಾಗಿದೆ. ರಾಮನಗರದಲ್ಲಿರುವ ಬೆಂಗಳೂರು ಮೈಸೂರು ಹೆದ್ದಾರಿ 17 ರಲ್ಲಿ ನೆಲೆಗೊಂಡಿರುವ ಜಾನಪದ ಲೋಕವು ಹತ್ತಾರು ಜಾನಪದ ಕಲೆಗಳು ಮತ್ತು ಕಲೆ ಮತ್ತು ಕರಕುಶಲ ಪ್ರಿಯರಿಗೆ ಭೂಲೋಕದ ಸ್ವರ್ಗವಾಗಿದೆ.
ಜಾನಪದ ಲೋಕ
ಈ ವಸ್ತುಸಂಗ್ರಹಾಲಯವು ಕರ್ನಾಟಕದ ಸ್ಥಳೀಯ ಜಾನಪದ ಸಂಸ್ಕೃತಿಯನ್ನು ಕಥೆ ಹೇಳುವ ವಿಧಾನಗಳು ಮತ್ತು ಜಾನಪದ ನೃತ್ಯಗಳ ಮೂಲಕ ಪ್ರಚಾರ ಮಾಡಲು, ಸಂರಕ್ಷಿಸಲು ಮತ್ತು ಪ್ರಚಾರ ಮಾಡಲು ಸಮರ್ಪಿಸಲಾಗಿದೆ. ಮಡಿಕೆಗಳನ್ನು ಮಾಡುವುದು ಯಾರಿಗೆ ತಾನೇ ಇಷ್ಟವಿಲ್ಲ. ಇಲ್ಲಿ ಅದಕ್ಕೂ ಜಾಗವಿದೆ. ಅಲ್ಲಿ ನಿಮ್ಮ ಮಕ್ಕಳು ಜೇಡಿಮಣ್ಣಿನಿಂದ ಉತ್ಪನ್ನಗಳನ್ನು ಹೇಗೆ ತಯಾರಿಸಬೇಕೆಂದು ನೋಡಬಹುದು ಮತ್ತು ಕಲಿಯಬಹುದು.
ಹೊರಾಂಗಣ ಮಾರ್ಗಗಳು ಅಲಂಕಾರ ಮಾಡಲಾದ ಉದ್ಯಾನಗಳಿಂದ ಕೂಡಿದೆ, ಅಲ್ಲಿ ನೀವು ಕುಳಿತು ಪಿಕ್ನಿಕ್ ಅನ್ನು ಆನಂದಿಸಬಹುದು. ಇದಲ್ಲದೇ ಈ ಸ್ಥಳದಲ್ಲಿ ಫೋಟೋಗ್ರಫಿ ಕೂಡ ಮಾಡಬಹುದು. ಆದ್ದರಿಂದ ಮರಗಳು, ಹಲ್ಳಿಯ ಗೌಡರು, ಕಲಾವಿಧರನ್ನು ನಿಮ್ಮ ಮನೆ ಮತ್ತು ಮನಕ್ಕೆ ಕರೆತರಬಹುದು.
ಗ್ರಾಮೀಣ ಭಾರತವನ್ನು ನೋಡಲು ಗ್ಯಾಲರಿಯಲ್ಲಿ ಇರಿಸಲಾಗಿರುವ ಪುರಾತನ ವಸ್ತುಗಳನ್ನು ವೀಕ್ಷಿಸಿಬಹುದು. ಹೀಗಾಗಿ ನೀವು ಸಂಸ್ಕೃತಿ ಮತ್ತು ಗ್ರಾಮೀಣ ಭಾರತವನ್ನು ನೋಡಲು ಇಷ್ಟಪಡುತ್ತಿದ್ದರೆ, ಬೆಂಗಳೂರಿನ ಸಮೀಪವಿರುವ ಈ ಜಾನಪದ ಲೋಕ ಅತ್ಯುತ್ತಮ ಸ್ಥಳವಾಗಿದೆ.
ಬೆಂಗಳೂರಿನಿಂದ ಜಾನಪದ ಲೋಕಕ್ಕೆ ಇರುವ ದೂರ - 52 ಕಿಲೋಮೀಟರ್. ಅಂದಾಜು 1.5 ಗಂಟೆಗಳು
ಜಾನಪದ ಲೋಕದ ಸಮಯ- ಬೆಳಗ್ಗೆ 9:00 ರಿಂದ ಸಂಜೆ 5:30. ಮಂಗಳವಾರ ಮತ್ತು ರಾಷ್ಟ್ರೀಯ ರಜಾದಿನಗಳಲ್ಲಿ ಮುಚ್ಚಲಾಗಿರುತ್ತದೆ
ಭೇಟಿ ನೀಡಲು ಉತ್ತಮ ಸಮಯ ಮತ್ತು ಸೀಸನ್- ಮಳೆಯ ನಂತರ, ಬೇಸಿಗೆಯ ಮೊದಲು, ಚಳಿಗಾಲದ ನಡುವೆ
ಸುತ್ತಾಡುವ ಅವಧಿ - ಅಂದಾಜು 2 ರಿಂದ 3 ಗಂಟೆಗಳು
ಜನಪದ ಲೋಕ ಮತ್ತು ಸುತ್ತಮುತ್ತ ವಸತಿ - ಕಣ್ವ ಹೆರಿಟೇಜ್ ರೆಸಾರ್ಟ್, ರಾಮಗಡ ರೆಸಿಡೆನ್ಸಿ, ಶಿಲ್ಹಾಂದರ ರೆಸಾರ್ಟ್
Click it and Unblock the Notifications
Sign in with Google