Indian Railways: ದಸರಾ, ದೀಪಾವಳಿಗಾಗಿ 34 ವಿಶೇಷ ರೈಲುಗಳ ಸಂಚಾರ: ಮಾರ್ಗ, ಸಮಯ ಇಲ್ಲಿ ತಿಳಿಯಿರಿ
ರೈಲು ಪ್ರಯಾಣಿಕರಿಗೆ ಸಿಹಿ ಸುದ್ದಿಯೊಂದು ಹೊರಬಿದ್ದಿದೆ. ಹಬ್ಬದ ಋತುವಿನಲ್ಲಿ ಪ್ರಯಾಣಿಕರಿಗೆ ಅನುಕೂಲವಾಗುವಂತೆ ಭಾರತೀಯ ರೈಲ್ವೆ ವಿಶೇಷ ರೈಲುಗಳನ್ನು ಬಿಡುಗಡೆ ಮಾಡಿದೆ. ಸಾಲು ಸಾಲು ಹಬ್ಬಗಳ ಪ್ರಯುಕ್ತ ಪ್ರಯಾಣಿಕರಿಗೆ ಅನುಕೂಲವಾಗಲು ಉತ್ತರ ರೈಲ್ವೆ ಹೆಚ್ಚುವರಿಯಾಗಿ 34 ವಿಶೇಷ ರೈಲುಗಳನ್ನು ಪ್ರಾರಂಭಿಸಿದೆ.
ಈ ವಿಶೇಷ ಹಬ್ಬದ ರೈಲುಗಳು ಅಕ್ಟೋಬರ್ 18 ರಿಂದ ಮತ್ತು ಡಿಸೆಂಬರ್ 11 ರ ನಡುವೆ ದೇಶದ ಪೂರ್ವ ಭಾಗದ ಕಡೆಗೆ 351 ಮತ್ತು ಉತ್ತರ ಪ್ರದೇಶದ ಕಡೆಗೆ 377 ಟ್ರಿಪ್ಗಳನ್ನು ಮಾಡುತ್ತವೆ. ಈ ರೈಲುಗಳನ್ನು ದಸರಾ, ದೀಪಾವಳಿ ಮತ್ತು ಛಾತ್ ಪೂಜೆಯಂತಹ ಹಬ್ಬಗಳಿಗಾಗಿ ಓಡಿಸಲಾಗುತ್ತಿದೆ.
ಈ ಬಗ್ಗೆ ಸ್ಥಳೀಯ ಸುದ್ದಿಗಾರರೊಂದಿಗೆ ಮಾತನಾಡಿದ ಉತ್ತರದ ರೈಲ್ವೇ ಜನರಲ್ ಮ್ಯಾನೇಜರ್ ಶೋಭನ್ ಚೌಧರಿ ಅವರು, "ಈ 34 ರೈಲುಗಳ ಹೊರತಾಗಿ, ಅಸ್ತಿತ್ವದಲ್ಲಿರುವ 69 ರೈಲುಗಳಿಗೆ ಹೆಚ್ಚುವರಿ ಕೋಚ್ಗಳನ್ನು ಸೇರಿಸಲಾಗುವುದು ಮತ್ತು ಹಬ್ಬದ ಸಮಯದಲ್ಲಿ ಪ್ರಯಾಣಿಕರ ಚಲನವಲನದ ಹೆಚ್ಚಳವನ್ನು ಪರಿಗಣಿಸಿ ಉತ್ತರ ರೈಲ್ವೆಯು 5.5 ಲಕ್ಷ ಹೆಚ್ಚುವರಿ ಬರ್ತ್ಗಳು ಮತ್ತು ಆಸನಗಳನ್ನು ರಚಿಸುತ್ತೇವೆ" ಎಂದು ತಿಳಿಸಿದರು.
ಈ ವಿಶೇಷ ರೈಲುಗಳು ದೆಹಲಿ/ಆನಂದ್ ವಿಹಾರ್, ಪಾಟ್ನಾ, ಛಾಪ್ರಾ, ಜೋಗ್ವಾನಿ, ಸಹರ್ಸಾ, ಜಯನಗರ, ಕತಿಹಾರ್, ಗುವಾಹಟಿ, ದರ್ಬಂಗಾ, ಗೋರಖ್ಪುರ್, ವಾರಣಾಸಿ, ಬರೌನಿ, ರಕ್ಸಾಲ್, ಗಯಾ, ಲಕ್ನೋ, ಕೋಲ್ಕತ್ತಾ, ಶ್ರೀ ಮಾತಾ ವೈಷ್ಣೋ ದೇವಿ ಕತ್ರಾ, ಅಮೃತಸರ, ಸಹರಾನ್ಪುರ ಮತ್ತು ಅಂಬಾಲಾ, ಮುಜಫರ್ಪುರ ಮುಂತಾದ ದೇಶಾದ್ಯಂತ ಪ್ರಮುಖ ಸ್ಥಳಗಳಿಗೆ ಸಂಪರ್ಕ ಕಲ್ಪಿಸಲಿವೆ ಎಂದು ಭಾರತೀಯ ರೈಲ್ವೇ ಹೇಳಿದೆ.
ಆದಾಗ್ಯೂ ಪ್ರಯಾಣಿಕರು ತಮ್ಮ ಪ್ರಯಾಣವನ್ನು ಪ್ರಾರಂಭಿಸುವ ಮೊದಲು ಸಾಮಾಜಿಕ ಮಾಧ್ಯಮ ಹ್ಯಾಂಡಲ್ ಮತ್ತು ವಿಚಾರಣಾ ಕಚೇರಿಗಳಿಂದ ವಿಶೇಷ ರೈಲುಗಳ ವಿವರಗಳನ್ನು ಪಡೆಯುವಂತೆ ಉತ್ತರ ರೈಲ್ವೆ ಪ್ರಯಾಣಿಕರಿಗೆ ಸಲಹೆ ನೀಡಿದೆ. ಈ ಹಬ್ಬದ ಋತುವಿನಲ್ಲಿ ಹೆಚ್ಚಿದ ಬೇಡಿಕೆಯನ್ನು ಗಮನದಲ್ಲಿಟ್ಟುಕೊಂಡು ಹೆಚ್ಚುವರಿ ವ್ಯವಸ್ಥೆಗಳನ್ನು ಮಾಡಲಾಗಿದೆ ಎಂದು ಶೋಭನ್ ಚೌಧರಿ ಹೇಳಿದರು.
"ಈ ಹೆಚ್ಚುವರಿ ಹಬ್ಬದ ರೈಲುಗಳು ನಮಗೆ ಇತರ ರೈಲುಗಳಂತೆ ಮುಖ್ಯವಾಗಿದೆ ಮತ್ತು ವಿಶೇಷ ರೈಲುಗಳಲ್ಲಿ ಪ್ರಯಾಣಿಸಲು ಯೋಜಿಸುತ್ತಿರುವ ಎಲ್ಲಾ ಪ್ರಯಾಣಿಕರಿಗೆ ಅವರ ಸಮಯಪ್ರಜ್ಞೆಯನ್ನು ಕಾಪಾಡಿಕೊಳ್ಳಲಾಗುವುದು ಎಂದು ನಾನು ಭರವಸೆ ನೀಡುತ್ತೇನೆ" ಎಂದು ಚೌಧುರಿ ಹೇಳಿದರು.
ಇದೇ ವೇಳೆ ಅಕ್ಟೋಬರ್ 19, 2018 ರ ಅಮೃತಸರ ರೈಲು ದುರಂತದಂತಹ ಅಪಘಾತಗಳು ಮರುಕಳಿಸುವುದನ್ನು ತಪ್ಪಿಸಲು ಉತ್ತರ ರೈಲ್ವೆ ಕೈಗೊಂಡ ಸುರಕ್ಷತಾ ವ್ಯವಸ್ಥೆಗಳ ಕುರಿತು ಅವರು ಮಾತನಾಡಿದರು, "ಇದು ತುಂಬಾ ದುರದೃಷ್ಟಕರ ಮತ್ತು ದುಃಖಕರವಾಗಿತ್ತು. ಇಂತಹ ಅವಘಡಗಳು ಮರುಕಳಿಸದಂತೆ ನಮ್ಮ ರೈಲ್ವೆ ಸಿಬ್ಬಂದಿ ಮತ್ತು ರೈಲ್ವೆ ರಕ್ಷಣಾ ಪಡೆ ಸಿಬ್ಬಂದಿಯನ್ನು ಈ ಸ್ಥಳಗಳಲ್ಲಿ ನಿಯೋಜಿಸುತ್ತೇವೆ. ಇದಲ್ಲದೆ ಹಬ್ಬವನ್ನು ಆಚರಿಸುವವರು ರೈಲು ಹಳಿಗಳಿಂದ ದೂರವಿರಲು ನಾನು ವಿನಂತಿಸುತ್ತೇನೆ. ಏಕೆಂದರೆ ರೈಲುಗಳನ್ನು ತಕ್ಷಣವೇ ನಿಲ್ಲಿಸಲಾಗುವುದಿಲ್ಲ. ಚಾಲಕನು ಒಮ್ಮೆ ಬ್ರೇಕ್ ಹಾಕಿದರೆ, ರೈಲು ನಿಲುಗಡೆಗೆ ಬರುವ ಮೊದಲು ಸುಮಾರು ಒಂದು ಕಿಲೋಮೀಟರ್ ಕ್ರಮಿಸುತ್ತದೆ, "ಎಂದು ಅವರು ಹೇಳಿದರು.
Click it and Unblock the Notifications
Sign in with Google