ಅಕ್ಕ : ಕಾರ್ಯಕ್ರಮ ನಿರೂಪಕ ಶ್ರೇಯಸ್
ಸಾಫ್ಟ್ ವೇರ್ ಇಂಜಿನಿಯರ್ ಆಗಿ ಅಮೇರಿಕಾಗೆ ಬಂದ ಶ್ರೇಯಸ್ ಎಲ್.ಎಸ್. 6ನೇ ಅಕ್ಕ ವಿಶ್ವ ಸಮ್ಮೇಳನ ನಡೆಯಲಿರುವ ನ್ಯೂ ಜೆರ್ಸಿಯ ಎಡಿಸನ್ ನಗರದಲ್ಲೇ ವಾಸವಾಗಿದ್ದಾರೆ. ಸುಮಾರು 18 ವರ್ಷಗಳ ಕಾಲ ಮಂಗಳೂರಿನಲ್ಲಿದ್ದು, ಕರ್ನಾಟಕದ ಸಾಂಸ್ಕೃತಿಕ ಕೇಂದ್ರವಾಗಿರುವ ಮೈಸೂರಿನಲ್ಲಿ ಪದವಿ ಶಿಕ್ಷಣ ಪಡೆದ ಶ್ರೇಯಸ್ ಮೂಲತಃ ಬೆಂಗಳೂರಿನವರು.
ಶ್ರೇಯಸ್ ಅವರಿಗೆ ಬಾಲ್ಯದಿಂದಲೂ ಸಂಗೀತವೆಂದರೆ ಬಹಳ ಆಸಕ್ತಿ. ಮೈಸೂರಿನಲ್ಲಿ ಶ್ರೀಮತಿ ಎಚ್.ಆರ್. ಲೀಲಾವತಿ ಅವರಿಂದ ಸುಗಮ ಸಂಗೀತ ಕಲಿತು, ಬೆಂಗಳೂರು ದೂರದರ್ಶನದಲ್ಲಿ ಕಾರ್ಯಕ್ರಮ ನೀಡಿರುತ್ತಾರೆ. ಬಾಲ್ಯದಲ್ಲಿ ತಮಗೆ ಹೆಚ್ಚಾಗಿ ಶಾಸ್ತ್ರೀಯ ಸಂಗೀತ ಕಲಿಯಲು ಅವಕಾಶವಾಗದಿದ್ದರೂ, ಶ್ರೇಯಸ್ ಅವರು ಪ್ರಸ್ತುತವಾಗಿ San Diegoನಲ್ಲಿ ನೆಲೆಸಿರುವ ಡಾ|| ಸಿ.ಎಂ. ವೆಂಕಟಾಚಲಂ ಅವರ ಬಳಿ Skype ಮೂಲಕ ಶಾಸ್ತ್ರೀಯ ಸಂಗೀತ ಕಲಿಯುತ್ತಿದ್ದಾರೆ.
ದಿನೇ ದಿನೇ, ನಿತ್ಯ ಜೀವನದಲ್ಲಿ ಕನ್ನಡದ ಬಳಕೆ ಕಡಿಮೆಯಾಗುತ್ತಿರುವಾಗ, ಕನ್ನಡವನ್ನು ಆಡುಭಾಷೆಯಾಗಿ ಕಾಪಾಡಲು ಮನೆಯಲ್ಲಿ ತಿಂಗಳಲ್ಲಿ ಎರಡು ವಾರವಾದರೂ ಆಂಗ್ಲ ಪದಗಳನ್ನು ಬಳಸದೇ, ಸಂಪೂರ್ಣವಾಗಿ ಕನ್ನಡದಲ್ಲೇ ಮಾತನಾಡುವ ಯತ್ನ ಸುಷ್ಮ ಶ್ರೇಯಸ್ ದಂಪತಿಗಳದ್ದು. "ಅಕ್ಕ" ನಿರೂಪಣ ತಂಡದಲ್ಲಿ ಭಾಗವಹಿಸಲು ಅವಕಾಶಮಾಡಿಕೊಟ್ಟಿದ್ದಕ್ಕೆ ಧನ್ಯವಾದಗಳನ್ನು ವ್ಯಕ್ತಪಡಿಸುತ್ತಾ, "ಅಕ್ಕ" 2010 ಬಹಳ ಯಶಸ್ವಿಯಾಗಿ ನಡೆಯಲಿ ಎಂದು ಹಾರೈಸುತ್ತಾರೆ.
ಅಕ್ಕ: ಕಾರ್ಯಕ್ರಮ ನಿರೂಪಕಿ ಸುಧಾ ರಾವ್ »