Click it and Unblock the Notifications
Just In
-
-
-
Don't Miss
-
ಇದು ಮಾಮೂಲಿ ರೈಸ್ ಅಲ್ಲ..ತೆಂಗಿನಕಾಯಿ ರೈಸ್..! ಮಾಡೋದು ಸುಲಭ.! -
T20 World Cup: ಆರಂಭಿಕ ಸ್ಥಾನಕ್ಕಾಗಿ ಯಶಸ್ವಿ ಜೈಸ್ವಾಲ್, ಶುಭ್ಮನ್ ಗಿಲ್ ಪೈಪೋಟಿ -
Realme: ರಿಯಲ್ಮಿ ನಾರ್ಜೋ 70x 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಗಣನೆ! ಅಮೋಲೆಡ್ ಡಿಸ್ಪ್ಲೇ ಆಯ್ಕೆ -
ಚಿಕ್ಕ ವಯಸ್ಸಿನಲ್ಲಿಯೇ ಕೊನೆಯುಸಿರೆಳೆದ ಆ್ಯಂಗ್ರಿ ರ್ಯಾಂಟ್ಮ್ಯಾನ್ ; ಪ್ರಖ್ಯಾತ ಯುಟ್ಯೂಬರ್ಗೆ ಏನಾಗಿತ್ತು..? -
150KM ರೇಂಜ್, ಸುರಕ್ಷತೆಯ ಮೆಟಲ್ ಬಾಡಿಯ ಮಹಿಂದ್ರಾ ಎಲೆಕ್ಟ್ರಿಕ್ ಆಟೋ ಬಿಡುಗಡೆ: ಹೆಚ್ಚು ಲಾಭ -
ದೀಪಿಕಾ ಪಡುಕೋಣೆಯೊಂದಿಗೆ ಅಂಬಾನಿ ಮಗಳು ಒಪ್ಪಂದ, ಇಲ್ಲಿದೆ ವಿವರ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಿಯಾಮಿಯಲ್ಲಿ ನಂದಿ ಕನ್ನಡ ಕೂಟದ ಸುಗ್ಗಿ ಸಂಭ್ರಮ
ಪ್ರತಿ ವರ್ಷದಂತೆ ನಂದಿ ಕನ್ನಡ ಕೂಟ ಆಫ್ ಸೌತ್ ಫ್ಲೋರಿಡಾ ಜನವರಿ 20ನೇ ತಾರೀಖಿನಂದು ಮಿಯಾಮಿಯ ಟ್ರೀ ಟಾಪ್ ಪಾರ್ಕ್ನಲ್ಲಿ ಸುಗ್ಗಿಯ ಸಂಭ್ರಮ ಕಾರ್ಯಕ್ರಮ ಹಮ್ಮಿಕೊಂಡಿತ್ತು.
ಸುಮಾರು 200 ಸದಸ್ಯರು ಅತ್ಯಂತ ಸಂತೋಷದಿಂದ ಕುಟುಂಬ ಸಮೇತರಾಗಿ ಪರಸ್ಪರ ಎಳ್ಳು ಬೆಲ್ಲ ಹಂಚಿ, ಬಗೆ ಬಗೆಯಾದ ಆಟಗಳನ್ನು ಆಡಿ, ನಕ್ಕು ನಲಿದು, ಸದಸ್ಯರೇ ತಯಾರಿಸಿದ ಪುಷ್ಕಳ ಭೋಜನವನ್ನು ಸವಿದರು.
ಕಾರ್ಯಕ್ರಮ ಕುಟುಂಬಗಳ ಸದಸ್ಯರ ಪರಿಚಯದೊಂದಿಗೆ ಆರಂಭವಾಗಿತು. ನೃತ್ಯ, ಕನ್ನಡ ಹಾಡುಗಳ ಗಾಯನ, ಅಂತ್ಯಾಕ್ಷರಿ ಮತ್ತು ಮುತ್ತಿತರ ಆಟಗಳನ್ನು ಒಳಗೊಂಡು ಕನ್ನಡಿಗರನ್ನು ಮನರಂಜಿಸಿತು.
ಸಂಘದ ಮಹಿಳಾ ಸದಸ್ಯರೇ ತಾವೇ ಖುದ್ದಾಗಿ ಅತ್ಯಂತ ಪ್ರೀತಿಯಿಂದ ತಯಾರಿಸಿದ ಮದ್ದೂರು ವಡೆ, ಉತ್ತರ ಕರ್ನಾಟಕದ ಎಣ್ಣಿಗಾಯಿ, ಸಿಹಿ/ಖಾರ ಹುಗ್ಗಿ, ಜೋಳದ ಬುಟ್ಟಾ, ಖಾರ ಮಂಡಕ್ಕಿ ಎಲ್ಲರ ಮೆಚ್ಚುಗೆಗೆ ಪಾತ್ರವಾದವು.
ನಂದಿ ಕನ್ನಡಕೂಟದ ಅಧ್ಯಕ್ಷರಾದ ಮಹೇಶ್ ಜೋಶಿ ಅವರು ಕನ್ನಡ ಸಂಘವು ವರ್ಷದಿಂದ ವರ್ಷಕ್ಕೆ ವೃದ್ಧಿ ಗೊಳ್ಳುತ್ತಲಿದ್ದು, ಸರ್ವ ಸಂಘದ ಸದಸ್ಯರಿಂದ ಅನೂಚಾನವಾಗಿ ಸಂಕ್ರಾಂತಿ ಕಾರ್ಯಕ್ರಮವು ಮತ್ತೆ ಮತ್ತೆ ವಿನೂತನವಾಗಿ ಪ್ರತಿ ವರ್ಷವೂ ಎಲ್ಲರ ಸಹಕಾರದಿಂದ ನಡೆಯುತ್ತಿದೆ ಎಂದು ಹರ್ಷಚಿತ್ತರಾಗಿ ತಿಳಿಸಿದರು.
ಉಪಾಧ್ಯಕ್ಷರಾದ ನಾಗರಾಜ ನಾಗತಿಹಳ್ಳಿ, ಖಜಾಂಚಿಯಾದ ಅರ್ಚನಾ ತುಳಸಿ, ಮಿಯಾಮಿ ಡೆಯ್ಡ್ ಪ್ರಾಂತ್ಯದ ಸಂಚಾಲಕರಾದ ಪ್ರೀತಿ ರವೀಂದ್ರ, ವೆಸ್ಟ್ ಪಾಮ್ ಬೀಚಿನ ಸಂಚಾಲಕರಾದ ರವೀಂದ್ರ ಶ್ರೀನಿವಾಸ ಮತ್ತು ಬೋವರ್ಡ್ ಪ್ರಾಂತ್ಯದ ಸಂಚಾಲಕರಾದ ದರ್ಶನ ಜೋಡಟ್ಟಿಯವರು ಉಪಸ್ಥಿತರಿದ್ದರು.
ಸಂಘದ ಕಾರ್ಯದರ್ಶಿಯಾದ ಶಾಲಿನಿ ಉಮೇಶ್ ತುಂಬು ಹೃದಯದ ವಂದನಾರ್ಪಣೆ ಸಲ್ಲಿಸಿದರು. ಈ ಎಲ್ಲ ಕಾರ್ಯಕ್ರಮಗಳ ನೆನಪನ್ನು ಕಾರ್ತಿಕ್ ಮಾಧವನ್ ತಮ್ಮ ಛಾಯಾ ಚಿತ್ರಗಳಲ್ಲಿ ಸೆರೆಹಿಡಿದರು.
