ಲಂಡನ್ನಿನಲ್ಲಿ ವಿದ್ಯಾಭೂಷಣರಿಂದ ಭಕ್ತಿ ಸಂಗೀತ ಸುಧೆ
ಲಂಡನ್, ಫೆಬ್ರವರಿ 18 : ದಾಸವರೇಣ್ಯ ಪುರಂದರದಾಸರ ಕೃತಿಗಳನ್ನು ಸುಶ್ರಾವ್ಯವಾಗಿ ಹಾಡುವ ಕಂಚಿನ ಕಂಠದ ವಿದ್ಯಾಭೂಷಣ ಅವರು ಲಂಡನ್ ನಲ್ಲಿ ಫೆ.20ರಂದು ಮತ್ತು ಬರ್ಮಿಂಗ್ಹ್ಯಾಮ್ ನಲ್ಲಿ ಫೆ.21ರಂದು ಗಾನಸುಧೆಯನ್ನು ಹರಿಸಲಿದ್ದಾರೆ.
ಯುನೈಟೆಡ್ ಕಿಂಗಡಂನ ವೆಂಕಟ ಕೃಷ್ಣ ವೃಂದಾವನ ಈ ಕಾರ್ಯಕ್ರಮಗಳನ್ನು ಪ್ರಸ್ತುತಪಡಿಸುತ್ತಿದ್ದು, ನಾದಸುಧೆಯನ್ನು ಹರಿಸಿದ ನಂತರ ಕೃಷ್ಣ ಪೂಜೆಯು ಜರುಗಲಿದೆ. ಸಂಗೀತಾಸಕ್ತರು ನೋಂದಾಯಿಸಿಕೊಳ್ಳಬೇಕಾಗಿ ಆಯೋಜಕರು ಕೋರಿದ್ದಾರೆ. [ಲಂಡನ್ನಿನ ಸ್ಲೌನಲ್ಲಿ ಮಧ್ವನವಮಿ, ಶ್ರೀಕೃಷ್ಣ ಗಾನಾಮೃತ]
ಲಂಡನ್ನಿನಲ್ಲಿ ಸಂಗೀತ ಕಾರ್ಯಕ್ರಮ ಶನಿವಾರ 5.30ರಿಂದ 8.30ರವರೆಗೆ ಹ್ಯಾರೋನ ಮ್ಯಾನ್ಸನ್ ಅವೆನ್ಯೂನಲ್ಲಿರುವ ಅಯ್ಯಪ್ಪನ್ ಕೋವಿಲ್ ಹಾಲ್ ನಲ್ಲಿ ನಡೆಯಲಿದೆ. ಬರ್ಮಿಂಗ್ಹ್ಯಾಮ್ ನಲ್ಲಿ ಭಾನುವಾರ ಮಧ್ಯಾಹ್ನ 2.30ರಿಂದ 5.30ರವರೆಗೆ ವೆಸ್ಟ್ ಮಿಡ್ಲ್ಯಾಂಡ್ಸ್ನಲ್ಲಿರುವ ವೆಂಕಟೇಶ್ವರ/ಬಾಲಾಜಿ ದೇವಸ್ಥಾನದಲ್ಲಿ ಕಾರ್ಯಕ್ರಮ ಜರುಗಲಿದೆ.
ಈ ಎರಡೂ ದಿನಗಳ ಕಾರ್ಯಕ್ರಮಗಳಿಂದ ಸಂಗ್ರಹಿಸಲಾಗುವ ಹಣವನ್ನು ವೆಂಕಟ ಕೃಷ್ಣ ವೃಂದಾವನದ ಸಮಾಜಮುಖಿ ಚಟುವಟಿಕೆಗೆ ವಿನಿಯೋಗಿಸಲಾಗುವುದು. ವಯಸ್ಕರಿಗೆ ಟಿಕೆಟ್ ಬೆಲೆ 10 ಪೌಂಡ್ ಇದ್ದರೆ, ಹತ್ತು ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಿಗೆ ಪ್ರವೇಶ ಉಚಿತ.
Click it and Unblock the Notifications
Sign in with Google