• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಜೆಎಸ್‌ಎಸ್‌ ಆಧ್ಯಾತ್ಮ ಪ್ರಚಾರ ಮಂಡಳಿ

By Staff
|

ಜೆಎಸ್‌ಎಸ್‌ ಆಧ್ಯಾತ್ಮ ಪ್ರಚಾರ ಮಂಡಳಿ (JSS Spiritual Mission)ಲಾಭರಹಿತ ಧಾರ್ಮಿಕ ಸಂಘಟನೆ. ಜಗದ್ಗುರು ಶಿವರಾತ್ರಿ ದೇಶಿಕೇಂದ್ರ ಮಹಾ ಸ್ವಾಮೀಜಿ 1999ರಲ್ಲಿ ಸ್ಥಾಪಿಸಿದ ಆಧ್ಯಾತ್ಮ ಪ್ರಚಾರ ಮಂಡಳಿ ಮೈಸೂರಿನ ಜೆಎಸ್‌ಎಸ್‌ ಮಹಾವಿದ್ಯಾಲಯದ ಆಧ್ಯಾತ್ಮಿಕ ಮತ್ತು ಶೈಕ್ಷಣಿಕ ಯೋಜನೆಗಳ ವಿಸ್ತರಣೆಯ ಫಲ.

ದಕ್ಷಿಣ ಅಮೆರಿಕಾದ ಆಧ್ಯಾತ್ಮ ಜ್ಞಾನ ದಾಹಿಗಳ ಪಾಲಿಗೆ ಅಮೃತವಾಗಿರುವ ಮಂಡಳಿ, ವೀರಶೈವ ಸಿದ್ಧಾಂತ ಪ್ರತಿಪಾದನೆಯ ಗುರಿಯಿಟ್ಟುಕೊಂಡಿದೆ. ಮುಖ್ಯವಾಗಿ ಸಿದ್ಧೇಶ್ವರ ಸ್ವಾಮೀಜಿಗಳ ಉಪನ್ಯಾಸ ಪ್ರವಾಸವನ್ನು ಆಯೋಜಿಸುವ ಮೂಲಕ ಧಾರ್ಮಿಕ ವಿಚಾರ ಪ್ರಚಾರಕ್ಕೆ ಒತ್ತು ಕೊಡುತ್ತದೆ.

ಉಪನ್ಯಾಸ ನೀಡಲಿರುವ ಸಿದ್ಧೇಶ್ವರ ಸ್ವಾಮೀಜಿಗಳು

ಬಿಜಾಪುರದ ಜ್ಞಾನ ಯೋಗಾಶ್ರಮದ ಮಲ್ಲಿಕಾರ್ಜುನ ಮಹಾಗುರುಗಳ ಉತ್ತರಾಧಿಕಾರಿಯಾಗಿರುವ ಸಿದ್ಧೇಶ್ವರ ಸ್ವಾಮೀಜಿಗಳು ತತ್ವಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಜಗತ್ತಿನ ಶ್ರೇಷ್ಠ ಧರ್ಮಗಳ ಆಧ್ಯಾತ್ಮಿಕ ತಿರುಳನ್ನು ಅಭ್ಯಸಿಸಿದ್ದಾರೆ. 20ನೇ ವಯಸ್ಸಿನಲ್ಲಿ ಸನ್ಯಾಸಕ್ಕೆ ಕಾಲಿಟ್ಟರು. ಸರಳ ವ್ಯಕ್ತಿ. ಉತ್ತಮ ವಾಗ್ಮಿ. ಕನ್ನಡ , ಸಂಸ್ಕೃತ, ಹಿಂದಿ, ಮರಾಠಿ, ಇಂಗ್ಲಿಷ್‌ ಭಾಷಾ ಪರಿಣತರು. ಧಾರ್ಮಿಕ ಕೃತಿಗಳ ಕರ್ತೃ. ‘ಗಾಡ್‌, ವರ್ಲ್ಡ್‌ ಆ್ಯಂಡ್‌ ಸೌಲ್‌’ ಅವರ ಪ್ರಸಿದ್ಧ ಕೃತಿ. ವೇದಾಂತ, ಗೀತೆ, ಯೋಗಸೂತ್ರಗಳ ಬಗ್ಗೆ ಸಾಮಾನ್ಯರಿಗೂ ಅರ್ಥವಾಗುವಂತೆ ವಿವರಿಸಬಲ್ಲರು.

ಜೆಎಸ್‌ಎಸ್‌ ಮಹಾವಿದ್ಯಾಪೀಠ

ಜೆಎಸ್‌ಎಸ್‌ ಮಹಾವಿದ್ಯಾಪೀಠವು ಶಾಲೆ, ಕಾಲೇಜು, ತಾಂತ್ರಿಕ ಕಾಲೇಜುಗಳೂ ಸೇರಿದಂತೆ 247 ವಿದ್ಯಾ ಸಂಸ್ಥೆಗಳನ್ನು ನಡೆಸುತ್ತಿದೆ. ವಿದ್ಯಾಪೀಠ ಆರಂಭವಾದುದು 1954ರಲ್ಲಿ . ಶಿವರಾತ್ರಿ ದೇಶಿಕೇಂದ್ರ ಸ್ವಾಮೀಜಿಗಳ ನೇತೃತ್ವದಲ್ಲಿ ವಿದ್ಯಾಲಯವು ರಾಜ್ಯದ ಗಡಿ ದಾಟಿ ತಮಿಳುನಾಡು, ಉತ್ತರ ಪ್ರದೇಶದಲ್ಲಿಯೂ ವಿದ್ಯಾ ಸಂಸ್ಥೆಗಳನ್ನು ಆರಂಭಿಸಿತು. ಇವುಗಳ ಜೊತೆಗೆ ಸಂಸ್ಕೃತ ಪಾಠ ಶಾಲೆಗಳು, ಯೋಗಕೇಂದ್ರಗಳು ಮತ್ತು ಆಧ್ಯಾತ್ಮ ಶಿಬಿರಗಳನ್ನು ಜೆಎಸ್‌ಎಸ್‌ ಮಹಾವಿದ್ಯಾ ಪೀಠ ನಡೆಸುತ್ತಿದೆ.

ನೀವು ಸಹಾಯ ಮಾಡುತ್ತೀರಾದರೆ...

ಮೈಸೂರು ನಗರದಿಂದ 28 ಕಿಲೋ ಮೀಟರ್‌ ದೂರದಲ್ಲಿರುವ ಸುತ್ತೂರಿನಲ್ಲಿ ಜೆಎಸ್‌ಎಸ್‌ ಮಹಾವಿದ್ಯಾ ಪೀಠವಿದೆ. 2000ಕ್ಕೂ ಹೆಚ್ಚು ವಿದ್ಯಾರ್ಥಿಗಳಿಗೆ ಇಲ್ಲಿ ವಸತಿಯಾಂದಿಗೆ ಶೈಕ್ಷಣಿಕ ಮತ್ತು ಧಾರ್ಮಿಕ ವಿದ್ಯಾದಾನ ನಡೆಯುತ್ತದೆ. ‘ಸುತ್ತೂರು ಜೆಎಸ್‌ಎಸ್‌ ಸ್ಕೂಲ್‌ ಫಂಡ್‌’ ವಿದ್ಯಾದಾನಕ್ಕಾಗಿ ದೇಣಿಗೆ ಸಂಗ್ರಹಿಸುತ್ತದೆ. ದೇಣಿಗೆ ನೀಡುವವರು ಒಬ್ಬ ವಿದ್ಯಾರ್ಥಿಯ ಪೂರ್ಣ ವಿದ್ಯಾಭ್ಯಾಸದ ಅಥವಾ ಒಂದು ವರ್ಷದ ಖರ್ಚು ವಹಿಸಿಕೊಳ್ಳಬಹುದು. ಅಥವಾ ಕೈಲಾದಷ್ಟು ದಾನ ಮಾಡಬಹುದು. ಈ ಹಣಕ್ಕೆ ತೆರಿಗೆ ವಿನಾಯಿತಿ ಇರುತ್ತದೆ. ದೇಣಿಗೆ ಹಣದ ರೂಪದಲ್ಲಿಯೇ ಇರಬೇಕೆಂದಿಲ್ಲ. ಕಂಪ್ಯೂಟರ್‌, ಅಡುಗೆ ಮನೆ ಸಲಕರಣೆ , ಬೆಡ್‌ ಶೀಟ್‌ಗಳು, ಚಾಪೆ, ಪ್ರಯೋಗಾಲಯದ ಉಪಕರಣಗಳು....ಹೀಗೆ ನಿಮಗೆ ಕೊಡಬೇಕೆನಿಸಿದ್ದು. ಸಂಪರ್ಕ ವಿಳಾಸ ಇಲ್ಲಿದೆ - 5545 Greenbriar Drive, West Bloomfield, MI 483221400, Phone: 2487880325
Email: skr505@msn.com

(ಇನ್ಫೋ ವಾರ್ತೆ)

Click here to go to top

ಮುಖಪುಟ / ಸಾಹಿತ್ಯ ಸೊಗಡು

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more