ಅಮೆರಿಕದಲ್ಲಿ ಕೊರೊನಾದಿಂದ ಒಂದೇ ದಿನ 2,448 ಮಂದಿ ಸಾವು

ವಾಷಿಂಗ್ಟನ್, ಮೇ 8: ಅಮೆರಿಕದಲ್ಲಿ ಕೊರೊನಾ ರಣಕೇಕೆ ಮುಂದುವರೆದಿದ್ದು ಒಂದೇ ದಿನ 2448 ಮಂದಿ ಮೃತಪಟ್ಟಿದ್ದಾರೆ. ಈ ನಡುವೆ ಅಮೆರಿಕಾದಲ್ಲಿ 1,254,750 ಮಂದಿಯಲ್ಲಿ ಸೋಂಕು ಪತ್ತೆಯಾಗಿದ್ದು, ವೈರಸ್ ಮಟ್ಟಹಾಕಲು ಅಲ್ಲಿನ ಅಧಿಕಾರಿಗಳು ಕಷ್ಟಪಡುತ್ತಿದ್ದಾರೆ.

1,254,750 ಮಂದಿ ಸೋಂಕಿತರ ಪೈಕಿ 217,250 ಮಂದಿ ವೈರಸ್ ನಿಂದ ಗುಣಮುಖರಾಗಿದ್ದು, ಆಸ್ಪತ್ರೆಗಳಿಂದ ಬಿಡುಗಡೆಗೊಂಡಿದ್ದಾರೆಂದು ವರದಿಗಳು ತಿಳಿಸಿವೆ. ಇದರೊಂದಿಗೆ ಸಾವಿನ ಸಂಖ್ಯೆ 75,543ಕ್ಕೆ ಏರಿಕೆಯಾಗಿದೆ.

ಅಮೆರಿಕ ಮೇಲೆ ಕೋವಿಡ್-19 ದಾಳಿ 9/11 ಗಿಂತ ಭೀಕರವಾದದ್ದು ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿದ್ದರು.

ಅಮೆರಿಕಾದ ಮೇಲೆ ವಿಶ್ವಯುದ್ಧ-II, ಪರ್ಲ್ ಹಾರ್ಬರ್ ಮೇಲೆ ಜಪಾನ್ ಬಾಂಬ್ ದಾಳಿ, 2001 ರಲ್ಲಿ ನಡೆದ 9/11 ದಾಳಿಗಿಂತ ಕೊರೋನಾ ದಾಳಿ ಅತ್ಯಂತ ಭೀಕರವಾದದ್ದು ಎಂದು ಚೀನಾ ವಿರುದ್ಧ ಬೊಟ್ಟು ಮಾಡಿ ಟ್ರಂಪ್ ಆರ್ಫ್ಪ ಮಾಡಿದ್ದಾರೆ. ಅಮೆರಿಕಾದಲ್ಲಿ ಈ ವರೆಗೂ ಕೊರೋನಾಗೆ 1.2 ಮಿಲಿಯನ್ ಜನರು ಸೋಂಕಿತರಾಗಿದ್ದರೆ, 73,000 ಜನರು ಸಾವನ್ನಪ್ಪಿದ್ದಾರೆ.

ಪತ್ರಕರ್ತರೊಂದಿಗೆ ಮಾತನಾಡಿರುವ ಡೊನಾಲ್ಡ್ ಟ್ರಂಪ್, ಅತ್ಯಂತ ಕೆಟ್ಟ ದಾಳಿಯನ್ನು ನಾವು ಎದುರಿಸುತ್ತಿದ್ದೇವೆ, ಇದು ಹಿಂದಿನ ಎಲ್ಲಾ ಕೆಟ್ಟ ದಾಳಿಗಳನ್ನೂ ಮೀರಿಸಿದ್ದು, ಈ ರೀತಿಯ ದಾಳಿ ಅಮೆರಿಕಾ ಮೇಲೆ ಈ ವರೆಗೂ ನಡೆದಿರಲಿಲ್ಲ ಎಂದು ಹೇಳಿದ್ದಾರೆ.

English summary

The United States recorded 2,448 Covid-19 coronavirus deaths in the past 24 hours, bringing the total to 75,543. This was reported by Johns Hopkins University.