ಗಡಿ ವಿವಾದ: ಭಾರತ-ಚೀನಾ ನಡುವೆ ಮಧ್ಯಸ್ಥಿಕೆ ವಹಿಸಲು ಸಿದ್ಧ ಎಂದ ಅಮೇರಿಕಾ
ವಾಷಿಂಗ್ಟನ್, ಮೇ 27: ಭಾರತ ಮತ್ತು ಚೀನಾ ನಡುವೆ ಮಧ್ಯಸ್ಥಿಕೆ ವಹಿಸಲು ಸಿದ್ಧ ಎಂದು ಅಮೇರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇಂದು ಹೇಳಿದ್ದಾರೆ.
Recommended Video
ಈ ಕುರಿತು ಟ್ವಿಟ್ಟರ್ ನಲ್ಲಿ ಮಾಹಿತಿ ನೀಡಿರುವ ಅಮೇರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಇದೀಗ ಉಲ್ಬಣಗೊಂಡಿರುವ ಗಡಿ ವಿವಾದದ ಕುರಿತು ಮಧ್ಯಸ್ಥಿಕೆ ವಹಿಸಲು ಅಮೇರಿಕಾ ಸಿದ್ಧವಿದೆ ಎಂದು ಭಾರತ ಮತ್ತು ಚೀನಾಗೆ ತಿಳಿಸಿರುವುದಾಗಿ ಟ್ವೀಟ್ ಮಾಡಿದ್ದಾರೆ.
We have informed both India and China that the United States is ready, willing and able to mediate or arbitrate their now raging border dispute. Thank you!
— Donald J. Trump (@realDonaldTrump) May 27, 2020
ದೇಶದ ಸಾರ್ವಭೌಮತ್ವವನ್ನು ರಕ್ಷಿಸಿಕೊಳ್ಳಲು ಬದ್ಧರಾಗಬೇಕು, ಎಂಥಾ ಪರಿಸ್ಥಿತಿಗೂ ಸಿದ್ಧರಾಗಿರಬೇಕು ಎಂದು ನಿನ್ನೆಯಷ್ಟೇ (ಮೇ 26) ತಮ್ಮ ಸೇನೆಗೆ ಚೀನಾದ ಅಧ್ಯಕ್ಷ ಕ್ಸಿ ಜಿನ್ ಪಿಂಗ್ ಕರೆ ನೀಡಿದ್ದರು. ಹಾಗೇ, ವಿವಾದಿತ ಗಡಿ ಪ್ರದೇಶದಲ್ಲಿ ಹೆಚ್ಚುವರಿ ಸೇನೆಯನ್ನ ನಿಯೋಜಿಸಲು ಆದೇಶಿಸಿದ್ದರು.
ಚೀನಾದ ಈ ನಡೆಯ ಬಳಿಕ ಭಾರತದ ಮಿತ್ರ ರಾಷ್ಟ್ರ ಅಮೇರಿಕಾ ಕಡೆಯಿಂದ 'ಮಧ್ಯಸ್ಥಿಕೆ' ವಹಿಸುವ ಪ್ರಸ್ತಾಪ ಹೊರಬಿದ್ದಿದೆ. ಇದು ಭಾರತದ ಪಾಲಿಗೆ ಕೊಂಚ ನಿರಾಳತೆಯನ್ನು ಒದಗಿಸಿದೆ.
ಈ ಹಿಂದೆ.. ಅಂದ್ರೆ, ಮೇ 5 ರಂದು ಲಡಾಖ್ ನ ಪಾಂಗೊಂಗ್ ಸರೋವರದ ಉತ್ತರ ದಂಡೆಯಲ್ಲಿ ಭಾರತ ಮತ್ತು ಚೀನಾ ಸೈನಿಕರ ನಡುವೆ ಘರ್ಷಣೆ ನಡೆದಿತ್ತು. ಮೇ 9 ರಂದು ಸಿಕ್ಕಿಂನ ನಾಥುಲಾ ಪಾಸ್ ಬಳಿ ಸೇನೆಗಳು ಮುಖಾಮುಖಿಗೊಂಡು ಸಂಘರ್ಷದ ಸನ್ನಿವೇಶ ನಿರ್ಮಾಣವಾಗಿತ್ತು.
ಈ ಎರಡೂ ಘಟನೆಗಳು ಭಾರತ ಮತ್ತು ಚೀನಾದ ನಡುವಿನ ಗಡಿ ಸಮಸ್ಯೆಯನ್ನು ಉಲ್ಬಣಗೊಳ್ಳುವಂತೆ ಮಾಡಿದೆ. 2017 ರಲ್ಲಿ ಭಾರತದ ಗಡಿ ಸಮೀಪದಲ್ಲಿರುವ ಡೋಕ್ಲಾಮ್ ನಲ್ಲಿ ರಸ್ತೆ ನಿರ್ಮಿಸುವ ಮೂಲಕ ಚೀನಾ ಗಡಿ ತಗಾದೆಗೆ ಮುನ್ನುಡಿ ಬರೆದಿತ್ತು. ಅಂದಿನಿಂದ ಆರಂಭಗೊಂಡ ಉಭಯ ರಾಷ್ಟ್ರಗಳ ನಡುವಿನ ಸರಹದ್ದಿನ ಸಮಸ್ಯೆ ಈಗ ಬೃಹತ್ ಸ್ವರೂಪವನ್ನು ಪಡೆದುಕೊಂಡು ಯುದ್ಧದ ಕಾರ್ಮೋಡ ಕವಿಯುವಂತೆ ಮಾಡಿದೆ.
Click it and Unblock the Notifications
Sign in with Google