• search
  • Live TV
ತುಮಕೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ತುಮಕೂರು ಎಚ್‌ಎಂಟಿ ಘಟಕಕ್ಕೆ ಮರುಜೀವ?

|

ಬೆಂಗಳೂರು, ಅ.28 : ನಷ್ಟದ ಹಾದಿಯಲ್ಲಿ ಸಾಗುತ್ತಿರುವ ಎಚ್ಎಂಟಿ ವಾಚ್ ಕಂಪನಿಗೆ ಕೇಂದ್ರ ಸರ್ಕಾರ ಬೀಗ ಜಡಿಯಲು ಮುಂದಾಗಿದೆ. ಈ ಸುದ್ದಿ ಕೇಳಿದ ಜನರು ವಾಚ್ ಕೊಳ್ಳಲು ಮುಂದಾಗಿದ್ದಾರೆ. ಇದರಿಂದ ಕೇಂದ್ರ ಸರ್ಕಾರ ಒಂದು ಘಟಕವನ್ನು ಉಳಿಸಿಕೊಳ್ಳಲು ಚಿಂತನೆ ನಡೆಸಿದೆ. ಇದರಿಂದಾಗಿ ತುಮಕೂರು ಘಟಕಕ್ಕೆ ಜೀವದಾನ ಸಿಗುವ ಸಾಧ್ಯತೆ ಇದೆ.

ಎಚ್‌ಎಂಟಿ ಕಂಪನಿ ಮುಚ್ಚುವ ಕೇಂದ್ರ ಸರ್ಕಾರದ ನಿರ್ಧಾರ ಹೊರಬಿದ್ದ ಬಳಿಕ ಜನರು ವಾಚ್‌ಗಳನ್ನು ಕೊಂಡು, ಸಂಗ್ರಹಿಸಿಟ್ಟುಕೊಳ್ಳಲು ಮುಂದಾದರು. ಇದರಿಂದ ದೇಶಾದ್ಯಂತ ಎಚ್‌ಎಂಟಿ ವಾಚ್‌ಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಆದ್ದರಿಂದ ಸರ್ಕಾರ ಕಂಪನಿಯ ಎಲ್ಲಾ ಘಕಟಗಳನ್ನು ಮುಚ್ಚುವ ನಿರ್ಧಾರವನ್ನು ಪುನರ್‌ ಪರಿಶೀಲಿಸಲು ಮುಂದಾಗಿದೆ.

1961ರಲ್ಲಿ ಜಪಾನ್‌ನ ಸಿಟಿಜನ್‌ ವಾಚ್‌ ಕಂಪನಿಯ ಸಹಯೋಗದಲ್ಲಿ ಆರಂಭವಾದ ಎಚ್‌ಎಂಟಿ ವಾಚಸ್‌ ಕಂಪನಿಯು ದೇಶದಲ್ಲಿ ಒಟ್ಟು ಆರು ಉತ್ಪಾದನಾ ಘಟಕಗಳನ್ನು ಹೊಂದಿದೆ. ಕರ್ನಾಟಕದಲ್ಲಿ ಬೆಂಗಳೂರು ಮತ್ತು ತುಮಕೂರಿನಲ್ಲಿ ಉತ್ಪಾದನಾ ಘಟಕಗಳಿವೆ. [ಹೆಮ್ಮೆಯ ಎಚ್ಎಂಟಿ ಕಂಪನಿಗೆ ಬೀಳಲಿದೆ ಬೀಗ]

ಸದ್ಯ ವಾಚ್‌ಗೆ ಬೇಡಿಕೆ ಹೆಚ್ಚಾಗುತ್ತಿರುವುದರಿಂದ ತುಮಕೂರು ಘಟಕವನ್ನು ಉಳಿಸಿಕೊಂಡು ಉಳಿದ ಘಟಕಗಳನ್ನು ಮುಚ್ಚಲು ಸರ್ಕಾರ ಚಿಂತನೆ ನಡೆಸಿದೆ. ತುಮಕೂರು ಘಟಕ ವಾಚ್‌ಗೆ ದೇಶದಲ್ಲಿ ಇರುವ ಬೇಡಿಕೆಗೆ ಅನುಗುಣವಾಗಿ ಉತ್ಪಾದನೆ ಮುಂದುವರೆಸಲಿದೆ.

ತುಮಕೂರು ಘಟಕವನ್ನು ಉಳಿಸಿಕೊಂಡು ಅದನ್ನು ಎಚ್‌ಎಂಟಿಯ ಬೇರೆ ಸಮೂಹದೊಂದಿಗೆ ವಿಲೀನಗೊಳಿಸಲು ಕೈಗಾರಿಕಾ ಸಚಿವಾಲಯ ನಿರ್ಧರಿಸಿದೆ. ಈ ಕುರಿತ ಪ್ರಸ್ತಾಪವನ್ನು ಕೇಂದ್ರ ಸಚಿವ ಸಂಪುಟದ ಮುಂದೆ ಇಡಲು ಸಚಿವಾಲಯ ತೀರ್ಮಾನ ಕೈಗೊಂಡಿದೆ.

2000ದಿಂದ ನಷ್ಟದ ಹಾದಿಯಲ್ಲಿ ಸಾಗುತ್ತಾ ಬಂದ ಎಚ್‌ಎಂಟಿ ನೌಕರರಿಗೂ ಸಂಬಳ ನೀಡಲು ಕಷ್ಟಪಡುತ್ತಿತ್ತು. ಆದ್ದರಿಂದ ಸಾರ್ವಜನಿಕ ಉದ್ದಿಮೆಗಳ ಪುನಾರಚನಾ ಮಂಡಳಿಯು ಎಚ್‌ಎಂಟಿ ವಾಚಸ್‌ ಕಂಪನಿ ಮುಚ್ಚುವಂತೆ ಕೇಂದ್ರಕ್ಕೆ ಶಿಫಾರಸು ಮಾಡಿತ್ತು. ಅಂದಹಾಗೆ ತುಮಕೂರು ಘಟಕದಲ್ಲಿ 60 ನೌಕರರಿದ್ದಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
After news that HMT Watches was winding up made headlines, there has been an unprecedented demand for timepieces has led the government to rethink its decision to close the loss-making public sector company. The Tumkur, Karnataka unit, with staff strength of around 60, is expected to survive.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more