Virat Kohli: ಟೆಸ್ಟ್ ನಿವೃತ್ತಿ ಬಳಿಕ ವಿರಾಟ್ ಕೊಹ್ಲಿ ಮುಂದಿನ ಗುರಿ ಇದೇ
ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2025 ಶನಿವಾರ ಪುನರಾರಂಭವಾಗುತ್ತದೆ. ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ಕೋಲ್ಕತ್ತಾ ನೈಟ್ ರೈಡರ್ಸ್ (ಕೆಕೆಆರ್) ಮುಖಾಮುಖಿಯಾಗಲಿವೆ. ಟೆಸ್ಟ್ ಕ್ರಿಕೆಟ್ಗೆ ನಿವೃತ್ತಿ ಘೋಷಣೆ ಮಾಡಿದ ಬಳಿಕ ವಿರಾಟ್ ಕೊಹ್ಲಿ ಮೊದಲ ಬಾರಿಗೆ ಕಣಕ್ಕಿಳಿಯುತ್ತಿದ್ದು ಅಭಿಮಾನಿಗಳಿಗೆ ಇದು ಭಾವನಾತ್ಮಕ ಕ್ಷಣವಾಗಿದೆ.
ಭಾರತ ಪಾಕಿಸ್ತಾನದ ನಡುವೆ ಉದ್ವಿಗ್ನ ಪರಿಸ್ಥಿತಿಯಿಂದಾಗಿ ಒಂದು ವಾರಗಳ ಕಾಲ ಐಪಿಎಲ್ 2025 ಅನ್ನು ಸ್ಥಗಿತಗೊಳಿಸಲಾಗಿತ್ತು. ಈ ಸಂದರ್ಭದಲ್ಲಿ ವಿರಾಟ್ ಕೊಹ್ಲಿ ಟೆಸ್ಟ್ ಕ್ರಿಕೆಟ್ಗೆ ನಿವೃತ್ತಿ ಘೋಷಣೆ ಮಾಡಿದರು. ಇನ್ಸ್ಟಾಗ್ರಾಮ್ನಲ್ಲಿ ತಮ್ಮ ನಿವೃತ್ತಿ ವಿಚಾರವನ್ನು ಹಂಚಿಕೊಂಡ ಅವರು, ಅಭಿಮಾನಿಗಳಿಗೆ ಶಾಕ್ ಕೊಟ್ಟಿದ್ದರು.
ವಿರಾಟ್ ಕೊಹ್ಲಿ ನಿವೃತ್ತಿಯಾಗಿದ್ದು ಕ್ರಿಕೆಟ್ ಜಗತ್ತಿನಲ್ಲಿ ವ್ಯಾಪಕ ಚರ್ಚೆ ಹುಟ್ಟುಹಾಕಿದೆ. ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ವಿರಾಟ್ ಕೊಹ್ಲಿಗೆ ಒಂದೇ ಒಂದು ವಿದಾಯ ಪಂದ್ಯ ಆಡಲೂ ಅವಕಾಶ ಕೊಡದೇ ಇರುವುದು ಅಭಿಮಾನಿಗಳ ಅಸಮಾಧಾನಕ್ಕೆ ಕಾರಣವಾಗಿದೆ. ಶನಿವಾರ ಕೆಕೆಆರ್ ವಿರುದ್ಧದ ಪಂದ್ಯದ ವೇಳೆ ವಿರಾಟ್ ಕೊಹ್ಲಿಗೆ ವಿಶೇಷ ಗೌರವ ಸಲ್ಲಿಸಲು ಸಿದ್ದವಾಗಿದ್ದಾರೆ.
ಕೊಹ್ಲಿಗೆ ಇರುವ ಮುಂದಿನ ಗುರಿ ಇದೊಂದೆ
ಆರ್ಸಿಬಿ ಕ್ರಿಕೆಟ್ ನಿರ್ದೇಶಕ ಮೊ ಬೊಬಾಟ್ ವಿರಾಟ್ ಕೊಹ್ಲಿ ಮಾತನಾಡಿ, ಕೊಹ್ಲಿ ಅವರು ತನ್ನ ಮೇಲೆ ಯಾವುದೇ ವಿಶೇಷ ಗಮನ ನೀಡಬೇಕೆಂದು ಬಯಸುವುದಿಲ್ಲ. ಎಲ್ಲರೂ ಈಗಾಗಲೇ ಅವರ ನಿವೃತ್ತಿಯ ಬಗ್ಗೆ ಮಾತನಾಡುತ್ತಿದ್ದಾರೆ, ಆದರೆ ಆರ್ಸಿಬಿ ತಂಡದ ಸದಸ್ಯರು ಅದನ್ನೆಲ್ಲಾ ಮಾಡಬಾರದು ಮುಂದಿನ ಪಂದ್ಯದ ಕಡೆ ಮಾತ್ರ ಗಮನ ಹರಿಸಬೇಕು, ಐಪಿಎಲ್ 2025 ಟ್ರೋಫಿಯನ್ನು ಗೆಲ್ಲಬೇಕೆಂದು ಅವರು ಬಯಸಿದ್ದಾರೆ ಎಂದರು.
ವಿರಾಟ್ ಕೊಹ್ಲಿ ಅವರದು ಎಂದಿನಂತೆ ಕೆಲಸ ಮುಂದುವರೆಸಿದ್ದಾರೆ ಅವರು ಅದಕ್ಕಿಂತ ಹೆಚ್ಚಿನದನ್ನು ಬಯಸುವುದಿಲ್ಲ. ಸಾರ್ವಜನಿಕರ ಮತ್ತು ದೇಶದ ಗಮನ ಅವರ ಮೇಲೆ ಸಾಕಷ್ಟಿದೆ ಆದರೆ ಅವರು ತಮ್ಮ ಆಟದ ಮೇಲೆ ಗಮನ ಹರಿಸಲು ಬಯಸುತ್ತಾರೆ; ಅವರು ಸಾಮಾನ್ಯವಾಗಿ ಆರ್ಸಿಬಿಯೊಂದಿಗೆ ನಾವು ಏನನ್ನು ಸಾಧಿಸಬಹುದು ಎಂಬುದರ ಬಗ್ಗೆ ಮಹತ್ವಾಕಾಂಕ್ಷೆಯನ್ನು ಹೊಂದಿದ್ದಾರೆ ಎಂದು ಬೊಬಟ್ ಬೆಂಗಳೂರಿನಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು.
ಕೊಹ್ಲಿಯನ್ನು ಹೊಗಳಿದ ಮೊಬಾಟ್
ವಿರಾಟ್ ಕೊಹ್ಲಿ ಭಾರತಕ್ಕಾಗಿ ಟೆಸ್ಟ್ ಆಟಗಾರನಾಗಿ ಮಾಡಿದ ಸಾಧನೆಯ ಬಗ್ಗೆ ಅಪಾರ ಹೆಮ್ಮೆಪಡಬೇಕು ಎಂದು ನಾನು ಹೇಳಲು ಬಯಸುತ್ತೇನೆ. ಆರ್ಸಿಬಿ ಫ್ರಾಂಚೈಸಿಯಾಗಿ, ನಮ್ಮ ಪ್ರತಿಯೊಬ್ಬ ಆಟಗಾರನು ಭಾರತೀಯ ಶರ್ಟ್ನಲ್ಲಿ ಏನು ಮಾಡುತ್ತಾನೆ ಎಂಬುದರ ಬಗ್ಗೆ ನಾವೆಲ್ಲರೂ ಹೆಮ್ಮೆಪಡುತ್ತೇವೆ, ವಿಶೇಷವಾಗಿ ಅವರು 120 ಕ್ಕೂ ಹೆಚ್ಚು ಟೆಸ್ಟ್ ಪಂದ್ಯಗಳನ್ನು ಆಡುವುದು ಮತ್ತು ಸುಮಾರು 10,000 ರನ್ಗಳನ್ನು ಗಳಿಸುವುದು ಕಡಿಮೆ ಸಾಧನೆಯಲ್ಲ ಎಂದರು.
ಟೆಸ್ಟ್ ತಂಡದ ನಾಯಕನಾಗಿ, ಅವರ ದಾಖಲೆ, 60% ಗೆಲುವಿನ ಶೇಕಡಾವಾರು ಇರುವುದು ಕಡಿಮೆ ಸಾಧನೆಯಲ್ಲ. ನೀವು ಯಾವಾಗಲೂ ಔಟ್ ಆಗಲು ಬಯಸುವ ಬ್ಯಾಟ್ಸ್ಮನ್ ಅವರು. ಅವರು ಬರಲು ಪೆವಿಲಿಯನ್ನಲ್ಲಿದ್ದರೆ ಅಥವಾ ಕ್ರೀಸ್ನಲ್ಲಿದ್ದರೆ, ನಿಮ್ಮ ತಂಡ ತೊಂದರೆಯಲ್ಲಿದೆ ಎಂದು ನಿಮಗೆ ತಿಳಿದಿತ್ತು. ಟೆಸ್ಟ್ ಕ್ರಿಕೆಟ್ ನೋಡುವಾಗ ನನ್ನ ಕೆಲವು ಪ್ರೀತಿಯ ನೆನಪುಗಳು ಅವರನ್ನು ಒಳಗೊಂಡಿವೆ ಎಂದರು.
Click it and Unblock the Notifications
Sign in with Google