IPL 2024: ಸನ್ರೈಸರ್ಸ್ ಹೈದರಾಬಾದ್ ಸೇರಿಕೊಂಡ ಆರ್ಸಿಬಿ ಪ್ರಮುಖ ಆಲ್ರೌಂಡರ್
2024 ರ ಐಪಿಎಲ್ ಸೀಸನ್ಗೆ ಮುಂಚಿತವಾಗಿ ಆಲ್ರೌಂಡರ್ ಶಹಬಾಜ್ ಅಹಮದ್ ಅವರನ್ನು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ಯಿಂದ ಸನ್ರೈಸರ್ಸ್ ಹೈದರಾಬಾದ್ (ಎಸ್ಆರ್ಹೆಚ್) ಗೆ ವ್ಯಾಪಾರ ಮಾಡಲಾಗಿದೆ ಮತ್ತು ಬೌಲರ್ ಮಯಾಂಕ್ ದಾಗರ್ ಎಸ್ಆರ್ಹೆಚ್ನಿಂದ ಆರ್ಸಿಬಿ ಪಾಳಯ ಸೇರಿಕೊಂಡಿದ್ದಾರೆ ಎಂದು ಪ್ರಕಟಣೆ ತಿಳಿಸಿದೆ.
ಐಪಿಎಲ್ನಲ್ಲಿ ಶಹಬಾಜ್ ಅಹ್ಮದ್ ಇದುವರೆಗೆ 39 ಪಂದ್ಯಗಳನ್ನಾಡಿದ್ದು. 14 ವಿಕೆಟ್ ಪಡೆದುಕೊಂಡಿದ್ದಾರೆ, 7 ರನ್ ನೀಡಿ 3 ವಿಕೆಟ್ ಪಡೆದುಕೊಂಡಿದ್ದು ಅವರ ಉತ್ತಮ ಸಾಧನೆಯಾಗಿದೆ. 2020ರಿಂದ ಆರ್ಸಿಬಿ ತಂಡದಲ್ಲಿದ್ದ ಶಹಬಾಜ್ ಈಗ ಸನ್ರೈಸರ್ಸ್ ಹೈದರಾಬಾದ್ ತಂಡವನ್ನು ಸೇರಿಕೊಂಡಿದ್ದಾರೆ.
2020 ರ ಐಪಿಎಲ್ ಆವೃತ್ತಿಯಲ್ಲಿ ಬಂಗಾಳದ ಸ್ಪಿನ್ನರ್ ಅನ್ನು ಆರ್ಸಿಬಿ ಮೊದಲ ಬಾರಿಗೆ ಖರೀದಿ ಮಾಡಿತ್ತು. 2022ರ ಮೆಗಾ ಹರಾಜಿನಲ್ಲಿ ಬೆಂಗಳೂರು ಫ್ರಾಂಚೈಸಿ 2.4 ಕೋಟಿ ರೂ.ಗೆ ಶಹಬಾಜ್ ಅವರನ್ನು ಮರಳಿ ಖರೀದಿಸಿತ್ತು.
ಆರ್ಸಿಬಿಗೆ ಮಯಾಂಕ್ ದಾಗರ್ ಸೇರ್ಪಡೆ
ಸನ್ರೈಸರ್ಸ್ ತಂಡದ ಮಾಯಾಂಕ್ ದಾಗರ್ 2024ರ ಐಪಿಎಲ್ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರವಾಗಿ ಆಡಲಿದ್ದಾರೆ. ಬಲಗೈ ಆಲ್ ರೌಂಡರ್ ಈ ಹಿಂದೆ ಕಿಂಗ್ಸ್ ಇಲೆವೆನ್ ಪಂಜಾಬ್ (ಈಗ ಪಂಜಾಬ್ ಕಿಂಗ್ಸ್) ನ ಭಾಗವಾಗಿದ್ದರು. 2023 ರ ಐಪಿಎಲ್ ಋತುವಿನಲ್ಲಿ, ಅವರು ಕೇವಲ 3 ಪಂದ್ಯಗಳನ್ನು ಆಡಿದರು ಮತ್ತು 1 ವಿಕೆಟ್ ಪಡೆದರು.
2023ರ ಐಪಿಎಲ್ ಮಿನಿ ಹರಾಜಿನಲ್ಲಿ ಮಾಯಂಕ್ ದಾಗರ್ ಅವರನ್ನು 1.8 ಕೋಟಿ ರೂಪಾಯಿಗೆ ಖರೀದಿ ಮಾಡಲಾಗಿತ್ತು. ಕಳೆದ ಆವೃತ್ತಿಯಲ್ಲಿ ಅವರು ಕೇವಲ ಒಂದು ವಿಕೆಟ್ ಪಡೆದರು. ಮಯಾಂಕ್ ಒಟ್ಟು 54 ಟಿ20 ಪಂದ್ಯಗಳಲ್ಲಿ 55 ವಿಕೆಟ್ ಪಡೆದಿದ್ದಾರೆ.
ಶಹಬಾಜ್ ತಮ್ಮ ಐಪಿಎಲ್ ವೃತ್ತಿಜೀವನದ 39 ಪಂದ್ಯಗಳಲ್ಲಿ ಸುಮಾರು 17 ರ ಸರಾಸರಿಯಲ್ಲಿ 321 ರನ್ ಗಳಿಸಿದ್ದಾರೆ ಮತ್ತು 14 ವಿಕೆಟ್ಗಳನ್ನು ಕಬಳಿಸಿದ್ದಾರೆ. ಭಾರತಕ್ಕಾಗಿ ಎರಡು ಏಕದಿನ ಮತ್ತು ಮೂರು ಟಿ20 ಪಂದ್ಯಗಳನ್ನು ಆಡಿದ್ದಾರೆ.
2022 ಶಹಬಾಜ್ ಐಪಿಎಲ್ನಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದಾರೆ. ಅವರು 16 ಪಂದ್ಯಗಳಲ್ಲಿ 27 ಕ್ಕಿಂತ ಹೆಚ್ಚು ಸರಾಸರಿಯಲ್ಲಿ 219 ರನ್ ಗಳಿಸಿದರು, ನಾಲ್ಕು ವಿಕೆಟ್ ಪಡೆದು ಮಿಂಚಿದ್ದರು. 81 ಟಿ20 ಪಂದ್ಯಗಳಲ್ಲಿ, ಶಹಬಾಜ್ 22.54 ರ ಸರಾಸರಿಯಲ್ಲಿ 834 ರನ್ ಗಳಿಸಿದ್ದಾರೆ, ಎರಡು ಅರ್ಧ ಶತಕಗಳು ಮತ್ತು 60* ಅತ್ಯುತ್ತಮ ಸ್ಕೋರ್. ಟಿ20 ಮಾದರಿಯಲ್ಲಿ 54 ವಿಕೆಟ್ಗಳನ್ನು ಪಡೆದಿದ್ದಾರೆ.
ಡಿಸೆಂಬರ್ 19ರಂದು ಐಪಿಎಲ್ ಮಿನಿ ಹರಾಜು ನಡೆಯಲಿದೆ ಎಂದು ಹೇಳಲಾಗಿದೆ. ಇದಕ್ಕೂ ಮುನ್ನ ಐಪಿಎಲ್ ತಂಡಗಳಿಗೆ ಆಟಗಾರರನ್ನು ಉಳಿಸಿಕೊಳ್ಳುವ, ಬಿಡುಗಡೆ ಮಾಡುವ ಅವಕಾಶ ನೀಡಲಾಗಿದೆ.
Click it and Unblock the Notifications
Sign in with Google