ಶಿವಮೊಗ್ಗ : ಯುವತಿಗೆ ಲೈಂಗಿಕ ಕಿರುಕುಳ, ಯೋಧನ ಬಂಧನ
ಶಿವಮೊಗ್ಗ, ನವೆಂಬರ್ 20 : ಸಿನಿಮಾ ನೋಡುತ್ತಿದ್ದ ಯುವತಿಗೆ ಲೈಂಗಿಕ ಕಿರುಕುಳ ನೀಡಿದ ಸಿಆರ್ಪಿಎಫ್ ಯೋಧನಿಗೆ ಸಾರ್ವಜನಿಕರು ಥಳಿಸಿದ ಘಟನೆ ಶಿವಮೊಗ್ಗದಲ್ಲಿ ನಡೆದಿದೆ. ಜಯನಗರದ ಪೊಲೀಸರಿಗೆ ಆರೋಪಿಯನ್ನು ಒಪ್ಪಿಸಲಾಗಿದೆ.
ಯೋಧನನ್ನು ವಿದ್ಯಾನಗರದ ನಿವಾಸಿ ರವಿಕುಮಾರ್ ಎಂದು ಗುರುತಿಸಲಾಗಿದೆ. ಭಾನುವಾರ ರಾತ್ರಿ ಶಿವಮೊಗ್ಗ ನಗರದ ಮಲ್ಲಿಕಾರ್ಜುನ ಚಿತ್ರಮಂದಿರಕ್ಕೆ ರವಿಕುಮಾರ್ ಮದ್ಯ ಸೇವನೆ ಮಾಡಿಕೊಂಡು ಭರ್ಜರಿ ಸಿನಿಮಾ ನೋಡಲು ಬಂದಿದ್ದ.
ಈ ಸಮಯದಲ್ಲಿ ರವಿಕುಮಾರ್ ಪಕ್ಕದಲ್ಲಿ ಕುಳಿತಿದ್ದ ಯುವತಿಗೆ ಲೈಂಗಿಕ ಕಿರುಕುಳ ನೀಡಿದ್ದಾನೆ. ಯುವತಿ ರವಿಕುಮಾರ್ ವರ್ತನೆಗೆ ಆಕ್ಷೇಪ ವ್ಯಕ್ತಪಡಿಸಿದ್ದಾಳೆ. ನಂತರ ಚಿತ್ರಮಂದಿರದಲ್ಲಿದ್ದ ಜನರು ಆತನನ್ನು ಹೊರಗೆ ಎಳೆದುಕೊಂಡು ಹೋಗಿ ಥಳಿಸಿದ್ದಾರೆ.
ನಂತರ ಜಯನಗರ ಪೊಲೀಸರಿಗೆ ಆರೋಪಿಯನ್ನು ಹಸ್ತಾಂತರ ಮಾಡಿದ್ದಾರೆ. ಸ್ಟೇಷನ್ ಮೆಟ್ಟಿಲು ಹತ್ತುತ್ತಿದ್ದಂತೆ ತಾನು ಸಿಆರ್ಪಿಎಫ್ ಯೋಧ ಎಂದು ಆತ ಪರಿಚಯ ಹೇಳಿಕೊಂಡಿದ್ದಾನೆ.
ತಾನು ತಪ್ಪು ಮಾಡಿರುವುದಾಗಿ ಆತ ಪೊಲೀಸರ ಮುಂದೆ ಒಪ್ಪಿಕೊಂಡಿದ್ದಾನೆ. ಸಿಆರ್ಪಿಎಫ್ಲ್ಲಿದ್ದ ರವಿಕುಮಾರ್ ಕೆಲವು ದಿನಗಳ ಹಿಂದೆ ರಜೆ ಮೇಲೆ ತವರಿಗೆ ಆಗಮಿಸಿದ್ದ.
Click it and Unblock the Notifications
Sign in with Google