ಆಸ್ಪತ್ರೆಯಿಂದ ಎಸ್ಕೆಪ್ ಆದ ನಾಲ್ಕು ಕೊರೊನಾ ಶಂಕಿತರು

ಪುಣೆ, ಏಪ್ರಿಲ್ 27: ನಾಲ್ಕು ಮಂದಿ ಕೊರೊನಾ ಶಂಕಿತರು ಆಸ್ಪತ್ರೆಯಿಂದ ಎಸ್ಕೇಪ್ ಆದ ಘಟನೆ ಪುಣೆಯಲ್ಲಿ ನಡೆದಿದೆ. ಈ ಫಟನೆಯನ್ನು ಪುಣೆ ಪೊಲೀಸರು ತಿಳಿಸಿದ್ದಾರೆ.

''ಒಬ್ಬ ಮಹಿಳೆ ಸೇರಿದಂತೆ ನಾಲ್ಕು ಜನರು ಕೊರೊನಾ ವೈರಸ್ ಪಾಸಿಟಿವ್ ರೋಗಿಯ ದ್ವಿತೀಯ ಸಂಪರ್ಕದಲ್ಲಿ ಇದ್ದರು. ಇವರನ್ನು ಶನಿವಾರ ಆಂಬುಲೆನ್ಸ್‌ನಲ್ಲಿ ಸಿನ್‍ಗಡ್ ರಸ್ತೆ ಪ್ರದೇಶದ ಸಂಪರ್ಕ ತಡೆಗೆ ಕರೆದೊಯ್ಯಲಾಯಿತು. ಈ ವೇಳೆ ಘಟನೆ ನಡೆದಿದೆ ಎಂದು ಸಿನ್‍ಗಡ್ ರಸ್ತೆ ಠಾಣೆ ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.

ಆಂಬುಲೆನ್ಸ್ ನಿಲ್ಲಿಸಿದ ವೇಳೆ ನಾಲ್ಕು ಜನರು ತಪ್ಪಿಸಿಕೊಂಡು ಹೋಗಿದ್ದಾರೆ. ಇದರಲ್ಲಿ ಒಬ್ಬ ಇದ್ದಾಳೆ. ಶನಿವಾರ ಈ ಘಟನೆ ನಡೆದಿದೆ. ಪೊಲೀಸರು ಸದ್ಯ ಅವರ ಹುಡುಕಾಟದಲ್ಲಿ ಇದ್ದಾರೆ.

ಈ ರೀತಿ ಆಸ್ಪತ್ರೆಯಿಂದ ಸೋಂಕಿತರು ಹಾಗೂ ಶಂಕಿತರು ತಪ್ಪಿಸಿಕೊಂಡು ಹೋಗುವ ಘಟನೆಗಳು ಅಲ್ಲಲ್ಲಿ ನಡೆಯುತ್ತಿದೆ. ಬೆಂಗಳೂರಿನ ವಿಕ್ಟೋರಿಯ ಆಸ್ಪತ್ರೆಯಲ್ಲಿ ಕೊರೋನಾ ಸೋಂಕಿತ ರೋಗಿ ಸೋಮವಾರ ಬೆಳಗ್ಗೆ ಆಸ್ಪತ್ರೆಯ 4ನೇ ಮಹಡಿಯಿಂದ ಜಿಗಿದು ಆತ್ಮಹತ್ಯೆಗೆ ಶರಣಾಗಿದ್ದಾರೆ.

English summary

4 suspected COVID-19 patients escape in Pune. The incident took place on Saturday, police said.