ದೆಹಲಿ ವಿಮಾನ ನಿಲ್ದಾಣದಲ್ಲಿ ಆತಂಕ ಮೂಡಿಸಿದ ಬಾಂಬ್ ನಂಥ ವಸ್ತು
ನವದೆಹಲಿ, ಆಗಸ್ಟ್ 02: ಇಲ್ಲಿನ ಇಂದಿರಾಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಕಾರ್ಗೋ ವಿಭಾಗದಲ್ಲಿ ಬುಧವಾರದಂದು
ಬಾಂಬ್ ನಂಥ ವಸ್ತು ಪತ್ತೆಯಾಗಿ ಆತಂಕ ಮೂಡಿಸಿತ್ತು.
ದೆಹಲಿ ವಿಮಾನನಿಲ್ದಾಣದ ಸರಕುಗಳ ಸಂಗ್ರಹ ಪ್ರದೇಶದಲ್ಲಿ ಸಂಶಯಾಸ್ಪದ ವಸ್ತುವೊಂದು ಪತ್ತೆಯಾಗಿತ್ತು. ಬಾಂಬ್ ನಿಷ್ಕ್ರಿಯ ಮತ್ತು ಶ್ವಾನದಳಗಳು(BBDS)ತೀವ್ರ ಶೋಧ ನಡೆಸಿದ ಬಳಿಕ ಪತ್ತೆಯಾದ ವಸ್ತುವಿನಲ್ಲಿ ಯಾವುದೇ ಸ್ಫೋಟಕಗಳಿಲ್ಲ ಎಂಬುದು ತಿಳಿದು ಬಂದಿತು.
ಪತ್ತೆಯಾದ ವಸ್ತು ಸ್ಫೋಟಕವಲ್ಲ. ಆತಂಕಗೊಳ್ಳುವ ಅಗತ್ಯವಿಲ್ಲ ಎಂದು ಕೇಂದ್ರೀಯ ಕೈಗಾರಿಕಾ ಭದ್ರತಾ ಪಡೆ (ಸಿಐಎಸ್ಎಫ್) ಮಹಾ ನಿರ್ದೇಶಕ ಓ.ಪಿ.ಸಿಂಗ್ ತಿಳಿಸಿದರು.
Delhi airport cargo terminal cordoned off after recovery of a suspicious material; Bomb Detection and Disposal Squad on the spot.
— ANI (@ANI_news) August 2, 2017
ಬೆಳಗ್ಗೆ 7.05ರಲ್ಲಿ ಕಾರ್ಗೋ ಪ್ರದೇಶದಲ್ಲಿ ಶಂಕಾಸ್ಪದ ವಸ್ತು ಪತ್ತೆಯಾದ ಬಗ್ಗೆ ಕಂಟ್ರೋಲ್ ರೂಂಗೆ ತುರ್ತು ಕರೆ ಬಂದಿತ್ತು. ನಂತರ ಬಾಂಬ್ ಮತ್ತು ಡಾಗ್ ಸ್ಕ್ವಾಡ್ಗಳನ್ನು ತಕ್ಷಣ ಅಲ್ಲಿಗೆ ರವಾನಿಸಿ ತೀವ್ರ ಶೋಧ ನಡೆಸಿದರು.
ಪತ್ತೆಯಾದ ವಸ್ತುವು ಮಾರುತಿ ಕಂಪೆನಿಗೆ ಸೇರಿದ ವಾಹನದ ಬಿಡಿಭಾಗ ಎಂದು ದೃಢಪಡಿಸಲಾಗಿದೆ.
Click it and Unblock the Notifications
Sign in with Google