ಒಂದು ದಿನ ಪೂರ್ತಿ ರೇಪ್ ಮಾಡಿದ 11 ಕಾಮುಕರು!

ಜೈಪುರ, ಸೆಪ್ಟೆಂಬರ್, 07 : ಮಹಿಳೆ, ಬಾಲಕಿಯರ ಮೇಲಿನ ಅತ್ಯಾಚಾರ ಪ್ರಕರಣಗಳು ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಸಾಗಿದೆ. ಇದರಿಂದ ಭಯದ ಬದುಕು ಮಹಿಳೆಯರಿಂದ ದೂರವಾಗಿಯೇ ಇಲ್ಲ.

ಮೂರು ವರುಷದ ಹಿಂದೆ ಘಟಿಸಿದ ನಿರ್ಭಯ ಪ್ರಕರಣದ ನೋವು, ಬೇಸರ , ಆಕ್ರೋಶದ ಛಾಯೆಗಳು ಮಾಸಿಯೇ ಇಲ್ಲ. ಹೀಗಿರುವಾಗ ಜೈಪುರದ ಹೋಟೆಲ್‌ನಲ್ಲಿ 17 ವರ್ಷದ ಅಪ್ರಾಪ್ತೆ ಮೇಲೆ ನಡೆದ ಅತ್ಯಾಚಾರ ಘಟನೆ ಕೇಳುಗರನ್ನು ಹೆದರಿಕೆ ಪರಿಸರಕ್ಕೆ ಮತ್ತೆ ತಳ್ಳಿದೆ.[ಬಾಲಕಿ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆಯುತ್ತಿದ್ದಾಗ...]

ಅತ್ಯಾಚಾರಕ್ಕೆ ಒಳಗಾದ ಬಾಲಕಿಯು ದೆಹಲಿಯ ಮಂಗಳೋಪುರಿಯ ನಿವಾಸಿ. ಈಕೆಗೆ ಕೆಲಸ ಕೊಡಿಸುವುದಾಗಿ ನಂಬಿಸಿದ ದಂಪತಿಯೊಬ್ಬರು ಆಕೆಯನ್ನು ಜೈಪುರದ ಹೋಟೆಲ್‌ಗೆ ಕರೆದೊಯ್ಯುದಿದ್ದರು. ಆಗ ಸುಮಾರು 11 ಮಂದಿ ಆಕೆಯ ಮೇಲೆ ನಿರಂತರವಾಗಿ 24 ಗಂಟೆಗಳ ಕಾಲ ಅತ್ಯಾಚಾರ ಎಸಗಿದ್ದಾರೆ.

ಈ ಘಟನೆ ಜೈಪುರದ ಇಂದ್ರಪ್ರಸ್ಥ ಹೋಟೆಲ್‌ನಲ್ಲಿ ನಡೆದಿದ್ದು, ಈ 11 ಮಂದಿ ಕಾಮುಕರಿಂದ ತಪ್ಪಿಸಿಕೊಂಡು ಬಂದ ಬಾಲಕಿ ಈ ಸಂಬಂಧ ದೆಹಲಿ ಪೊಲೀಸರಿಗೆ ದೂರು ನೀಡಿದ್ದಾಳೆ. ವೈದ್ಯಕೀಯ ಪರೀಕ್ಷೆಯಲ್ಲಿ ಬಾಲಕಿ ಮೇಲಿನ ಅತ್ಯಾಚಾರ ಸಾಬೀತಾದ ಹಿನ್ನೆಲೆಯಲ್ಲಿ ದಂಪತಿ ಸೇರಿ 6 ಮಂದಿಯನ್ನು ಬಂಧಿಸಲಾಗಿದ್ದು, ಉಳಿದವರಿಗಾಗಿ ಶೋಧ ಕಾರ್ಯ ಚುರುಕುಗೊಳಿಸಿದ್ದಾರೆ.

English summary

In a shocking incident, a 17-year-old girl from Delhi was allegedly gang-raped by 11 men at a hotel room in Jaipur.