2ನೇ ಮಹಾಯುದ್ಧದ 75 ನೇ ವಿಜಯೋತ್ಸವ ಆಚರಣೆಗೆ ಮಾಸ್ಕೋಗೆ ತೆರಳಲಿರುವ ರಾಜನಾಥ್ ಸಿಂಗ್

ನವದೆಹಲಿ, ಜೂನ್ 20: ಎರಡನೇ ಮಹಾಯುದ್ಧದಲ್ಲಿ ವಿಜಯೋತ್ಸವದ 75ನೇ ವರ್ಷಾಚರಣೆಯ ನೆನಪಿಗಾಗಿ ಮಾಸ್ಕೊದಲ್ಲಿ ಹಮ್ಮಿಕೊಳ್ಳಲಾಗಿರುವ ಕಾರ್ಯಕ್ರಮಕ್ಕೆ ಭಾರತದ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ತೆರಳಲಿದ್ದಾರೆ. ಜೂನ್ 24, 2020 ರಂದು ವಿಕ್ಟರಿ ಪೆರೇಡ್‌ನಲ್ಲಿ ಪಾಲ್ಗೊಳ್ಳಲಿದ್ದಾರೆ.

ರಷ್ಯಾದ ಮತ್ತು ಇತರ ಸ್ನೇಹಪರ ಜನರು ಮಾಡಿದ ತ್ಯಾಗಗಳನ್ನು ಗೌರವಿಸಲು ಪೆರೇಡ್ ಆಯೋಜಿಸಲಾಗಿದೆ. ರಷ್ಯಾದ ಒಕ್ಕೂಟದ ರಕ್ಷಣಾ ಸಚಿವ ಸೆರ್ಗೆ ಶೋಯಿಗು ಅವರು ರಾಜನಾಥ್ ಅವರನ್ನು ವಿಕ್ಟರಿ ಪೆರೇಡ್‌ಗೆ ಆಹ್ವಾನಿಸಿದ್ದಾರೆ, ಇದನ್ನು ಮೂಲತಃ 2020 ರ ಮೇ 9 ರಂದು ನಿಗದಿಪಡಿಸಲಾಗಿತ್ತು, ಆದರೆ ಕೋವಿಡ್-19 ಸಾಂಕ್ರಾಮಿಕ ರೋಗದಿಂದಾಗಿ ಅದನ್ನು ಮುಂದೂಡಲಾಯಿತು.

ಟ್ರೈ-ಸರ್ವಿಸ್ 75- ಸದಸ್ಯ ಇಂಡಿಯನ್ ಮಿಲಿಟರಿ ಕಂಟಿಜೆಂಟ್ ವಿಕ್ಟರಿ ಪೆರೇಡ್‌ನಲ್ಲಿ ಭಾಗವಹಿಸಲು ಈಗಾಗಲೇ ಮಾಸ್ಕೋ ತಲುಪಿದೆ. ವಿಕ್ಟರಿ ಡೇ ಪೆರೇಡ್‌ನಲ್ಲಿ ಭಾಗವಹಿಸುವ ಮೆರವಣಿಗೆಯ ದಳವು ಧೀರ ಸಿಖ್ ಲೈಟ್ ಕಾಲಾಳುಪಡೆ ರೆಜಿಮೆಂಟ್‌ನ ಪ್ರಮುಖ ಶ್ರೇಣಿಯ ಅಧಿಕಾರಿಯ ನೇತೃತ್ವದಲ್ಲಿದೆ.ವಿಜಯ ದಿನದ ಮೆರವಣಿಗೆಯಲ್ಲಿ ಭಾರತೀಯ ಭಾಗವಹಿಸುವಿಕೆಯು ಎರಡನೇ ಮಹಾಯುದ್ಧದಲ್ಲಿ ರಷ್ಯಾ ಮತ್ತು ಇತರ ರಾಷ್ಟ್ರಗಳು ಮಾಡಿದ ಮಹತ್ತರ ತ್ಯಾಗಕ್ಕೆ ಗೌರವದ ಸಂಕೇತವಾಗಿದೆ, ಇದರಲ್ಲಿ ಭಾರತೀಯ ಸೈನಿಕರು ಸಹ ಭಾಗವಹಿಸಿ ಸರ್ವೋಚ್ಚ ತ್ಯಾಗ ಮಾಡಿದರು.

I wish a safe journey to Defence Minister of strategic partner India Shri @rajnathsingh who is scheduled to depart to Moscow on Monday to witness the Great #VictoryDay Military Parade on June 24#Victory75 #VDay pic.twitter.com/6KUg9FGKCD

— Nikolay Kudashev (@NKudashev) June 20, 2020

ಈ ಹಿಂದೆ ಪ್ರಧಾನಿ ನರೇಂದ್ರ ಮೋದಿ ಅವರು ರಷ್ಯಾದ ಒಕ್ಕೂಟದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರನ್ನು ಅಭಿನಂದಿಸಿದ್ದರು.ಏತನ್ಮಧ್ಯೆ, ಭಾರತದ ರಷ್ಯಾ ರಾಯಭಾರಿ ನಿಕೋಲಾಯ್ ಕುಡಾಶೇವ್ ಅವರು ರಾಜನಾಥ್ ಅವರಿಗೆ ಸುರಕ್ಷಿತ ಪ್ರಯಾಣವನ್ನು ಹಾರೈಸಿದ್ದಾರೆ.

English summary

Rajnath Singh To Attend 75th Victory Day Parade Of World War II In Moscow on 24 June