ಕಾಶ್ಮೀರ ಕಣಿವೆಯ 200ಕ್ಕೂ ಹೆಚ್ಚು ಯುವಕರು ಪಾಕ್ ವೀಸಾದೊಂದಿಗೆ ನಾಪತ್ತೆ: ಗುಪ್ತಚರ ಸಂಸ್ಥೆ ಎಚ್ಚರಿಕೆ
ನವದೆಹಲಿ, ಜೂನ್ 26: ಕಾಶ್ಮೀರ ಕಣಿವೆಯಿಂದ 200 ಕ್ಕೂ ಹೆಚ್ಚು ಯುವಕರು ಪಾಕಿಸ್ತಾನದ ವೀಸಾದೊಂದಿಗೆ ನಾಪತ್ತೆಯಾಗಿರುವ ಬೆಚ್ಚಿ ಬೀಳಿಸುವ ಸುದ್ದಿಯನ್ನು ಗುಪ್ತಚರ ಸಂಸ್ಥೆ ತಿಳಿಸಿದ್ದು, ಭದ್ರತಾ ಸಂಸ್ಥೆಗಳಿಗೆ ತಲೆ ನೋವಾಗಿ ಪರಿಣಮಿಸಲಿದೆ. ನಾಪತ್ತೆಯಾದ ಎಲ್ಲಾ ಯುವಕರು ಪಾಕಿಸ್ತಾನಿ ವೀಸಾಗಳನ್ನು ಹೊಂದಿದ್ದರು ಎನ್ನಲಾಗಿದೆ.
ಪಾಕಿಸ್ತಾನವು ಈ ನಾಪತ್ತೆಯಾದ 200 ಕ್ಕೂ ಯುವಕರಿಗೆ ಭಯೋತ್ಪಾದಕ ಚಟುವಟಿಕೆಗಳಿಗೆ ತರಬೇತಿ ನೀಡುತ್ತಿದೆ ಎಂದು ಭದ್ರತಾ ಸಂಸ್ಥೆಗಳು ಶಂಕಿಸಿವೆ. ಜನವರಿ 2017 ರಿಂದ ಜಮ್ಮು ಮತ್ತು ಕಾಶ್ಮೀರದ 399 ಯುವಕರಿಗೆ ಪಾಕಿಸ್ತಾನದ ಹೈಕಮಿಷನ್ ಪಾಕಿಸ್ತಾನ ವೀಸಾಗಳನ್ನು ನೀಡಿದೆ ಅದರಲ್ಲಿ 218 ಮಂದಿ ಬಗ್ಗೆ ಇನ್ನೂ ಕೂಡ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ ಎನ್ನಲಾಗಿದೆ.
ಫೆಬ್ರವರಿ 14, 2019 ರಂದು ಪುಲ್ವಾಮ ದಾಳಿಯ ಮಾದರಿಯಲ್ಲಿ ಕಣಿವೆಯಲ್ಲಿ ಹೆಚ್ಚಿನ ಭಯೋತ್ಪಾದಕ ದಾಳಿಗಳನ್ನು ನಡೆಸಲು ಪಾಕಿಸ್ತಾನವು ಜಮ್ಮು ಮತ್ತು ಕಾಶ್ಮೀರದ ಯುವಕರನ್ನು ತನ್ನ ಬಲೆಗೆ ಬೀಳಿಸುತ್ತಿದೆ ಎಂದು ಗುಪ್ತಚರ ಮೂಲಗಳು ನಮ್ಮ ಅಂಗಸಂಸ್ಥೆ ಚಾನೆಲ್ ವಿಯಾನ್ಗೆ ತಿಳಿಸಿವೆ. ಇದಕ್ಕಾಗಿ ಯುವಕರಿಗೆ ಸೂಕ್ತವಾಗಿ ತರಬೇತಿ ನೀಡಲಾಗುತ್ತದೆ, ಅವರಿಗೆ ಎಲ್ಲಾ ರೀತಿಯ ಶಸ್ತ್ರಾಸ್ತ್ರ ಮತ್ತು ಮದ್ದುಗುಂಡುಗಳನ್ನು ಸಾಗಿಸಲು ತರಬೇತಿ ನೀಡಲಾಗುತ್ತದೆ ಎಂದು ಹೇಳಲಾಗಿದೆ.
Click it and Unblock the Notifications
Sign in with Google