ಪ್ರಧಾನಿಗೆ ಹೊಸ ವೈಭವೋಪೇತ ನಿವಾಸ: ಇರಲಿವೆ ಸುರಂಗ ಮಾರ್ಗಗಳು!
ನವದೆಹಲಿ, ಫೆಬ್ರವರಿ 05: ಪ್ರಧಾನಿಗಳ ನಿವಾಸಕ್ಕೆ ಹೊಸದಾದ ಬೃಹತ್ ಮತ್ತು ವೈಭವೋಪೇತ ನಿವಾಸವನ್ನು ನಿರ್ಮಿಸಲು ನೀಲನಕ್ಷ ಸಿದ್ದವಾಗಿದೆ. ಈ ಬೃಹತ್ ಬಂಗಲೆಯಲ್ಲಿ ಸುರಂಗ ಮಾರ್ಗಗಳು ಸಹ ಇರಲಿವೆ.
ಹೌದು, ಈವರೆಗೆ ಒಂಬತ್ತು ಪ್ರಧಾನಿಗಳು ವಾಸವಿರುವ ಈಗಿರುವ ನವದೆಹಲಿಯ ಕಲ್ಯಾಣ ಮಾರ್ಗದ ಪ್ರಧಾನಿ ನಿವಾಸ ಕೆಲವೇ ವರ್ಷದಲ್ಲಿ ಖಾಲಿ ಹೊಡೆಯಲಿದೆ. ಅಂದುಕೊಂಡಂತೆ ಕಾಮಗಾರಿ ನಡೆದರೆ ಹೊಸ ನಿವಾಸದಲ್ಲಿ ಅಡಿಇಡುವ ಮೊದಲ ಪ್ರಧಾನಿ ಮೋದಿಯೇ ಆಗಲಿದ್ದಾರೆ.
ತಂತ್ರಜ್ಞಾನ, ವಾಸ್ತುಶಿಲ್ಪ, ಭದ್ರತೆ, ಸುರಕ್ಷತೆ, ಸುಂದರತೆ ಎಲ್ಲವನ್ನೂ ಒಳಗೊಂಡಿರುವ ಭಾರಿ ಬೃಹತ್ ಆದ ಪ್ರಧಾನಿ ನಿವಾಸ 2024 ರ ವೇಳೆಗೆ ಕಾರ್ಯಾರಂಭ ಮಾಡಲಿದೆ. ಈ ಬೃಹತ್ ನಿವಾಸದ ನೀಲನಕ್ಷೆ ಈಗಾಗಲೇ ಸಿದ್ದವಾಗಿದೆ.
ಹೊಸ ಪ್ರಧಾನಿ ನಿವಾಸವು ದೆಹಲಿಯ ಸೌಥ್ ಬ್ಲಾಕ್ ಬಳಿಯ ರೈಸಿನಾ ಹಿಲ್ ಬಳಿ ನಿರ್ಮಾಣವಾಗಲಿದೆ. ಕೇವಲ ಪ್ರಧಾನಿ ನಿವಾಸ ಮಾತ್ರವಲ್ಲ ಪಾರ್ಲಿಮೆಂಟ್ ಅನ್ನು ಸಹ ಹೊಸದಾಗಿ ನಿರ್ಮಿಸಿ, ಸಚಿವರ ನಿವಾಸಗಳನ್ನು ನಿರ್ಮಿಸಿ ಎಲ್ಲರನ್ನೂ ಇನ್ನಷ್ಟು ಹತ್ತಿರ ತರುವ ಕಾರ್ಯ ಪ್ರಗತಿಯಲ್ಲಿದೆ.
1927 ರಲ್ಲಿ ಪ್ರಾರಂಭವಾದ ಸಂಸತ್ ಭವನ
1927 ರಲ್ಲಿ ನಿರ್ಮಿಸಲಾದ ಸಂಸತ್ ಭವನವನ್ನು ಪುನರ್ನವೀಕರಿಸಿ ಬಳಸುವ ಪ್ರಸ್ತಾವವನ್ನು ತಳ್ಳಿಹಾಕಲಾಗಿದ್ದು, ತಂತ್ರಜ್ಞಾನ ಆಧಾರಿತ ಸಕಲ ಸೌಕರ್ಯಗಳುಳ್ಳ ಹೊಸ ಸಂಸತ್ತನ್ನೇ ನಿರ್ಮಿಸಲು ನಿರ್ಧರಿಸಲಾಗಿದೆ. ಈಗಿರುವ ಸಂಸತ್ತಿನ ಮೂರರಷ್ಟು ದೊಡ್ಡ ಸಂಸತ್ತನ್ನು ನಿರ್ಮಿಸಲಾಗುತ್ತಿದ್ದು, ಮೂರು ಅತಿ ದೊಡ್ಡ ಹಾಲ್ಗಳನ್ನು ನಿರ್ಮಿಸಲಾಗುತ್ತಿದೆ.
ಎಚ್ಸಿಪಿ ಡಿಸೈನ್ ಆಂಡ್ ಪ್ಲಾನಿಂಗ್ ಸಂಸ್ಥೆಗೆ ಜವಾಬ್ದಾರಿ
ಎಚ್ಸಿಪಿ ಡಿಸೈನ್ ಆಂಡ್ ಪ್ಲಾನಿಂಗ್ ಸಂಸ್ಥೆಗೆ ನೀಲನಕ್ಷೆ ತಯಾರಿಸುವ ಜವಾಬ್ದಾರಿ ವಹಿಸಲಾಗಿತ್ತು. ಅವರು ಈಗಾಗಲೇ ಪಾರ್ಲಿಮೆಂಟ್, ಸಂಸತ್, ಸಂಸದರ ನಿವಾಸ ಸೇರಿ ಒಟ್ಟು ಹತ್ತು ಹೊಸ ಸರ್ಕಾರಿ ಕಟ್ಟಡಗಳ ನೀಲನಕ್ಷೆಯನ್ನು ನೀಡಿದ್ದಾರೆ.
ಪ್ರಧಾನಿ ನಿವಾಸದಿಂದ ಸುರಂಗ ಮಾರ್ಗ ಇರಲಿದೆ
ಮೂಲಗಳ ಪ್ರಕಾರ ಪ್ರಧಾನಿ ನಿವಾಸದಿಂದ ಸಂಸತ್ತಿಗೆ ಹಾಗೂ ಪ್ರಧಾನಿ ಕಾರ್ಯಾಲಯಕ್ಕೆ ಸುರಂಗ ಮಾರ್ಗ ಸಹ ಇರಲಿದೆಯಂತೆ. ಪ್ರಧಾನಿಗಳು ನೇರವಾಗಿ ತಮ್ಮ ನಿವಾಸದಿಂದ ಸಂಸತ್ತಿಗೆ ಹಾಗೂ ತಮ್ಮ ಕಾರ್ಯಾಲಯಕ್ಕೆ ಬರಬಹುದಾಗಿದೆ.
ಈಗಿರುವ ಸಂಸತ್ ಭವನ ಚಿಕ್ಕದು
ಪ್ರಸ್ತುತ ಈಗಿರುವ ಸಂಸತ್ ಭವನದಲ್ಲಿ 552 ಸಂಸದರಿಗಷ್ಟೆ ಕೂರಲು ಸ್ಥಳಾವಕಾಶ ಇದೆ. ಆದರೆ ಹೊಸ ಸಂಸತ್ತಿನಲ್ಲಿ 1400 ಮಂದಿ ಸಂಸದರು ಬೇಕಾದರೂ ಕೂರಬಹುದು ಅಷ್ಟು ಹೆಚ್ಚಿನ ಪ್ರಮಾಣದ ಸ್ಥಳಾವಕಾಶ ಇರಲಿದೆ. ಅಷ್ಟೆ ಅಲ್ಲದೆ ಎಸಿ, ವೈಫೈ ಸೌಲಭ್ಯ, ಪಾರ್ಕಿಂಗ್ ಸೌಲಭ್ಯ ಎಲ್ಲವೂ ಹೊಸ ಸಂಸತ್ತಿನಲ್ಲಿ ಇರಲಿದೆ. ಹೊಸ ಪಾರ್ಲಿಮೆಂಟ್ ಮತ್ತು ಪ್ರಧಾನಿ ನಿವಾಸ 13 ಎಕರೆ ಪ್ರದೇಶದಲ್ಲಿ ನಿರ್ಮಾಣವಾಗಲಿದೆ.
-
Gold Price: ಏಪ್ರಿಲ್ನಲ್ಲಿ ಚಿನ್ನದ ದರ ಭವಿಷ್ಯ: ಹೇಗಿರುತ್ತದೆ ಮುಂದಿನ ತಿಂಗಳು ಚಿನ್ನದ ಬೆಲೆ? ವಿಶ್ಲೇಷಣೆ -
ಅಡುಗೆ ಮನೆಗಳಿಗೆ ಇನ್ನು ನೇರ ಗ್ಯಾಸ್ ಸಂಪರ್ಕ: ಪೈಪ್ಲೈನ್ ವಿಸ್ತರಣೆಗೆ ಕೇಂದ್ರದಿಂದ ಹೊಸ ಆದೇಶ ಜಾರಿ -
Gold Rate: ಬೆಂಗಳೂರು ಸೇರಿದಂತೆ ವಿವಿಧ ನಗರಗಳಲ್ಲಿ ಎಷ್ಟಿದೆ 22 ಕ್ಯಾರಟ್ ಚಿನ್ನದ ದರ? -
Love Mocktail 3: ಕ್ರಿಪ್ಟೋಮ್ನೇಶಿಯಾ ಯಾರದ್ದೋ ಕಥೆ ಯಾರದ್ದೋ ಹೆಸರು ರೂಪಾ ರಾವ್ ಬರಹ -
ತಿಂಗಳಿಗೆ 10 ಸಾವಿರ ರೂ. ಥೆರಪಿಗೆ, 3 ಸಾವಿರ ನೇಲ್ ಆರ್ಟ್ಗೆ! ಬೆಂಗಳೂರು ಯುವತಿಯ 'Gen Z’' ಖರ್ಚಿನ ಪಟ್ಟಿ Viral -
Jobs: ಕಂದಾಯ ಇಲಾಖೆಯಲ್ಲಿ 500 ಹೊಸ ಗ್ರಾಮ ಆಡಳಿತ ಅಧಿಕಾರಿ ಹುದ್ದೆಗಳಿಗೆ ಶೀಘ್ರದಲ್ಲೇ ನೇಮಕಾತಿ -
ಕೂಲಿಗೆ ಹೋಗಿದ್ದ ವಿದ್ಯಾರ್ಥಿನಿಯನ್ನು ದ್ರಾಕ್ಷಿ ತೋಟದಿಂದಲೇ ಕರೆತಂದು SSLC ಪರೀಕ್ಷೆ ಬರೆಸಿದ ಗದಗ ಬಿಇಒ -
Bengaluru: ಬೆಳ್ಳಂಬೆಳಗ್ಗೆ ಬೆಂಗಳೂರಿನ ಸಮಸ್ಯೆಗಳು: ಬೇರೆ ಊರುಗಳಿಂದ ಬಂದ ಮೆಜೆಸ್ಟಿಕ್ನಲ್ಲಿ ಸಂಕಷ್ಟ, 7 ಪ್ರಮುಖ ಸಂಕಷ್ಟಗಳು -
Ananya Birla: ಆರ್ಸಿಬಿ ಅಭಿಮಾನಿಗಳು ಹಾಗೂ ಸಹೋದರನಿಗೆ ಅನನ್ಯಾ ಬಿರ್ಲಾ ವಿಶೇಷ ಸಂದೇಶ -
Karnataka Weather: ಬಿಸಿಲಿನಿಂದ ಕಂಗೆಟ್ಟಿದ್ದ ಕರುನಾಡಿಗೆ ತಂಪೆರೆಯಲಿದ್ದಾನೆ ವರುಣ; ಎಲ್ಲೆಲ್ಲಿ ಮಳೆ? ಇಲ್ಲಿದೆ ಮಾಹಿತಿ -
Karnataka Weather: ಇಂದು ರಾಜ್ಯದ ಈ ಜಿಲ್ಲೆಗಳಲ್ಲಿ ಗುಡುಗು, ಬಿರುಗಾಳಿ ಸಹಿತ ಮಳೆಯಾಗುವ ಮುನ್ಸೂಚನೆ -
ಕಾಂತಾರ ವಿವಾದ: ಮೈಸೂರು ಚಾಮುಂಡಿ ಬೆಟ್ಟಕ್ಕೆ ಬರ್ತೀನಿ, ಕ್ಷಮೆಯೂ ಕೇಳ್ತೀನಿ ಎಂದ ನಟ ರಣವೀರ್ ಸಿಂಗ್
Click it and Unblock the Notifications
Sign in with Google