ಗಗನಸಖಿ ಜೇಬಲ್ಲಿ ಕೋಟಿ ಮೌಲ್ಯದ ಡಾಲರ್ಸ್! ಬೆಚ್ಚಿಬಿದ್ದ ಜೆಟ್ ಏರ್ವೇಸ್!
ನವದೆಹಲಿ, ಜನವರಿ 09: ಸುಮಾರು 3.21 ಕೋಟಿ ರೂ. ಮೌಲ್ಯದ ಅಮೆರಿಕನ್ ಡಾಲರ್ ಗಳನ್ನು ಸಂಗ್ರಹಿಸಿಕೊಂಡಿದ್ದ ಜೆಟ್ ಏರ್ವೇಸ್ ನ ಗಗನಸಖಿಯೊಬ್ಬರನ್ನು ಕಂದಾಯ ಗುಪ್ತಚರ ನಿರ್ದೇಶನಾಲಯ(DRI) ವಶಕ್ಕೆ ಪಡೆದಿದೆ.
ಹಾಂಗ್ ಕಾಂಗ್ ಜೆಟ್ ಏರ್ವೇಸ್ ಗಗನಸಖಿ ದೆಹಲಿಗೆ ಬಂದಿದ್ದರು. ಅನುಮಾನಾಸ್ಪದವಾಗಿ ವರ್ತಿಸುತ್ತಿದ್ದ ಅವರ ಬ್ಯಾಗೇಜ್ ತಪಾಸಣೆ ಮಾಡಿದಾಗ ಅವರ ಬಳಿ ಬೆಳ್ಳಿ ಬಣ್ಣದ ಪೇಪರ್ ಗಳಿಂದ ಸುತ್ತಿದ 3.21 ಕೋಟಿ ರೂ. ಮೌಲ್ಯದ ಸಾಕಷ್ಟು ಯುಎಸ್ ಡಾಲರ್ ಗಳು ಇದ್ದಿದ್ದು ಪತ್ತೆಯಾಗಿತ್ತು.
ಈ ಕುರಿತು ಪ್ರತಿಕ್ರಿಯೆ ನೀಡಿದ ಜೆಟ್ ಏರ್ವೇಸ್ ಆಡಳಿತ ಮಂಡಳಿ, "ಜೆಟ್ ಏರ್ವೇಸ್ ಎಂದಿಗೂ ಇಂಥ ನಡೆಗಳನ್ನು ಪ್ರೋತ್ಸಾಹಿಸುವುದಿಲ್ಲ. ನಮ್ಮ ಸಿಬ್ಬಂದಿಗಳಿಗಾಗಿ ಕೆಲವು ನೀತಿ ಸಂಹಿತೆಗಳಿವೆ. ಅದನ್ನು ಅನುಸರಿಸದವರ ವಿರುದ್ಧ ಶಿಸ್ತುಕ್ರಮ ಕೈಗೊಳ್ಳುತ್ತೇವೆ" ಎಂದಿದೆ.
ಯಾವುದೇ ವ್ಯಕ್ತಿಯೂ ಸೂಕ್ತ ದಾಖಲೆಗಳಿಲ್ಲದೆ ಇಷ್ಟೊಂದು ಮೌಲ್ಯದ ವಿದೇಶಿ ಕರೆನ್ಸಿಯನ್ನು ಹೊಂದುವುದು ಅಪರಾಧ. ಆದ್ದರಿಂದ ಕಂದಾಯ ಸಚಿವಾಲಯ ನೀಡುವ ಸೂಚನೆಯ ಮೇರೆಗೆ ಗಗನಸಖಿ ವಿರುದ್ಧ ಶಿಸ್ತು ಕ್ರಮ ಕೈಗೊಳ್ಳುವುದಾಗಿ ಜೆಟ್ ಏರ್ವೇಸ್ ಹೇಳಿದೆ. ಗಗನಸಖಿಯನ್ನು ಇಂದು ಮಧ್ಯಾಹ್ನ ಪಟಿಯಾಲ ಹೌಸ್ ಕೋರ್ಟ್ ನಲ್ಲಿ ವಿಚಾರಣೆ ನಡೆಸಲಾಗುವುದು ಎಂದು ಮೂಲಗಳು ತಿಳಿಸಿವೆ.
Click it and Unblock the Notifications
Sign in with Google