2018-19ರ ಅವಧಿಯಲ್ಲಿ ನಿರುದ್ಯೋಗ ದರ 5.8% ಇಳಿಕೆ: ಲಾಕ್ಡೌನ್ ಬಳಿಕ ಏರಿಕೆ
ನವದೆಹಲಿ, ಜೂನ್ 5: ಜೂನ್ 2018 ರಿಂದ ಜೂನ್ 2019ರ ಅವಧಿಯಲ್ಲಿ ಭಾರತದ ನಿರುದ್ಯೋಗ ದರವು 6.1 ಪರ್ಸೆಂಟ್ ರಿಂದ 5.8 ಪರ್ಸೆಂಟ್ಗೆ ಇಳಿದಿದೆ ಎಂದು ಸರ್ಕಾರ ಅಂಕಿ-ಅಂಶಗಳು ತಿಳಿಸಿವೆ.
ನಿರುದ್ಯೋಗಿಗಳ ವಯಸ್ಸು 15 ರಿಂದ 29 ಆಗಿದ್ದು, ಇದು ಭಾರತದ 136 ಕೋಟಿ ಜನಸಂಖ್ಯೆಯ ಮೂರನೇ ಒಂದರಷ್ಟು ಆಗಿದೆ. 2017ರಲ್ಲಿ ನಿರುದ್ಯೋಗ ದರ 17.8 ಪರ್ಸೆಂಟ್ ಆಗಿದ್ದು 2018-19ರ ಅವಧಿಯಲ್ಲಿ 17.3 ಪರ್ಸೆಂಟ್ಗೆ ಇಳಿದಿದೆ ಎಂದು ಸರ್ಕಾರ ಬಿಡುಗಡೆ ಮಾಡಿದ ವರದಿಯಲ್ಲಿದೆ.
ರಾಷ್ಟ್ರೀಯ ಸಾಂಖ್ಯಿಕ ಸಂಸ್ಥೆಯು (ಎನ್ಎಸ್ಒ) ಗ್ರಾಮೀಣ ಮತ್ತು ನಗರ ಪ್ರದೇಶದಲ್ಲಿನ 1 ಲಕ್ಷಕ್ಕಿಂತಲೂ ಹೆಚ್ಚು ಕುಟುಂಬಗಳನ್ನು ಗಣನೆಗೆ ತೆಗೆದುಕೊಂಡು ಕಾರ್ಮಿಕರ ಸಮೀಕ್ಷೆ ನಡೆಸಿದ್ದು, ಇದರ ಮಾಹಿತಿ ಆಧರಿಸಿ ವಾರ್ಷಿಕ ವರದಿ ಸಿದ್ಧಪಡಿಸಲಾಗಿದೆ.
ಆದರೆ, ಲಾಕ್ಡೌನ್ದಿಂದಾಗಿ ಮಾರ್ಚ್ ಕೊನೆಯ ವಾರದಲ್ಲಿ ನಿರುದ್ಯೋಗ ದರ ಏರಿಕೆಯಾಗಿದೆ ಎಂದು ಆರ್ಥಿಕ ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ. ಭಾರತದ ನಿರುದ್ಯೋಗ ದರ ಮೇ ತಿಂಗಳಲ್ಲಿ 23.48% ರಷ್ಟಿದ್ದು, ಏಪ್ರಿಲ್ ತಿಂಗಳಲ್ಲಿ 23.52% ಆಗಿತ್ತು ಎಂದು ಭಾರತೀಯ ಆರ್ಥಿಕ ನಿಗಾ ಸಂಸ್ಥೆ (ಸಿಎಂಐಇ) ವರದಿಯಲ್ಲಿ ತಿಳಿಸಿದೆ.
Click it and Unblock the Notifications
Sign in with Google