ಚೀನಾ ಹೇಳಿಕೆಗೆ ಉತ್ತರ ನೀಡಿದ ಭಾರತ ವಿದೇಶಾಂಗ ಸಚಿವಾಲಯ

ದೆಹಲಿ, ಜೂನ್ 20: ಗಾಲ್ವಾನ್ ಕಣಿವೆ ಗಡಿ ಪ್ರದೇಶದಲ್ಲಿ ನಡೆದ ಹಿಂಸಾತ್ಮಕ ಘಟನೆಗೆ ಸಂಬಂಧಿಸಿದಂತೆ ಶುಕ್ರವಾರ ಚೀನಾ ವಕ್ತಾರ ಪ್ರತಿಕ್ರಿಯೆ ನೀಡಿದ್ದರು. ಪೂರ್ವ ಲಡಾಖ್‌ನ ಗಾಲ್ವಾನ್ ಕಣಿವೆ ಚೀನಾ ಗಡಿ ಪ್ರದೇಶದಲ್ಲಿದೆ ಎಂದು ಹೇಳಿದ್ದರು.

ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಭಾರತ ವಿದೇಶಾಂಗ ಸಚಿವಾಲಯ ''ಎಲ್‌ಎಸಿಯಲ್ಲಿ ಭಾರತ ಯಾವುದೇ ಕ್ರಮಗಳನ್ನು ಕೈಗೊಂಡಿಲ್ಲ. ವಾಸ್ತವವಾಗಿ, ಅವರು ಯಾವ ಘಟನೆಯಿಲ್ಲದೆ ಈ ಪ್ರದೇಶದಲ್ಲಿ ದೀರ್ಘಕಾಲ ಗಸ್ತು ತಿರುಗುತ್ತಿದ್ದಾರೆ. ಭಾರತೀಯ ಕಡೆಯಿಂದ ನಿರ್ಮಿಸಲಾದ ಎಲ್ಲಾ ಮೂಲಸೌಕರ್ಯಗಳು ಸ್ವಾಭಾವಿಕವಾಗಿ ನಮ್ಮ ಗಡಿ ಭಾಗದಲ್ಲಿಯೇ ಇದೆ' ಎಂದು ಸ್ಪಷ್ಟನೆ ನೀಡಿದೆ.

''ಗಾಲ್ವಾನ್ ಕಣಿವೆ ಸೇರಿದಂತೆ ಭಾರತ-ಚೀನಾದ ಎಲ್ಲ ಗಡಿ ಭಾಗದಲ್ಲೂ ಭಾರತೀಯ ಸೇನೆಗೆ ಪರಿಚಯ ಇದೆ. ಗಾಲ್ವಾನ್ ಕಣಿವೆ ವಿಚಾರದಲ್ಲಿ ಈಗಾಗಲೇ ಐತಿಹಾಸಿಕವಾಗಿ ನಿಲುವು ಸ್ಪಷ್ಟವಾಗಿದೆ. ಆದರೂ, ಚೀನಾದ ಪ್ರಯತ್ನ ಉತ್ಪ್ರೇಕ್ಷಿತ ಮತ್ತು ಒಪ್ಪಲಾಗದು'' ಎಂದು ವಿದೇಶಾಂಗ ಸಚಿವಾಲಯ ತಿಳಿಸಿದೆ.

Since early May 2020, Chinese have been hindering India's normal patrolling pattern in the area. This resulted in face-off which was addressed by ground commanders. We don't accept the contention that India was unilaterally changing status quo, we were maintaining it: MEA pic.twitter.com/MMMUI4xkOo

— ANI (@ANI) June 20, 2020

'ಮೇ 2020ರ ಆರಂಭದಿಂದಲೂ, ಚೀನೀಯರು ಈ ಪ್ರದೇಶದಲ್ಲಿ ಭಾರತದ ಸಾಮಾನ್ಯ ಗಸ್ತು ಮಾದರಿಗೆ ಅಡ್ಡಿಯಾಗುತ್ತಿದ್ದಾರೆ. ಇನ್ನು ಭಾರತವು ಏಕಪಕ್ಷೀಯವಾಗಿ ಯಥಾಸ್ಥಿತಿಯನ್ನು ಬದಲಾಯಿಸುತ್ತಿದೆ ಎಂಬ ವಾದವನ್ನು ನಾವು ಸ್ವೀಕರಿಸುವುದಿಲ್ಲ' ಎಂದು ಎಂಇಎ ಪ್ರತ್ಯುತ್ತರ ನೀಡಿದೆ.

ಚೀನಾ ವಕ್ತಾರ ಹೇಳಿದ್ದೇನು?
ಪೂರ್ವ ಲಡಾಖ್ ಕಣಿವೆಯ ವಿವಾದ ಪ್ರದೇಶವೂ ವಾಸ್ತವ ನಿಯಂತ್ರಣ ರೇಖೆಯ ಚೀನಾದ ಕಡೆ ಇದೆ. ಈ ಪ್ರದೇಶದಲ್ಲಿ ಭಾರತೀಯರು ಏಪಕಪಕ್ಷೀಯವಾಗಿ ರಸ್ತೆಗಳು, ಸೇತುವೆ ಹಾಗೂ ಮೂಲಭೂತ ಸೌಲಭ್ಯಗಳನ್ನು ನಿರ್ಮಿಸುತ್ತಿದೆ. ಅನೇಕ ವರ್ಷಗಳಿಂದ ಚೀನಾ ಆ ಪ್ರದೇಶದಲ್ಲಿ ಗಸ್ತು ಮಾಡಿದೆ. ಚೀನಾ ಸೇನೆ ಕರ್ತವ್ಯದಲ್ಲಿದೆ ಎಂದು ಆರೋಪ ಮಾಡಿದ್ದರು.

English summary

The Indian side has never undertaken any actions across the LAC. In fact, they have been patrolling this area for a long time without any incident' - MEA.