Click it and Unblock the Notifications
Just In
-
-
-
Don't Miss
-
Hyundai: ಹ್ಯುಂಡೈ ಎಕ್ಸ್ಟರ್ ಮೊದಲ ಅಪಘಾತ: ಮುಗಿಬಿದ್ದು ಖರೀದಿಸಿದವರು ಇದನ್ನೊಮ್ಮೆ ನೋಡಿ -
3ನೇ ಬಾರಿ ಬಾಹ್ಯಾಕಾಶಕ್ಕೆ ಹಾರಲು ಮುಂದಾದ ಸುನೀತಾ ವಿಲಿಯಮ್ಸ್..! -
T20 World Cup 2024: ವೀರೇಂದ್ರ ಸೆಹ್ವಾಗ್ ಆಯ್ಕೆಯ ಭಾರತ ತಂಡದಲ್ಲಿ ಪ್ರಮುಖ ಆಟಗಾರರಿಗೆ ಸ್ಥಾನವಿಲ್ಲ! -
Realme: ರಿಯಲ್ಮಿ ನಾರ್ಜೋ 70 5G, ನಾರ್ಜೋ 70x 5G ಸ್ಮಾರ್ಟ್ಫೋನ್ ಲಾಂಚ್! ಸಖತ್ ಫೀಚರ್ಸ್... ಬೆಲೆ ಎಷ್ಟು? -
"ಸದಾ ನನ್ನ ಹಿಂಭಾಗವನ್ನೇ ಜೂಮ್ ಮಾಡ್ತಾರೆ"; ನೋರಾ ಫತೇಹಿ ಆಕ್ರೋಶ -
ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪ್ರಧಾನಿಯಾದಾಗ ಅಮ್ಮಂಗೆ ಹೆಚ್ಚು ಖುಷಿಯಾಗಿರಲಿಲ್ಲ: ನರೇಂದ್ರ ಮೋದಿ
Recommended Video
ನವದೆಹಲಿ, ಫೆಬ್ರವರಿ 04: "ನಾನು ಪ್ರಧಾನಿಯಾದಾಗ ಅಮ್ಮಂಗೆ ಹೆಚ್ಚೇನು ಖುಷಿಯಾಗಿರಲಿಲ್ಲ. ಗುಜರಾತ್ ಮುಖ್ಯಮಂತ್ರಿಯಾದಾಗ ಆದಷ್ಟು ಸಂತೋಷ ಪ್ರಧಾನಿಯಾದಾಗ ಆಗಿರಲಿಲ್ಲ" ಎಂದು ಪ್ರಧಾನಿ ನರೇಂದ್ರ ಮೋದಿ ಸಂದರ್ಶನವೊಂದರಲ್ಲಿ ಹೇಳಿದರು.
ಹ್ಯುಮನ್ಸ್ ಬಾಂಬೆ ಸೋಶಿಯಲ್ ಮಿಡಿಯಾ ಪೇಜ್ ಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ ಅವರು, ತಮ್ಮ 90 ವರ್ಷ ವಯಸ್ಸಿನ ತಾಯಿ ಹೀರಾ ಬೆನ್ ರೊಂದಿಗಿನ ಒಡನಾಟದ ಕೆಲವು ಕ್ಷಣಗಳನ್ನು ನೆನಪಿಸಿಕೊಂಡರು.
ಇತ್ತೀಚೆಗಷ್ಟೆ ತಾವು ದೀಪಾವಳಿಯ ಸಮಯದಲ್ಲಿ ಮೂರು ದಿನ ಕಾಡಿನಲ್ಲಿ ಇರುತ್ತಿದ್ದೆ ಎಂಬ ವಿಷಯವನ್ನೂ ಮೋದಿ ಬಹಿರಂಗ ಪಡಿಸಿದ್ದರು. ಇದೀಗ ತಮ್ಮ ತಾಯಿ ಹೀರಾಬೆನ್ ಅವರೊಂದಿಗಿನ ಕೆಲವು ಒಡನಾಟಗಳ ಬಗ್ಗೆ ಮೋದಿ ಮಾತನಾಡಿದ್ದಾರೆ.
ಮುಖ್ಯಮಂತ್ರಿಯಾದಾಗಲೇ ಹೆಚ್ಚು ಖುಷಿಯಾಗಿತ್ತು!
"ನಾನು ಪ್ರಧಾನಿಯಾದಾಗ ನಮ್ಮ ತಾಯಿಯ ಪ್ರತಿಕ್ರಿಯೆ ಹೇಗಿತ್ತು ಎಂದು ಹಲವರು ನನ್ನನ್ನು ಪ್ರಶ್ನಿಸಿದ್ದಾರೆ. ಆದರೆ ನಾನು ಗುಜರಾತ್ ಮುಖ್ಯಮಂತ್ರಿಯಾದಾಗ ಅಮ್ಮ ತುಂಬಾ ಸಂತಸಪಟ್ಟಿದ್ದರು. ಪ್ರಧಾನಿಯಾದಾಗ ಅವರು ಅಷ್ಟೊಂದು ಸಂತಸ ವ್ಯಕ್ತಪಡಿಸಿರಲಿಲ್ಲ" ಎಂದು ಮೋದಿ ಹೇಳಿದರು.
ಗುಜರಾತಿಗೆ ವಾಪಸ್ಸಾಗಿದ್ದಕ್ಕೆ ಸಂತಸ
"ನಾನು ಗುಜರಾತ್ ಮುಖ್ಯಮಂತ್ರಿಯಾಗಿ ಆಯ್ಕೆಯಾದ ಸಂದರ್ಭದಲ್ಲಿ ದೆಹಲಿಯಲ್ಲಿದ್ದೆ. ರಾಜಧಾನಿಯಿಂದ ತಾಯಿಯ ಆಶೀರ್ವಾದ ಪಡೆಯಲು ಗುಜರಾತಿಗೆ ತೆರಳಿದಾಗ, ನನ್ನ ತಾಯಿ ನನ್ನನ್ನು ತಬ್ಬಿಕೊಂಡು, ನೀನು ಮತ್ತೆ ಗುಜರಾತಿಗೆ ವಾಪಸ್ ಬಂದೆ ಎಂಬುದೇ ನನಗೆ ಸಂತೋಷ ಎಂದಿದ್ದರು. ತಾಯಿ ಹೃದಯ ಎಂದರೆ ಅದೇ" ಎಂದು ಆ ದಿನಗಳನ್ನು ಮೆಲಕುಹಾಕಿಕೊಂಡರು.
ಆಣೆ ಮಾಡಿಸಿಕೊಂಡಿದ್ದ ಅಮ್ಮ
"ನೋಡು ಮಗನೇ, ನೀನು ಏನು ಮಾಡುತ್ತೀಯಾ ಅನ್ನೋದು ನನಗೆ ಗೊತ್ತಿಲ್ಲ. ಆದರೆ ನೀನು ನನಗೊಂದು ಆಣೆ ಮಾಡಬೇಕು. ನೀವು ಯಾವತ್ತಿಗೂ ಲಂಚ ತೆಗೆದುಕೊಳ್ಳುವುದಿಲ್ಲ, ಭ್ರಷ್ಟಾಚಾರದಲ್ಲಿ ತೊಡಗುವುದಿಲ್ಲ ಎಂದು ಮಾತುಕೊಡು" ಎಂದಿದ್ದರು. ಆ ಮಾತು ನನ್ನ ಮೇಲೆ ಸಾಕಷ್ಟು ಪರಿಣಾಮ ಬೀರಿತ್ತು.
ಅಕ್ಕರೆಯ ಸಾಕಾರಮೂರ್ತಿ ಅಮ್ಮ
ನಮ್ಮಮ್ಮನಿಗೆ ಪ್ರಧಾನಿ, ಮುಖ್ಯಮಂತ್ರಿ ಎಂಬುದೆಲ್ಲ ಹೆಚ್ಚು ಮಹತ್ವದ್ದೆನ್ನಿಸಲಿಲ್ಲ. ಆಕೆಗೆ ನನಗೊಂದು ಸಾಮಾನ್ಯ ಕೆಲಸ ಸಿಕ್ಕಿದೆ ಎಂದರೂ, ಅವರು ಇಡೀ ಊರಿಗೂ ಮಿಠಾಯಿ ಹಂಚುವಷ್ಟು ಮಮತಾಮಯಿ, ಮುಗ್ಧೆ ಎಂದು ತಮ್ಮಮ್ಮನ ಕುರಿತು ಮೋದಿ ಹೇಳಿದರು.
