ಕೆಟ್ಟದ್ದಕ್ಕೆಲ್ಲಾ ಶನೀಶ್ವರನೇ ಕಾರಣವಲ್ಲ! ಶನಿದೆಸೆ ಇದ್ದಾಗಲೂ ಹೆಸರು, ಕೀರ್ತಿ, ಐಶ್ವರ್ಯ ಬರಲು ಹೀಗೆ ಮಾಡಿ

Updated: Thursday, June 4, 2026, 20:05 [IST]

ಹಿಂದೂ ಪುರಾಣಗಳಲ್ಲಿ ಶನಿ ಗ್ರಹ ಎಂದೂ ಕರೆಯಲ್ಪಡುವ ಶನಿಯನ್ನು ಕರ್ಮಫಲದಾತ ಎಂದು ಕರೆಯಲಾಗುತ್ತದೆ. ಅಂದರೆ ನಾವು ಮಾಡಿದ ಕೆಲಸಕ್ಕೆ ತಕ್ಕಂತೆ ಫಲ ನೀಡುವವನು ಎಂದರ್ಥ. ನ್ಯಾಯದ ದೇವರಾಗಿ, ಶನಿಯು ವ್ಯಕ್ತಿಗಳ ಕರ್ಮಗಳ ಆಧಾರದ ಮೇಲೆ ಪ್ರತಿಫಲ ಮತ್ತು ಶಿಕ್ಷೆಯನ್ನು ನೀಡುತ್ತಾನೆ. ಶನಿಯು ಶಿಸ್ತು, ಕರ್ಮ, ಕಠಿಣ ಪರಿಶ್ರಮ, ತಾಳ್ಮೆ, ದೀರ್ಘಾಯುಷ್ಯದೊಂದಿಗೆ ಸಂಬಂಧ ಹೊಂದಿದ್ದಾನೆ. 19 ವರ್ಷಗಳ ಅವಧಿಯಾದ ಶನಿ ಮಹಾದಶಾ, ಒಬ್ಬರ ಜೀವನದಲ್ಲಿ ಒಂದು ಮಹತ್ವದ ಹಂತವಾಗಿದೆ. ಈ ಅವಧಿಯಲ್ಲಿ ಶನಿಯು ಪ್ರಾಥಮಿಕ ಪ್ರಭಾವಿಯಾಗುತ್ತಾನೆ. ಇದು ವೈಯಕ್ತಿಕ ಕರ್ಮ ಮತ್ತು ಜಾತಕದಲ್ಲಿ ಗ್ರಹದ ಸ್ಥಾನವನ್ನು ಅವಲಂಬಿಸಿ ಧನಾತ್ಮಕ ಮತ್ತು ಋಣಾತ್ಮಕ ಪರಿಣಾಮಗಳನ್ನು ಬೀರುತ್ತದೆ.

ಶನಿ ಮಹಾದಶಾದಲ್ಲಿ, ಶನಿಯು ವೃತ್ತಿ, ಹಣಕಾಸು, ಯಶಸ್ಸು ಮತ್ತು ಸಂಬಂಧಗಳಂತಹ ಕ್ಷೇತ್ರಗಳಲ್ಲಿ ನಕಾರಾತ್ಮಕ ಪರಿಣಾಮಗಳನ್ನು ಬೀರುವ ಹಂತವನ್ನು ಶನಿ ಸಾಡೇಸಾತಿ ಎಂದು ಕರೆಯಲಾಗುತ್ತದೆ. ಏಳೂವರೆ ವರ್ಷಗಳ ಕಾಲ ನಡೆಯುವ ಈ ಅವಧಿಯು ಹಿಂದಿನ ಜನ್ಮದ ಕರ್ಮದ ಪರಿಣಾಮ ಎಂದೇ ಹೇಳಲಾಗುತ್ತದೆ. ಆದರೆ ಶನಿದೆಯಲ್ಲಿ ಕೇವಲ ಕೆಟ್ಟದ್ದೇ ಆಗುವುದು, ಶನಿ ಎಂದರೆ ಅತ್ಯಂತ ಕ್ರೂರ ಎಂದರೆ ಅದು ಖಂಡಿತಾ ಸುಳ್ಳು. ಶನಿದೇವನು ಅತ್ಯಂತ ಕಷ್ಟವನ್ನು ಕೊಡುತ್ತಾನೆ ನಿಜ. ಹಾಗಂತ ಬರೀಯ ಕಷ್ಟಗಳನ್ನೇ ನೀಡುತ್ತಾನೆ ಎನ್ನುವುದು ಸುಳ್ಳು.

ಶನಿದೇವ ಕಷ್ಟವನ್ನೂ ನೀಡುತ್ತಾನೆ ಜೊತೆಗೆ ಯಶಸ್ಸನ್ನೂ ನೀಡುತ್ತಾನೆ. ಶನಿದೆಸೆ ಇದ್ದಾಗ ಎಲ್ಲವೂ ತುಂಬಾ ಸುಲಭವಾಗಿ ವೇಗವಾಗಿ ಸಿಗುವುದಿಲ್ಲ. ಇದಕ್ಕಾಗಿ ಪರಿಶ್ರಮ ಪಡಬೇಕಾಗುತ್ತದೆ. ಜೀವನದಲ್ಲಿ ಸಣ್ಣ ಪ್ರಮಾಣದ ಪ್ರೀತಿ ಪಡೆಯಬೇಕಾದರೂ ಬಹಳ ಕಷ್ಟಪಡಬೇಕಾಗುತ್ತದೆ. ನಿಮ್ಮನ್ನು ನೀವು ಸಂಪೂರ್ಣವಾಗಿ ಸಮರ್ಪಿಸಿಕೊಳ್ಳಬೇಕಾಗುತ್ತದೆ. ಆದರೆ ನಿಮಗೆ ಶನಿದೇವ ಯಶಸ್ಸು ಕೊಡಲು ಆರಂಭಿಸಿದರೆ ನಿರೀಕ್ಷೆ ಮೀರಿ ಎಲ್ಲವನ್ನೂ ಪಡೆಯುತ್ತೀರಿ. ಪ್ರೀತಿ, ಹೆಸರು, ಕೀರ್ತಿ, ಹಣ, ಐಶ್ವರ್ಯಾ, ಎಲ್ಲವೂ ಭರಪೂರವಾಗಿ ಸಿಗುತ್ತದೆ. ಶನಿ ದೆಸೆ ಇದ್ದಾಗಲೂ ಅಭಿವೃದ್ದಿ, ಯಶಸ್ಸಿ ಕೀರ್ತಿ, ಹಣ, ಸಂಪತ್ತು ಎಲ್ಲವೂ ಒಲಿಯುವುದು.

ಶನಿ ದೆಸೆಯ ದುಷ್ಪರಿಣಾಮಗಳು

ವೃತ್ತಿಜೀವನದ ಸವಾಲುಗಳು: ವ್ಯಕ್ತಿಗಳು ಉದ್ಯೋಗ ಪಡೆಯುವಲ್ಲಿ ತೊಂದರೆಗಳನ್ನು ಎದುರಿಸಬಹುದು. ಬಡ್ತಿಗಳಲ್ಲಿ ವಿಳಂಬ, ಯೋಜನೆಗಳಲ್ಲಿ ಮನ್ನಣೆಯ ಕೊರತೆ ಮತ್ತು ಹೆಚ್ಚಿದ ಜವಾಬ್ದಾರಿಗಳನ್ನು ಎದುರಿಸಬಹುದು. ಹೆಚ್ಚಿನ ಸ್ಪರ್ಧೆ, ಘರ್ಷಣೆಗಳು ಮತ್ತು ಸಹೋದ್ಯೋಗಿಗಳೊಂದಿಗೆ ವಿರೋಧವೂ ಉಂಟಾಗಬಹುದು.

ಆರೋಗ್ಯ ಸವಾಲುಗಳು: ದೀರ್ಘಕಾಲದ, ತೀವ್ರ ಮತ್ತು ಸೌಮ್ಯ ಕಾಯಿಲೆಗಳು ಸೇರಿದಂತೆ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು. ಖಿನ್ನತೆ, ಒತ್ತಡ ಮತ್ತು ಆತಂಕದಂತಹ ಮಾನಸಿಕ ಆರೋಗ್ಯ ಸಮಸ್ಯೆಗಳು ಸಹ ತೊಂದರೆ ನೀಡಬಹುದು.

ಆರ್ಥಿಕ ಅಸ್ಥಿರತೆ: ಹಣಕಾಸಿನ ಸವಾಲುಗಳು ಮತ್ತು ಅಸ್ಥಿರತೆ ಉಂಟಾಗಬಹುದು, ಹಣಕಾಸಿನ ವಿಷಯಗಳಿಗೆ ಸಂಬಂಧಿಸಿದ ಹೋರಾಟಗಳು ಮತ್ತು ಅನಗತ್ಯ ಅಂಶಗಳಿಗೆ ಅತಿಯಾದ ಖರ್ಚು ಸಂಭವಿಸಬಹುದು.

ಸಂಬಂಧದ ಒತ್ತಡ: ಪಾಲುದಾರರು, ಕುಟುಂಬ ಮತ್ತು ಸ್ನೇಹಿತರೊಂದಿಗೆ ನಿರಂತರ ಘರ್ಷಣೆಗಳು ಮತ್ತು ಉದ್ವಿಗ್ನತೆಗಳು ಉಂಟಾಗಬಹುದು. ಇದು ವಿವಿಧ ಸಂಬಂಧಗಳಲ್ಲಿ ತಪ್ಪು ತಿಳುವಳಿಕೆ ಮತ್ತು ಸವಾಲುಗಳಿಗೆ ಕಾರಣವಾಗಬಹುದು.

ಪರಿಹಾರಗಳು ಏನೇನು?

ಮಂತ್ರಗಳನ್ನು ಪಠಿಸಿ: ನಿಯಮಿತವಾಗಿ 'ಶನಿ ಮಂತ್ರ' ಮತ್ತು 'ಶನಿ ಸ್ತ್ರೋತಂ' ಜಪಿಸಿ.
ಕರ್ಮ ಯೋಗವನ್ನು ಅಭ್ಯಾಸ ಮಾಡಿ: ಶನಿದೇವನು ಒಳ್ಳೆಯ ಕಾರ್ಯಗಳನ್ನು ಮೆಚ್ಚುವುದರಿಂದ, ನಿಸ್ವಾರ್ಥ ದಾನದಲ್ಲಿ ತೊಡಗಿಸಿಕೊಳ್ಳಿ.

ದತ್ತಿ ದೇಣಿಗೆಗಳು: ನಿಸ್ವಾರ್ಥತೆ ಮತ್ತು ಔದಾರ್ಯವನ್ನು ಪ್ರದರ್ಶಿಸುವ ಮೂಲಕ ದತ್ತಿ ಕಾರ್ಯಗಳಿಗೆ ಕೊಡುಗೆ ನೀಡಿ.

ಯಜ್ಞ ಅಥವಾ ಹವನಗಳು: ನಕಾರಾತ್ಮಕ ಶಕ್ತಿಯನ್ನು ಶುದ್ಧೀಕರಿಸಲು ಮತ್ತು ತ್ಯಜಿಸಲು, ಆತ್ಮವನ್ನು ಶುದ್ಧೀಕರಿಸಲು ಯಾಗ ಅಥವಾ ಹವನಗಳಲ್ಲಿ ಭಾಗವಹಿಸಿ. ದೀಪ ಬೆಳಗಿ ಕಪ್ಪು ಬಣ್ಣದ ಬಟ್ಟೆ ಧರಿಸಿ: ಶನಿವಾರದಂದು ಸಾಸಿವೆ ಅಥವಾ ಎಳ್ಳೆಣ್ಣೆ ದೀಪಗಳನ್ನು ಅರ್ಪಿಸಿ, ಕಪ್ಪು ಬಟ್ಟೆ ಧರಿಸಿ, ಮತ್ತು ಕಪ್ಪು ಎಳ್ಳು ಮತ್ತು ಕಬ್ಬಿಣದ ಪಾತ್ರೆಗಳನ್ನು ಶನಿದೇವರಿಗೆ ಅರ್ಪಿಸಿ.

ಕಾಲಭೈರವ ದೇವರನ್ನು ಪೂಜಿಸಿ: ಆಧ್ಯಾತ್ಮಿಕ ತೃಪ್ತಿಗಾಗಿ ಶಿವನ ರೂಪವಾದ ಕಾಲಭೈರವನನ್ನು ಪೂಜಿಸಿ. ಮದ್ಯ ಮತ್ತು ಮಾಂಸಾಹಾರದಿಂದ ದೂರವಿರಿ: ಶನಿ ದೇವನನ್ನು ಸಂತೋಷಪಡಿಸುವುದು ಎಂದರೆ ಮದ್ಯಪಾನ ಮತ್ತು ಮಾಂಸಾಹಾರವನ್ನು ತ್ಯಜಿಸುವುದು ಮತ್ತು ಅಶ್ವತ ಮರಕ್ಕೆ ಹಾಲನ್ನು ಅರ್ಪಿಸುವುದು.

ಹನುಮಾನ್ ಚಾಲೀಸಾ ಪಠಿಸಿ: ಹನುಮಂತನನ್ನು ಮೆಚ್ಚಿಸಲು ಮತ್ತು ಆತನ ಆಶೀರ್ವಾದ ಮತ್ತು ದುಷ್ಟಶಕ್ತಿಗಳ ವಿರುದ್ಧ ರಕ್ಷಣೆ ಪಡೆಯಲು 'ಹನುಮಾನ್ ಚಾಲೀಸಾ' ಪಠಿಸಿ. ಅಶ್ವತ್ಥ ಮರವನ್ನು ಪೂಜಿಸಿ: 'ಮಹಾದೋಷ'ದಿಂದ ಬಳಲುತ್ತಿರುವಾಗ, ವಿಶೇಷವಾಗಿ ಶನಿವಾರ ಬೆಳಿಗ್ಗೆ ಅಶ್ವತ್ಥ ಮರವನ್ನು ಪೂಜಿಸಿ. ನೀರನ್ನು ಅರ್ಪಿಸುವುದರಿಂದ ಶನಿಯ ನಕಾರಾತ್ಮಕ ಪರಿಣಾಮಗಳು ಕಡಿಮೆಯಾಗುತ್ತವೆ.

(ಬರಹ : ರಂಜಿತಾ ಆರ್.ಕೆ)