ನವದೆಹಲಿಯಲ್ಲಿ ಮೊದಲ ಎಬೋಲಾ ಪ್ರಕರಣ ಪತ್ತೆ

ನವದೆಹಲಿ, ನ. 19 : ವಿಶ್ವದಲ್ಲಿ ಆತಂಕ ಮೂಡಿಸಿರುವ ಮಹಾಮಾರಿ ಎಬೋಲಾ ಭಾರತದಲ್ಲಿಯೂ ಪತ್ತೆಯಾಗಿದೆ. ಲೈಬೀರಿಯಾದಿಂದ ದೆಹಲಿಗೆ ಬಂದಿ­ಳಿದ ಭಾರತದ ಯುವಕನ ವೀರ್ಯ­ದಲ್ಲಿ ಎಬೋಲಾ ವೈರಸ್‌ ಪತ್ತೆಯಾಗಿದೆ. ಆದರೆ, ರೋಗ ಲಕ್ಷಣಗಳು ಕಂಡುಬಂದಿಲ್ಲ.

ನ.10ರಂದು ದೆಹಲಿ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದ ಯುವಕನನ ದೇಹದಲ್ಲಿ ಎಬೋಲಾ ಕಾಯಿಲೆಯ ಸೂಚನೆ­ಗಳು ಕಂಡುಬಂದಿಲ್ಲ. ಆದರೂ ಆತನನ್ನು ವಿಮಾನನಿಲ್ದಾಣದ ವಿಶೇಷ ಆರೋಗ್ಯ ಘಟಕದಲ್ಲಿ ಪ್ರತ್ಯೇಕ­ವಾಗಿ ಇರಿಸಲಾಗಿದೆ ಎಂದು ಆರೋಗ್ಯ ಸಚಿವಾಲಯ ಮಂಗಳವಾರ ಹೇಳಿದೆ. [ಮಹಾಮಾರಿ ಎಬೋಲಾ ತಡೆಗೆ ಒಬಾಮಾ ಸೂತ್ರ]

ಸೆಪ್ಟೆಂಬರ್‌ನಲ್ಲಿ ಲೈಬೀರಿ­­ಯಾದ ಆಸ್ಪತ್ರೆಯಲ್ಲಿ ಎಬೋ­ಲಾಗೆ ಯುವಕ ಚಿಕಿತ್ಸೆ ಪಡೆದುಕೊಂಡಿದ್ದ. ಈಗ ಎಬೋಲಾದಿಂದ ಮುಕ್ತನಾಗಿ­ದ್ದಾನೆ ಎಂದು ಲೈಬೀರಿಯಾ ಆರೋಗ್ಯ ಸಚಿವಾ­ಲಯ ಪ್ರಮಾಣಪತ್ರ ನೀಡಿತ್ತು. ವಿಮಾನ ನಿಲ್ದಾಣದಲ್ಲಿ ಕಡ್ಡಾಯ­ವಾಗಿ ಎಬೋಲಾ ತಪಾಸ­ಣೆಗೆ ಒಳಪ­ಡಿಸ­ಲಾ­ಗಿದ್ದು, ರಕ್ತದಲ್ಲಿ ಎಬೋಲಾ ವೈರಸ್‌ ಕಂಡುಬಂದಿಲ್ಲ.[ಹತ್ತು ಸಾವಿರ ಜನರಿಗಂಟಿದ ಮಹಾಮಾರಿ ಎಬೋಲಾ]

ದೆಹಲಿಯ ರಾಷ್ಟ್ರೀಯ ರೋಗ ನಿಯಂತ್ರಣ ಕೇಂದ್ರ ಹಾಗೂ ಪುಣೆಯ ರಾಷ್ಟ್ರೀಯ ವೈರಾಣು ಸಂಸ್ಥೆ­ಯಲ್ಲಿ ಯುವಕನ ವೀರ್ಯ ತಪಾಸಣೆ ನಡೆಸಲಾಗಿದ್ದು, ವೀರ್ಯ­ದಲ್ಲಿ ಈ ವೈರಸ್‌ ಪತ್ತೆಯಾ­ಗಿದೆ. ವೈರಸ್‌ ಇಲ್ಲ ಎಂದು ಖಚಿತ­ವಾಗುವವರೆಗೂ ವಿಮಾನ ನಿಲ್ದಾಣದಲ್ಲಿಯೇ ಯುವಕನನ್ನು ಇಡಲಾಗುತ್ತದೆ ಎಂದು ವೈದ್ಯರು ಹೇಳಿದ್ದಾರೆ.

English summary

India has quarantined a man who was cured of Ebola in Liberia but continued to show traces of the virus in samples of his semen after arriving in the country, man arrived at New Delhi airport on November 10.