Fact Check: ಅಮಿತ್ ಶಾಗೂ ಕೊರೊನಾ ವೈರಸ್ ಬಂತಂತೆ!
ನವದೆಹಲಿ, ಏಪ್ರಿಲ್ 6: ಸೋಮವಾರ ಬೆಳಿಗ್ಗೆಯಿಂದ ಸಾಮಾಜಿಕ ಜಾಲತಾಣದಲ್ಲಿ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಕುರಿತ ಫೋಟೊವೊಂದು ವೈರಲ್ ಆಗಿದೆ. ಅಮಿತ್ ಶಾ ಅವರಿಗೆ ಕೊರೊನಾ ವೈರಸ್ ಸೋಂಕು ತಗುಲಿದೆ ಎಂದು ಹಲವರು ಆ ಫೋಟೊವನ್ನು ಶೇರ್ ಮಾಡಿದ್ದರು.
ಫೋಟೊದಲ್ಲಿ ವಿದೇಶದಿಂದ ಬಂದು, ಕೊರೊನಾಕ್ಕೆ ತುತ್ತಾಗಿರುವ ವ್ಯಕ್ತಿಯೊಬ್ಬ ಅಮಿತ್ ಶಾ ಅವರ ಜೊತೆ ನಿಂತಿರುವ ಫೊಟೊ ಅದಾಗಿತ್ತು. ಆದರೆ, ಈ ಫೋಟೊದ ಅಸಲಿಯತ್ತನ್ನು ಬಯಲಿಗೆಳದಿರುವ ಪ್ರೆಸ್ ಇನ್ಪಾರ್ಮೆಶನ್ ಬ್ಯೂರೋ (ಪಿಸಿಬಿ) ಇದೊಂದು ಫೇಕ್ ನ್ಯೂಸ್ ಎಂದು ತಿಳಿಸಿದೆ. ಫೋಟೊದಲ್ಲಿ ಇರುವ ಕೊರೊನಾ ಪೀಡಿತ ವ್ಯಕ್ತಿಯನ್ನು ಅಮಿತ್ ಶಾ ಅವರೊಂದಿಗೆ ಸೇರಿಸಲಾಗಿದ್ದು ಎಂದು ತಿಳಿಸಿದೆ.
ಈ ಫೋಟೊವನ್ನು ಯಾರೂ ಶೇರ್ ಮಾಡುವುದನ್ನು ಮಾಡಬಾರದು. ಅಮಿತ್ ಷಾ ಅವರಿಗೆ ಕೊರೊನಾ ಸೋಂಕು ತಗುಲಿಲ್ಲ ಎಂದು ಪಿಸಿಬಿ ತಿಳಿಸಿದೆ.
ಕೊರೊನಾ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಸುಳ್ಳು ಸುದ್ದಿಗಳು, ತೇಜೋವಧೆ ಮಾಡುವಂತಹ ಸುದ್ದಿಗಳೇ ಹೆಚ್ಚು ಸದ್ದು ಮಾಡುತ್ತಿವೆ. ಈ ಸುಳ್ಳು ಸುದ್ದಿಗಳನ್ನು ಪರಿಶೀಲಿಸಲು ಹಲವು ಮಾಧ್ಯಮ ಸಂಸ್ಥೆಗಳು ಸ್ವಯಂಪ್ರೇರಿತವಾಗಿ ಸುಳ್ಳು ಸುದ್ದಿಗಳ ಬಗ್ಗೆ Fact Check ನಡೆಸುತ್ತಿವೆ.
Click it and Unblock the Notifications
Sign in with Google