ಕಾಂಗ್ರೆಸ್ ಫೇಸ್ ಬುಕ್ ಪುಟ ಬಂದ್ ಸುದ್ದಿಗೆ ಕಾಂಗ್ರೆಸ್ ಪ್ರತಿಕ್ರಿಯೆ ಏನು?

ನವದೆಹಲಿ, ಏಪ್ರಿಲ್ 01: ಸಾಮಾಜಿಕ ಜಾಲ ತಾಣ ದಿಗ್ಗಜ ಫೇಸ್ ಬುಕ್ ಆರಂಭಿಸಿರುವ ಸ್ವಚ್ಛತಾ ಅಭಿಯಾನಕ್ಕೆ ಕಾಂಗ್ರೆಸ್ ಪಕ್ಷದ ಐಟಿ ಸೆಲ್ ಗೆ ಸೇರಿದ ಅನೇಕ ಪುಟಗಳು ಬಲಿಯಾಗಿವೆ. ಈ ಬಗ್ಗೆ ಕಾಂಗ್ರೆಸ್ ವಕ್ತಾರ ಮನೀಶ್ ತಿವಾರಿ ಅವರು ಮೊದಲ ಪ್ರತಿಕ್ರಿಯೆ ನೀಡಿದ್ದಾರೆ.

Manish Tewari, Congress on 'Facebook says removing 687 pages, accounts linked to Congress party ahead of polls': We don’t react to news reports which may just be coming in, we will have to check veracity of the report whether there are any Facebook pages which are linked to us... https://t.co/N2pUoD9Dti

— ANI (@ANI) April 1, 2019

ಕಾಂಗ್ರೆಸ್ ಪಕ್ಷಕ್ಕೆ ಸೇರಿದ ಸುಮಾರು 687 ಪುಟ ಹಾಗೂ ಖಾತೆಗಳನ್ನು ಬಂದ್ ಮಾಡಲಾಗಿದೆ ಎಂದು ಫೇಸ್ ಬುಕ್ ಹೇಳಿದೆ ಎಂಬ ಸುದ್ದಿಯ ಬಗ್ಗೆ ಪ್ರತಿಕ್ರಿಯಿಸಿರುವ ಮನೀಶ್ ತಿವಾರಿ, ಈ ಸುದ್ದಿಯ ಸತ್ಯಾಸತ್ಯತೆ ಬಗ್ಗೆ ನಿಖರ ಮಾಹಿತಿಯಿಲ್ಲ. ಈ ಸುದ್ದಿ ನಿಜ ಎಂದು ದೃಢಪಟ್ಟ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಬಹುದು. ಫೇಸ್ ಬುಕ್ ಪುಟಗಳು ನಮ್ಮ ಪಕ್ಷಕ್ಕೆ ಸೇರಿದ್ದವು ಎಂಬುದರ ಬಗ್ಗೆ ಕೂಡಾ ಮಾಹಿತಿಯಿಲ್ಲ ಎಂದಿದ್ದಾರೆ.

ಆಗಸ್ಟ್ 2014ರಿಂದ ಮಾರ್ಚ್ 2019ರ ಅವಧಿಯಲ್ಲಿ ಸುಮಾರು 39000 ಡಾಲರ್ ಮೊತ್ತವನ್ನು ಜಾಹೀರಾತು ರೂಪದಲ್ಲಿ ಈ ಪುಟಗಳು ಖರ್ಚು ಮಾಡಿವೆ. ಈ ಪುಟಗಳು ಹಾಗೂ ಖಾತೆಗಳು ಫೇಕ್ ಸುದ್ದಿ ಹಬ್ಬಿಸುತ್ತಿವೆ ಎಂಬ ಕಾರಣಕ್ಕೆ ಮಾತ್ರ ಬಂದ್ ಮಾಡಿಲ್ಲ. ಬದಲಿಗೆ ದೃಢಪಡದ ಸುದ್ದಿಗಳನ್ನು ಸ್ಪಾಮ್ ಮಾದರಿ ಪ್ರಸಾರ ಮಾಡಿದ ಕಾರಣ ನೀಡಲಾಗಿದೆ.

ಸುಳ್ಳು ಸುದ್ದಿ, ಐಡೆಂಡೆಟಿ ಇಲ್ಲದ ಖಾತೆಗಳ ಬಗ್ಗೆ ಫೇಸ್ ಬುಕ್ ಬಹಳ ಮುಂಚಿತವಾಗಿ ಅಭಿಯಾನ ನಡೆಸಿದೆ. ಚುನಾವಣೆ ಸಂದರ್ಭದಲ್ಲಿ ಇದು ಕೈಗೊಂಡ ಕ್ರಮ ಎನ್ನಲಾಗುವುದಿಲ್ಲ. ಈ ಹಿಂದೆ ಬಿಜೆಪಿ ಬೆಂಬಲಿತ ಫೇಸ್ ಬುಕ್ ಪುಟಗಳಿಗೂ ಚುರುಕು ಮುಟ್ಟಿಸಲಾಗಿತ್ತು.

English summary

Congress spokesman Manish Tewari told : "We have to check the Facebook report. Maybe the Pages are not linked to us and maybe the news report is not correct. We need to check the veracity whether the Facebook pages are linked to us."