ಹೊಟೇಲ್ ಮುಂದೆ ಗನ್ ಹಿಡಿದು ಮಾಜಿ ಸಂಸದರ ಪುತ್ರನ ಪುಂಡಾಟ

ನವದೆಹಲಿ, ಅಕ್ಟೋಬರ್ 16: ಬಹುಜನ ಸಮಾಜವಾದಿ ಪಕ್ಷದ ಮಾಜಿ ಸಂಸದರ ಪುತ್ರನೊಬ್ಬ ದೆಹಲಿಯ ಫೈವ್ ಸ್ಟಾರ್ ಹೊಟೇಲ್ ವೊಂದರ ಎದುರು ಗನ್ ಹಿಡಿದು ಓಡಾಡುತ್ತಿದ್ದ ಕಾರಣಕ್ಕೆ ಆತನ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.

ದೆಹಲಿಯ ಫೈವ್ ಸ್ಟಾರ್ ಹೊಟೇಲ್ ಎದುರು ಮಾಜಿ ಸಂಸದ ರಾಕೇಶ್ ಪಾಂಡೆ ಅವರ ಪುತ್ರ ಆಶಿಶ್ ಪಾಂಡೆ ಗನ್ ಹಿಡಿದು ಅನುಮಾನಾಸ್ಪದವಾಗಿ ಓಡಾಡುತ್ತಿದ್ದ ದೃಶ್ಯ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿತ್ತು.

#WATCH A man brandishes a gun outside a 5-star hotel in Delhi on October 14. A case has been registered in connection with the incident. #Delhi pic.twitter.com/G14eqVJU0U

— ANI (@ANI) October 16, 2018

ಜೊತೆಗೆ ಹೊಟೇಲ್ ನ ಸಿಬ್ಬಂದಿ ಜೊತೆಗೂ ಮಾತಿನ ಚಕಮಕಿ ನಡೆಯುತ್ತಿರುವುದು ಕಂಡುಬಂದಿತ್ತು. ಆದರೆ ವಡಿಯೋದಲ್ಲಿರುವುದು ಯಾರು ಎಂಬುದು ಗೊತ್ತಾಗಿರಲಿಲ್ಲ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆಯೇ ಎಚ್ಚೆತ್ತುಕೊಂಡ ಪೊಲೀಸ್ ಇಲಾಖೆ ಆಶಿಶ್ ಪಾಂಡೆ ವಿರುದ್ಧ ಶಸ್ತ್ರಾಸ್ತ್ರ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಂಡಿದೆ. ಹೊಟೇಲ್ ನಲ್ಲಿದ್ದ ಇತರ ಸಿಸಿಟಿವಿ ಕ್ಯಾಮರಾ ಫೋಟೇಜ್ ಮೂಲಕ ಈತ ಆಶಿಶ್ ಪಾಂಡೆಯೇ ಎಂಬುದು ದೃಢವಾಗಿದೆ.

ಈ ಪ್ರಕರಣವನ್ನು ಪೊಲೀಸರ ಗಮನಕ್ಕೆ ತರದ ಫೈವ್ ಸ್ಟಾರ್ ಹೊಟೇಲ್ ಆಡಳಿತ ಮಂಡಳಿಯನ್ನೂ ಪೊಲೀಸರು ತರಾಟೆಗೆ ತೆಗೆದುಕೊಂಡಿದ್ದಾರೆ.

English summary

Ashish Pandey, son of a former MP of the Bahujan Samaj Party was seen brandishing a gun outside a 5-star hotel in Delhi on October 14. A case has been registered against Ashish under the Arms Act.