ದೆಹಲಿ ಚುನಾವಣೆ ಎಕ್ಸಿಟ್ ಪೋಲ್ ಫಲಿತಾಂಶ: ಎಎಪಿಗೆ ಬಹುಮತ, ಬಿಜೆಪಿಗೆ ಸೋಲು, ಕಾಂಗ್ರೆಸ್‌ಗೆ ಮುಖಭಂಗ

Updated: Saturday, February 8, 2020, 19:33 [IST]

ನವದೆಹಲಿ, ಫೆಬ್ರವರಿ 08: ದೆಹಲಿ ವಿಧಾನಸಭೆ ಚುನಾವಣೆಗೆ ಮತದಾನ ಪ್ರಕ್ರಿಯೆ ಶನಿವಾರ ಸಂಜೆ 6 ಗಂಟೆಗೆ ಮುಕ್ತಾಯವಾಗಿದೆ. ಮತದಾನವು ಬಹುತೇಕ ಶಾಂತಿಯುತವಾಗಿದೆ ನಡೆದಿದೆ.

ದೆಹಲಿಯ ಚುಮು-ಚುಮು ಚಳಿಯಲ್ಲಿ ರಾಜಕೀಯ ಬಿಸಿಯೇರಿದ್ದು, ಬಿಜೆಪಿ-ಎಎಪಿ-ಕಾಂಗ್ರೆಸ್ ಪಕ್ಷಗಳು ರಾಷ್ಟ್ರ ರಾಜಧಾನಿಯ ಗದ್ದುಗೆ ಏರಲು ಭಾರಿ ನಡೆಸಿದ್ದ ಭಾರಿ ಪೈಪೋಟಿಗೆ ಜನರು ಇಂದು ಮತತೀರ್ಪು ನೀಡಿದ್ದಾರೆ. ಫಲಿತಾಂಶ ಫೆಬ್ರವರಿ 11 ರಂದು ಪ್ರಕಟವಾಗಲಿದೆ.

ಒಟ್ಟು 672 ಅಭ್ಯರ್ಥಿಗಳು ದೆಹಲಿ ಚುನಾವಣಾ ಕಣದಲ್ಲಿದ್ದಾರೆ. ಮತದಾನವು ಸುಗಮವಾಗಿ ನಡೆಯಲೆಂದು ಭಾರಿ ಭದ್ರತೆ ಆಯೋಜಿಸಲಾಗಿತ್ತು, ನಲವತ್ತು ಸಾವಿರ ಪೊಲೀಸರನ್ನು ಭದ್ರತೆಗಾಗಿ ನಿಯೋಜಿಸಲಾಗಿತ್ತು. ಇವರ ಜೊತೆಗೆ ಕೇಂದ್ರೀಯ ಸಶಸ್ತ್ರ ದಳದ ತಂಡಗಳೂ ಇದ್ದವು.

Delhi Elections 2020 Live Updates in Kannada

ನವದೆಹಲಿ ವಿಧಾನಸಭೆ ಕ್ಷೇತ್ರದಲ್ಲಿ ಅತಿಹೆಚ್ಚು 28 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ. ಇದೇ ಕ್ಷೇತ್ರದಿಂದ ಅರವಿಂದ ಕೇಜ್ರಿವಾಲ್ ಸಹ ಚುನಾವಣೆಗೆ ಸ್ಪರ್ಧಿಸಿದ್ದಾರೆ. ಬಿಜೆಪಿಯ ಮನೋಜ್ ತಿವಾರಿ, ಮನೀಶ್‌ ಸಿಸೋಡಿಯಾ ಸೇರಿ ಹಲವು ಪ್ರಮುಖರು ಚುನಾವಣಾ ಕಣದಲ್ಲಿದ್ದಾರೆ.

Feb 08, 2020, 7:04 pm IST

ಹೆಚ್ಚು ವಿಶ್ವಾಸಾರ್ಹ ಸಮೀಕ್ಷಾ ಸಂಸ್ಥೆ ಸಿ-ವೋಟರ್ ಚುನಾವಣೋತ್ತರ ಸಮೀಕ್ಷೆ ಪ್ರಕಾರ, ಎಎಪಿ ಯು 49-63 ಸ್ಥಾನಗಳಲ್ಲಿ ಗೆಲುವು ಸಾಧಿಸಲಿದೆ. ಬಿಜೆಪಿಯು 5-19 ಸ್ಥಾನಗಳಲ್ಲಿ ಗೆಲುವು ಸಾಧಿಸಲಿದೆ. ಕಾಂಗ್ರೆಸ್ ನಾಲ್ಕು ಸ್ಥಾನಗಳಲ್ಲಿ ಗೆಲ್ಲಬಹುದು ಎನ್ನಲಾಗಿದೆ.

Feb 08, 2020, 6:42 pm IST

ನ್ಯೂಸ್ ಎಕ್ಸ್‌-ಪೋಲ್‌ಸ್ಟಾರ್ ಸಮೀಕ್ಷೆ ಪ್ರಕಾರ ಎಎಪಿಯು 52-56 ಸ್ಥಾನಗಳಲ್ಲಿ ಗೆಲುವು ಸಾಧಿಸಲಿದೆ. ಬಿಜೆಪಿಯು 10-14 ಸ್ಥಾನಗಳಲ್ಲಿ ಗೆಲುವು ಸಾಧಿಸಲಿದೆ. ಕಾಂಗ್ರೆಸ್‌ 0-2 ಸ್ಥಾನಗಳಲ್ಲಿ ಗೆಲುವು ಸಾಧಿಸಲಿದೆ.

Feb 08, 2020, 6:38 pm IST

ಇಂಡಿಯಾ ನ್ಯೂಸ್ ನೇಷನ್ ಸಮೀಕ್ಷೆ ಪ್ರಕಾರ ಎಎಪಿ ಯು 55 ಸ್ಥಾನಗಳಲ್ಲಿ ಗೆಲುವು ಸಾಧಿಸಲಿದೆ. ಬಿಜೆಪಿಯು 14 ಸ್ಥಾನಗಳಲ್ಲಿ ಗೆಲುವು ಸಾಧಿಸಲಿದೆ. ಕಾಂಗ್ರೆಸ್ ಒಂದು ಸ್ಥಾನಗಳಲ್ಲಿ ಗೆಲುವು ಸಾಧಿಸಲಿದೆ. ಇತರೆ ಸೊನ್ನೆ.

Feb 08, 2020, 6:36 pm IST

ಜನ್‌-ಕೀ-ಬಾತ್ ಮತ್ತು ರಿಪಬ್ಲಿಕ್ ಟಿವಿ ಚುನಾವಣೋತ್ತರ ಸಮೀಕ್ಷೆ ಪ್ರಕಾರ ಎಎಪಿ ಭಾರಿ ಬಹುಮತ ಗಳಿಸಲಿದೆ. ಎಎಪಿಯು 41-61 ಸ್ಥಾನಗಳಲ್ಲಿ ಗೆಲುವು ಸಾಧಿಸಲಿದೆ. ಬಿಜೆಪಿಯು 9-21 ಸ್ಥಾನಗಳಲ್ಲಿ ಗೆಲುವು ಸಾಧಿಸಲಿದೆ. ಕಾಂಗ್ರೆಸ್‌ ಸೊನ್ನೆ ಅಥವಾ ಒಂದು ಸ್ಥಾನಗಳಲ್ಲಿ ಗೆಲವು ಸಾಧಿಸಲಿದೆ.

Feb 08, 2020, 6:33 pm IST

ಟೈಮ್ಸ್‌ ನೌ-ಐಪಿಎಸ್‌ಓಎಸ್ ಸಮೀಕ್ಷೆ ಪ್ರಕಾರ ದೆಹಲಿಯಲ್ಲಿ ಎಎಪಿಯು ಮತ್ತೆ ಅಧಿಕಾರ ಹಿಡಿಯಲಿದೆ. ಸಮೀಕ್ಷೆ ಪ್ರಕಾರ ಎಎಪಿಯು 44 ಸ್ಥಾನಗಳಲ್ಲಿ ಗೆಲುವು ಸಾಧಿಸುತ್ತಿದ್ದರೆ. ಬಿಜೆಪಿಯು 26 ಸ್ಥಾನಗಳಲ್ಲಿ ಗೆಲುವು ಸಾಧಿಸಲಿದೆ. ಕಾಂಗ್ರೆಸ್ ಪಕ್ಷವು ಒಂದೂ ಸ್ಥಾನದಲ್ಲಿ ಗೆಲ್ಲುತ್ತಿಲ್ಲ.

Feb 08, 2020, 6:24 pm IST

ದೆಹಲಿಯ 70 ವಿಧಾನಸಭಾ ಕ್ಷೇತ್ರಗಳಿಗೆ ಮತದಾನ ಅಂತ್ಯವಾಗಿದ್ದು, ಕೆಲವೇ ಕ್ಷಣಗಳಲ್ಲಿ ಚುನಾವಣೋತ್ತರ ಫಲಿತಾಂಶ ಪ್ರಕಟವಾಗಲಿದೆ.

Feb 08, 2020, 6:19 pm IST

ಮತದಾನ ಅಂತ್ಯ ಸಮಯ 6 ಗಂಟೆಗೆ 54.65% ರಷ್ಟು ಮತದಾನ ನಡೆದಿದೆ. ಇದು ಕಳೆದ ವಿಧಾನಸಭೆ ಚುನಾವಣೆಯಲ್ಲಿ ಆಗಿದ್ದ ಮತದಾನಕ್ಕಿಂತಲೂ 12% ಕಡಿಮೆ. 2015 ರಲ್ಲಿ ನಡೆದಿದ್ದ ವಿಧಾನಸಭೆ ಚುನಾವಣೆಯಲ್ಲಿ 67% ಮತದಾನವಾಗಿತ್ತು.

Feb 08, 2020, 6:18 pm IST

ದೆಹಲಿ ಚುನಾವಣೆ ಮತದಾನವು ಅಂತ್ಯವಾಗಿದ್ದು, ಚುನಾವಣೋತ್ತರ ಸಮೀಕ್ಷೆ ಫಲಿತಾಂಶ ಕೆಲವೇ ಕ್ಷಣದಲ್ಲಿ ಪ್ರಕಟವಾಗಲಿದೆ.

Feb 08, 2020, 6:04 pm IST

ದೆಹಲಿ ವಿಧಾನಸಭೆ ಚುನಾವಣೆಗೆ ಮತದಾನ ಸಮಯ ಮುಕ್ತಾಯವಾಗಿದೆ. ಮತದಾನಕ್ಕಾಗಿ ಸಾಲಿನಲ್ಲಿ ನಿಂತಿದ್ದ ಮತದಾರರಿಗೆ ಮಾತ್ರವೇ ಮತದಾನಕ್ಕೆ ಅವಕಾಶ ಮಾಡಿಕೊಡಲಾಗಿದೆ.

Feb 08, 2020, 5:56 pm IST

ದೆಹಲಿ ಚುನಾವಣೆ ಮತದಾನ ಮುಗಿಯಲು ಕೆಲವೇ ನಿಮಿಷಗಳು ಬಾಕಿ ಇದ್ದು, ಕೊನೆಯ ಒಂದು ಗಂಟೆಯಲ್ಲಿ ಮತದಾನ ಬಿರುಸು ಪಡೆದುಕೊಂಡಿದೆ.

Feb 08, 2020, 5:08 pm IST

ಕೇಂದ್ರ ಸಚಿವ ಗಿರಿರಾಜ್ ಸಿಂಗ್ ಚುನಾವಣೆಯಲ್ಲಿ ಹಣ ಹಂಚಿದ್ದಾರೆ ಎಂಬ ಆರೋಪದ ಬಗ್ಗೆ ಪ್ರತಿಕ್ರಿಯಿಸಿರುವ ಗಿರಿರಾಜ್ ಸಿಂಗ್, 'ನಾನು ಅಂಗಡಿಗೆ ಹೋಗಿ ಕೆಲವು ವಸ್ತುಗಳನ್ನು ತೆಗೆದುಕೊಂಡು ಹಣ ಕೊಟ್ಟೆ, ಆ ಅಂಗಡಿಯವನು ನನಗೆ ಪರಿಚನೇ ಆಗಿದ್ದ' ಎಂದು ಹೇಳಿದ್ದಾರೆ.

Feb 08, 2020, 4:25 pm IST

4 ಗಂಟೆ ವೇಳೆಗೆ ದೆಹಲಿ ಚುನಾವಣೆಗೆ 42.70% ಮತದಾನವಾಗಿದೆ. ಆರು ಗಂಟೆಗೆ ಮತದಾನ ಮುಕ್ತಾಯವಾಗಲಿದೆ.

Feb 08, 2020, 3:15 pm IST

3 ಗಂಟೆಯ ವೇಳೆಗೆ ಶೇ 30.11ರಷ್ಟು ಮತದಾನ ವರದಿಯಾಗಿದೆ.

Feb 08, 2020, 3:01 pm IST

ಮಾಜಿ ರಾಷ್ಟ್ರಪತಿ ಪ್ರಣವ್ ಮುಖರ್ಜಿ ಅವರು ನವದೆಹಲಿ ಕ್ಷೇತ್ರದ ಕಾಮರಾಜ್ ಲೇನ್‌ನಲ್ಲಿ ಮತ ಚಲಾಯಿಸಿದರು.

Former President Pranab Mukherjee cast his vote at a polling station at Kamraj lane in New Delhi Constituency. #DelhiElections pic.twitter.com/l1kO0yDmq7
— ANI (@ANI) February 8, 2020

Feb 08, 2020, 3:00 pm IST

ಪ್ರತಿ ಅಭ್ಯರ್ಥಿಯೂ ಮತಗಟ್ಟೆಗೆ ಭೇಟಿ ನೀಡಿ ಚುನಾವಣಾಧಿಕಾರಿಗಳನ್ನು ಭೇಟಿ ಮಾಡಲು ಅವಕಾಶ ನೀಡಲಾಗಿದೆ. ನಾನು ಮತಗಟ್ಟೆಯಿಂದ ಹೊರಬರುವಾಗ ಎಎಪಿ ಅಭ್ಯರ್ಥಿಯ ಅಭ್ಯರ್ಥಿ ಮಗ ತಮ್ಮನ್ನು ಮತಗಟ್ಟೆ ಒಳಗೆ ಬಿಡುವಂತೆ ಪೊಲೀಸರ ಬಳಿ ವಾದಿಸುತ್ತಿದ್ದದ್ದನ್ನು ನೋಡಿದೆ. ಎಎಪಿ ಕಾರ್ಯಕರ್ತ ಹರ್ಮಿಶ್ ನನ್ನನ್ನು ನಿಂದಿಸಿದರು. ನಾನು ಅವರನ್ನು ಕಳೆದ ಹಲವು ವರ್ಷಗಳಿಂದ ಬಲ್ಲೆ. ಕಳೆದ ವರ್ಷ ಪೊಲೀಸರು ಅವರನ್ನು ಠಾಣೆಗೆ ಕರೆದೊಯ್ದಿದ್ದರು- ಅಲ್ಕಾ ಲಂಬಾ

Feb 08, 2020, 2:58 pm IST

2.30ರ ವೇಳೆಗೆ ಶೇ 28.78ರಷ್ಟು ಮತದಾನವಾಗಿದೆ.

Feb 08, 2020, 2:43 pm IST

ಮಧ್ಯಾಹ್ನ 2 ಗಂಟೆಗೆ ವರದಿಯಾದಂತೆ ಚುನಾವಣೆಯಲ್ಲಿ ಶೇ 28.14ರಷ್ಟು ಮತದಾನ ನಡೆದಿದೆ ಎಂದು ಚುನಾವಣಾ ಆಯೋಗ ತಿಳಿಸಿದೆ.

Feb 08, 2020, 2:41 pm IST

ಈಗಿನ ಬಾಂಗ್ಲಾದೇಶದಲ್ಲಿ ಜನಿಸಿದ್ದ 111 ವರ್ಷದ ಕಲಿತಾರಾ ಮಂಡಲ್ ದೆಹಲಿ ವಿಧಾನಸಭೆ ಚುನಾವಣೆಯಲ್ಲಿ ಮತದಾನ ಮಾಡುವ ಮೂಲಕ ರಾಜಧಾನಿಯಲ್ಲಿನ ಅತ್ಯಂತ ಹಿರಿಯ ಮತದಾರರೆನಿಸಿಕೊಂಡಿದ್ದಾರೆ.

The oldest voter of Delhi, 110-yrs-old Kalitara Mandal, casts her vote for #DelhiElections2020. Big salute to this great woman for being a responsible and dutiful citizen. Age is not at all an obstacle to fulfill your democratic duty. pic.twitter.com/tM31jWP3JU
— DrMuthamizh Vendan Murugavel (@drmvmprofessor) February 8, 2020

Feb 08, 2020, 1:33 pm IST

ಮಧ್ಯಾಹ್ನ 1 ಗಂಟೆ ವೇಳೆಗೆ ದೆಹಲಿ ವಿಧಾನಸಭೆ ಚುನಾವಣೆಗೆ 19.37% ಮತದಾನ ದಾಖಲಾಗಿದೆ. ಮತದಾನವು 6 ಗಂಟೆಗೆ ಮುಕ್ತಾಯವಾಗಲಿದೆ.

Feb 08, 2020, 12:55 pm IST

ಕೇಜ್ರಿವಾಲ್ ಹನುಮ ದೇವರಿಗೆ ಅವಮಾನ ಮಾಡಿದ್ದಾರೆ, ದೇವರನ್ನು ಅಶುದ್ಧಗೊಳಿಸಿದ್ದಾರೆ ಎಂದು ದೆಹಲಿ ಬಿಜೆಪಿ ಅಧ್ಯಕ್ಷ ಮನೋಜ್ ತಿವಾರಿ ಆರೋಪಿಸಿದ್ದಾರೆ. 'ಕೇಜ್ರಿವಾಲ್ ಚಪ್ಪಲಿ ಮುಟ್ಟಿದ ಕೈಗಳಲ್ಲೇ ದೇವರಿಗೆ ಹಾರ ಹಾಕಿದ್ದಾರೆ' ಎಂದು ತಿವಾರಿ ಹೇಳಿದ್ದಾರೆ. ಈ ಕುರಿತು ವಿಡಿಯೋವನ್ನೂ ಅವರು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.

Feb 08, 2020, 12:26 pm IST

ಮಧ್ಯಾಹ್ನ 12 ವೇಳೆಗೆ ದೆಹಲಿ ಚುನಾವಣೆಯಲ್ಲಿ 15.68% ಮತದಾನವಾಗಿದೆ. ಸಂಜೆ 6 ಕ್ಕೆ ಮತದಾನ ಅಂತ್ಯವಾಗಲಿದೆ.

Feb 08, 2020, 12:19 pm IST

ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಮತ್ತು ಪುತ್ರಿ ಪ್ರಿಯಾಂಕಾ ಗಾಂಧಿ ಅವರು ದೆಹಲಿ ವಿಧಾನಸಭಾ ಚುನಾವಣೆಗೆ ಮತ ಚಲಾವಣೆ ಮಾಡಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಪ್ರಿಯಾಂಕಾ, 'ಪ್ರತಿಯೊಬ್ಬರು ಮತದಾನ ಮಾಡಿ' ಎಂದು ಕರೆ ನೀಡಿದರು.

Feb 08, 2020, 12:17 pm IST

ಬಿಜೆಪಿ ಹಿರಿಯ ನಾಯಕ ಎಲ್‌.ಕೆ.ಅಡ್ವಾಣಿ ಮತ್ತು ಪುತ್ರಿ ಪ್ರತಿಭಾ ಅಡ್ವಾಣಿ ಅವರು ದೆಹಲಿ ವಿಧಾನಸಭೆ ಚುನಾವಣೆಯಲ್ಲಿ ಮತ ಚಲಾವಣೆ ಮಾಡಿದರು.

Feb 08, 2020, 12:16 pm IST

ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ದೆಹಲಿ ಚುನಾವಣೆಗೆ ಮತ ಚಲಾಯಿಸಿದರು.

Feb 08, 2020, 11:43 am IST

ದೆಹಲಿ ಚುನಾವಣೆ: ದೆಹಲಿಯ ಮಂಜುಲಾ ಟೇಲಾ ಬಳಿ ಕಾಂಗ್ರೆಸ್ ಮತ್ತು ಎಎಪಿ ಕಾರ್ಯಕರ್ತರ ನಡುವೆ ಗಲಾಟೆ ನಡೆದಿದೆ. ಕಾಂಗ್ರೆಸ್ ಅಭ್ಯರ್ಥಿ ಅಲ್ಕಾ ಲಂಬಾ ಎಎಪಿಯ ಕಾರ್ಯಕರ್ತ ಒಬ್ಬರಿಗೆ ಕಪಾಳಕ್ಕೆ ಹೊಡೆಯಲು ಯತ್ನಿಸಿದ್ದಾರೆ. ಎಎಪಿ ಕಾರ್ಯಕರ್ತರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಘಟನೆ ಬಗ್ಗೆ ದೂರು ನೀಡುವುದಾಗಿ ಪೊಲೀಸರು ಹೇಳಿದ್ದಾರೆ.

Feb 08, 2020, 10:51 am IST

ದೆಹಲಿ ವಿಧಾನಸಭಾ ಚುನಾವಣೆ: ಬೆಳಿಗ್ಗೆ 10 ಗಂಟೆ ವೇಳೆಗೆ 4.46% ಶೇಕಡಾ ಮತದಾನವಾಗಿದೆ.

Feb 08, 2020, 10:48 am IST

ಬದರ್‌ಪುರ ಶಾಲೆಯಲ್ಲಿ ನಿರ್ಮಿಸಲಾಗಿದ್ದ ಬೂತ್‌ನ ಚುನಾವಣಾ ಅಧಿಕಾರಿ ಉದ್ದಮ್ ಸಿಂಗ್ ಎಂಬುವರು ಕರ್ತವ್ಯ ನಿರ್ವಹಿಸುತ್ತಿರುವ ವೇಳೆಯೇ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾರೆ.

Feb 08, 2020, 10:43 am IST

ದೆಹಲಿ ಸಿಎಂ ಅರವಿಂದ ಕೇಜ್ರಿವಾಲ್ ಅವರು ತಾಯಿ-ತಂದೆ, ಪತ್ನಿ, ಮಗನ ಜೊತೆಗೆ ಆಗಮಿಸಿ ಮತದಾನ ಮಾಡಿದರು. ಮತದಾನಕ್ಕೂ ಮುನ್ನಾ ತಂದೆ-ತಾಯಿಯಿಂದ ಅವರು ಆಶೀರ್ವಾದ ಪಡೆದರು.

Feb 08, 2020, 10:34 am IST

ರಾಷ್ಟ್ರಪತಿ ರಮಾನಾಥ ಕೋವಿಂದ್ ಮತ್ತು ಪತ್ನಿ ಸವಿತಾ ಕೋವಿಂದ್ ಅವರು ದೆಹಲಿಯ ರಾಜೇಂದ್ರ ಪ್ರಸಾದ್ ಕೇಂದ್ರಿಯ ವಿದ್ಯಾಲಯದಲ್ಲಿ ಮತ ಚಲಾವಣೆ ಮಾಡಿದರು.

Feb 08, 2020, 9:26 am IST

ಕೆಲವು ಕಡೆಗಳಲ್ಲಿ ಮತಯಂತ್ರಗಳು ಸರಿಯಾಗಿ ಕಾರ್ಯನಿರ್ವಹಿಸುತ್ತಿಲ್ಲ. ಯಮುನಾ ವಿಹಾರ್‌ ಸಿ10 ಬ್ಲಾಕ್, ಸರ್ದಾರ್ ಪಟೇಲ್ ವಿದ್ಯಾಭವನ ಬೂತ್ ಸಂಖ್ಯೆ 114 ರಲ್ಲೂ ಇವಿಎಂ ಸರಿಯಾಗಿ ಕಾರ್ಯನಿರ್ವಹಿಸುತ್ತಿಲ್ಲ. ಚುನಾವಣಾ ಆಯೋಗದ ತಾಂತ್ರಿಕ ಸಿಬ್ಬಂದಿ ಪರಿಶೀಲನೆ ನಡೆಸುತ್ತಿದ್ದಾರೆ.

1:08 AM, 8 Feb

ದೆಹಲಿ ಚುನಾವಣೆಯು ಎಎಪಿ-ಬಿಜೆಪಿ-ಕಾಂಗ್ರೆಸ್ ಮೂರೂ ಪಕ್ಷಕ್ಕೆ ಪ್ರತಿಷ್ಠೆಯ ವಿಷಯವಾಗಿದೆ. ಬಿಜೆಪಿಯು 200 ಕ್ಕೂ ಹೆಚ್ಚು ಸಂಸದರನ್ನು ದೆಹಲಿ ಚುನಾವಣೆ ಪ್ರಚಾರಕ್ಕೆ ಬಳಸಿಕೊಂಡಿತ್ತು.

1:08 AM, 8 Feb

ಈ ಬಾರಿ ಎಎಪಿ ಮತ್ತು ಬಿಜೆಪಿ ನಡುವೆ ಪ್ರಖರ ಪೈಪೋಟಿ ಏರ್ಪಟ್ಟಿದೆ. ಕಾಂಗ್ರೆಸ್‌ ಪಕ್ಷ ಸಹ ಪ್ರಯತ್ನ ನಡೆಸುತ್ತಿದೆಯಾದರೂ ಕಾಂಗ್ರೆಸ್‌ ಗೆ ಹೆಚ್ಚಿನ ನಿರೀಕ್ಷೆಗಳಿದ್ದಂತಿಲ್ಲ. ಫೆಬ್ರವರಿ 11 ರಂದು ಚುನಾವಣೆ ಫಲಿತಾಂಶ ಹೊರಬೀಳಲಿದೆ.

1:09 AM, 8 Feb

2015 ರಲ್ಲಿ ನಡೆದಿದ್ದ ದೆಹಲಿ ವಿಧಾನಸಭೆ ಚುನಾವಣೆಯಲ್ಲಿ 67 ಸ್ಥಾನ ಪಡೆದ ಎಎಪಿ ಪಕ್ಷವು ಭಾರಿ ಅಂತರದಿಂದ ಗೆದ್ದು ರಾಷ್ಟ್ರ ಚುನಾವಣಾ ಇತಿಹಾಸದಲ್ಲೇ ದಾಖಲೆ ನಿರ್ಮಿಸಿತ್ತು. ಆಡಳಿತದಲ್ಲಿದ್ದ ಕಾಂಗ್ರೆಸ್ ಪಕ್ಷ ಹೀನಾಯ ಸೋಲು ಕಂಡಿತು. ಬಿಜೆಪಿ ಮೂರು ಸ್ಥಾನದಲ್ಲಷ್ಟೆ ಗೆಲುವು ಸಾಧಿಸಿತ್ತು.

1:10 AM, 8 Feb

ದೆಹಲಿಯಲ್ಲಿ 1.47 ಕೋಟಿ ಮತದಾರರಿದ್ದು, ಮತದಾನಕ್ಕೆ 750 ಬೂತ್ ನಿರ್ಮಿಸಲಾಗಿದೆ. ಮತದಾರರಿಗೆ ತಮ್ಮ ಮತಗಟ್ಟೆಯನ್ನು ಗುರುತಿಸಿಕೊಳ್ಳಲು ಆನ್‌ಲೈನ್ ವ್ಯವಸ್ಥೆ ಸೇರಿದಂತೆ ಹಲವು ಸುಲಭ ವ್ಯವಸ್ಥೆಗಳನ್ನು ಚುನಾವಣಾ ಆಯೋಗ ಮಾಡಿದೆ.

7:36 AM, 8 Feb

ದೆಹಲಿ ವಿಧಾನಸಭೆ ಚುನಾವಣೆ ಮತದಾನ ಆರಂಭಕ್ಕೆ ಕ್ಷಣಗಣನೆ ಪ್ರಾರಂಭವಾಗಿದೆ. ಬೆಳಿಗ್ಗೆ 8 ಗಂಟೆಗೆ ಮತದಾನ ಆರಂಭವಾಗಲಿದೆ. ಸಂಜೆ 6 ಗಂಟೆಗೆ ಮತದಾನ ಅಂತ್ಯವಾಗಲಿದೆ.

7:54 AM, 8 Feb

ದೆಹಲಿ ಚುನಾವಣೆ ಮತದಾನಕ್ಕೆ ಸಿದ್ಧತೆ ಪೂರ್ಣಗೊಂಡಿದ್ದು, ಮತಗಟ್ಟೆಗಳು ತಯಾರಾಗಿವೆ. ಕೆಲವೆಡೆ ಅಂತಿಮ ಹಂತದ ತಯಾರಿಗಳು ನಡೆಯುತ್ತಿವೆ. ಚಿತ್ರದಲ್ಲಿರುವುದು ನವದೆಹಲಿ ಕ್ಷೇತ್ರದ ಮತಗಟ್ಟೆ ಚಿತ್ರ. ನವದೆಹಲಿ ಕ್ಷೇತ್ರದಿಂದ ಸಿಎಂ ಅರವಿಂದ ಕೇಜ್ರಿವಾಲ್ ಚುನಾವಣೆಗೆ ಸ್ಪರ್ಧಿಸಿದ್ದಾರೆ.

8:00 AM, 8 Feb

ದೆಹಲಿ ಚುನಾವಣೆಗೆ ಮತದಾನ ಆರಂಭವಾಗಿದೆ. ಕೆಲವು ಬೂತ್‌ಗಳಲ್ಲಿ ಜನರು ಸಮಯಕ್ಕೂ ಮುನ್ನವೇ ಬಂದು ಮತದಾನಕ್ಕಾಗಿ ಕಾಯುತ್ತಿದ್ದಾರೆ. ಕೆಲವು ಬೂತ್‌ಗಳಲ್ಲಿ ಜನರ ಆಗಮನ ಇನ್ನಷ್ಟೆ ಪ್ರಾರಂಭವಾಗಬೇಕಿದೆ.

8:09 AM, 8 Feb

110 ವರ್ಷ ವಯಸ್ಸಿನ ಕಲಿತಾರಾ ಮಂಡಲ್ ಅವರು ದೆಹಲಿಯ ಅತ್ಯಂತ ಹಿರಿಯ ಮತದಾರರಾಗಿದ್ದಾರೆ. ಅವರು ಇಂದು ಮತದಾನ ಮಾಡುವವರಿದ್ದಾರೆ. 'ನನಗೆ ಮತದಾನ ಚೀಟಿ ದೊರೆತಂದಿನಿಂದಲೂ ನಾನು ಮತಚಲಾಯಿಸುತ್ತಿದ್ದೇನೆ, ಮತ ಚಲಾಯಿಸುವಾಗ ಹೆಮ್ಮೆ ಎನಿಸುತ್ತದೆ, ಎಲ್ಲರೂ ಮತ ಚಲಾಯಿಸಿ' ಎಂದು ಕಲಿತಾರಾ ಮಂಡಲ್ ಹೇಳಿದ್ದಾರೆ.

8:14 AM, 8 Feb

ಕೇಂದ್ರ ವಿದೇಶಾಂಗ ಮಂತ್ರಿ ಜಯಶಂಕರ್ ಅವರು ದೆಹಲಿ ವಿಧಾನಸಭೆ ಚುನಾವಣೆಯಲ್ಲಿ ಮತ ಚಲಾಯಿಸಿ ಫೋಟೊಕ್ಕೆ ಫೋಸು ನೀಡಿದರು. 'ಮತದಾನ ಪ್ರತಿಯೊಬ್ಬ ನಾಗರಿಕನ ಮೂಲಭೂತ ಕರ್ತವ್ಯ, ಪ್ರಜಾಪ್ರಭುತ್ವಕ್ಕೆ ನೀಡುವ ಕಾಣ್ಕೆ' ಎಂದು ಅವರು ಹೇಳಿದರು.

8:25 AM, 8 Feb

ದೆಹಲಿ ಚುನಾವಣೆಗೆ ಮತ ಚಲಾಯಿಸಲು ಮತದಾರರು ಬೂತ್‌ಗಳ ಮುಂದೆ ಸಾಲುಗಟ್ಟಿ ನಿಂತಿದ್ದಾರೆ. ಪ್ರತಿಭಟನೆ ನಡೆಯುತ್ತಿರುವ ಶಾಹೀನ್ ಬಾಗ್ ಪ್ರದೇಶದಲ್ಲಿ ದೊಡ್ಡ ಸಾಲಿನಲ್ಲಿ ಜನರು ಮತದಾನ ಮಾಡಲು ಬಂದಿದ್ದಾರೆ.

9:26 AM, 8 Feb

10:34 AM, 8 Feb

10:43 AM, 8 Feb

10:48 AM, 8 Feb

10:51 AM, 8 Feb

ದೆಹಲಿ ವಿಧಾನಸಭಾ ಚುನಾವಣೆ: ಬೆಳಿಗ್ಗೆ 10 ಗಂಟೆ ವೇಳೆಗೆ 4.46% ಶೇಕಡಾ ಮತದಾನವಾಗಿದೆ.

11:43 AM, 8 Feb

12:16 PM, 8 Feb

ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ದೆಹಲಿ ಚುನಾವಣೆಗೆ ಮತ ಚಲಾಯಿಸಿದರು.

12:17 PM, 8 Feb

12:19 PM, 8 Feb

12:26 PM, 8 Feb

12:55 PM, 8 Feb

1:33 PM, 8 Feb

2:41 PM, 8 Feb

The oldest voter of Delhi, 110-yrs-old Kalitara Mandal, casts her vote for #DelhiElections2020. Big salute to this great woman for being a responsible and dutiful citizen. Age is not at all an obstacle to fulfill your democratic duty. pic.twitter.com/tM31jWP3JU
— DrMuthamizh Vendan Murugavel (@drmvmprofessor) February 8, 2020

2:43 PM, 8 Feb

2:58 PM, 8 Feb

2.30ರ ವೇಳೆಗೆ ಶೇ 28.78ರಷ್ಟು ಮತದಾನವಾಗಿದೆ.

3:00 PM, 8 Feb

3:01 PM, 8 Feb

Former President Pranab Mukherjee cast his vote at a polling station at Kamraj lane in New Delhi Constituency. #DelhiElections pic.twitter.com/l1kO0yDmq7
— ANI (@ANI) February 8, 2020

3:15 PM, 8 Feb

3 ಗಂಟೆಯ ವೇಳೆಗೆ ಶೇ 30.11ರಷ್ಟು ಮತದಾನ ವರದಿಯಾಗಿದೆ.

4:25 PM, 8 Feb