ಮುಸ್ಲಿಂ ಪಾರ್ಟಿ ಹೇಳಿಕೆಗೆ ರಾಹುಲ್ ಮೌನವೇಕೆ? ಬಿಜೆಪಿ ಟೀಕೆ!

ನವದೆಹಲಿ, ಜುಲೈ 16: "ಕಾಂಗ್ರೆಸ್ ಒಂದು ಮುಸ್ಲಿಂ ಪಕ್ಷ ಎಂಬ ತಮ್ಮ ಹೇಳಿಕೆ ಬಗ್ಗೆ ರಾಹುಲ್ ಗಾಂಧಿ ಅವರು ಇದೀಗ ಮೌನವಾಗಿರುವುದೇಕೆ?" ಎಂದು ಬಿಜೆಪಿ ಮುಖಂಡ ರವಿ ಶಂಕರ್ ಪ್ರಸಾದ್ ಪ್ರಶ್ನಿಸಿದ್ದಾರೆ.

ರಾಹುಲ್ ಗಾಂಧಿ ಅವರ 'ಮುಸ್ಲಿಂ ಪಾರ್ಟಿ' ಹೇಳಿಕೆ ಸಂಪೂರ್ಣವಾಗಿ ವೋಟ್ ಬ್ಯಾಂಕ್ ಗೆ ಸಂಬಂಧಿಸಿದ್ದು ಎಂದು ಅವರು ಟೀಕೆ ಮಾಡಿದ್ದಾರೆ.

ಜುಲೈ 11ರಂದು ಮುಸ್ಲಿಂ ಪಂಡಿತರೊಡನೆ ಸಭೆ ನಡೆಸಿದ್ದ ರಾಹುಲ್ ಗಾಂಧಿ ಅವರು, 'ಕಾಂಗ್ರೆಸ್ ಒಂದು ಮುಸ್ಲಿಂ ಪಕ್ಷ' ಎಂಬ ಹೇಳಿಕೆ ನೀಡಿದ್ದರು ಎಂದು ಮಾಧ್ಯಮಗಳು ವರದಿ ಮಾಡಿದ್ದವು. ಆದರೆ ರಾಹುಲ್ ಗಾಂಧಿ ಈ ಹೇಳಿಕೆಯನ್ನು ನೀಡಿದ್ದು ಸತ್ಯವೇ, ಸುಳ್ಳೆ ಎಂಬ ಕುರಿತು ಸ್ವತಃ ರಾಹುಲ್ ಗಾಂಧಿ ಅವರೂ ಸ್ಪಷ್ಟನೆ ನೀಡಿಲ್ಲ.

This is absolute lies&shameful spin by the newspaper. The BJP using it to further its own agenda, yet again, exposes their desperate tactics to mislead the nation. However this will not deter us to fight for India's founding principles& its democratic values. https://t.co/EN15vL7oNa

— Priyanka Chaturvedi (@priyankac19) July 12, 2018

ಆದರೆ ಕಾಂಗ್ರೆಸ್ ವಕ್ತಾರೆ ಪ್ರಿಯಾಂಕಾ ಚತುರ್ವೇದಿ, ಈ ವರದಿಯನ್ನು ಅಲ್ಲಗಳೆದಿದ್ದು, 'ರಾಹುಲ್ ಗಾಂಧಿ ಇಂಥ ಹೇಳಿಕೆ ನೀಡಿದ್ದು ಸುಳ್ಳು ಮತ್ತು ಮಾಧ್ಯಮಗಳು ನಾಚಿಕೆಗೇಡಿನ ಕೆಲಸ ಮಾಡಿವೆ. ಬಿಜೆಪಿ ಎಂದಿನಂತೆ ಇದನ್ನು ತನ್ನ ಸ್ವಾರ್ಥಕ್ಕೆ ಬಳಸಿಕೊಳ್ಳುತ್ತಿದೆ. ಇದು ದೇಶಕ್ಕೇ ಮಾಡುವ ಅವಮಾನ. ಇದರಿಂದ ನಮ್ಮ ಘನತೆಯೇನೂ ಕಡಿಮೆಯಾಗುವುದಿಲ್ಲ. ನಾವೆಂದಿಗೂ ಭಾರತದ ಪ್ರಜಾಪ್ರಭುತ್ವ ತತ್ವಗಳನ್ನು ಉಳಿಸಲು ಹೋರಾಡುತ್ತೇವೆ' ಎಂದು ಟ್ವೀಟ್ ಮಾಡಿದ್ದಾರೆ.

English summary

Union Minister Ravi Shankar Prasad has questioned Congress president Rahul Gandhi's silence over his "Congress is a Muslim party" remark. The Congress chief has been facing flak for a statement "Yes, Congress is a Muslim party," which he reportedly made at a meeting with Muslim intellectuals and activists on July 11.