ದೆಹಲಿ: 50 ದಿನಗಳ ಬಳಿಕ ಒಂದೇ ದಿನ 2 ಸಾವಿರ ಕೊರೊನಾ ಸೋಂಕಿತರು ಪತ್ತೆ

ನವದೆಹಲಿ, ಆಗಸ್ಟ್ 31: ದೆಹಲಿಯಲ್ಲಿ 50 ದಿನಗಳ ಬಳಿಕ ಒಂದೇ ದಿನ 2 ಸಾವಿರ ಕೊರೊನಾ ಸೋಂಕಿತರು ಪತ್ತೆಯಾಗಿದ್ದಾರೆ.

ಜುಲೈ 10ರ ಬಳಿಕ ಮೊದಲ ಬಾರಿಗೆ ಇಷ್ಟೊಂದು ಪ್ರಕರಣ ದಾಖಲಾಗಿದೆ. ಅಂದು 1954 ಪ್ರಕರಣಗಳು ಪತ್ತೆಯಾಗಿವೆ. ಸೆಪ್ಟೆಂಬರ್ 7 ರಿಂದ ಮೆಟ್ರೋ ರೈಲು ಸಂಚಾರಕ್ಕೂ ಅನುಮತಿ ನೀಡಲಾಗಿದೆ.

ಕಳೆದ 24 ಗಂಟೆಯಲ್ಲಿ 2024 ಪ್ರಕರಣಗಳು ಪತ್ತೆಯಾಗಿವೆ. ದೆಹಲಿಯಲ್ಲಿ ಒಟ್ಟು 1,73,390 ಪ್ರಕರಣಗಳಿವೆ. 22 ಮಂದಿ ಸಾವನ್ನಪ್ಪಿದ್ದು, ಒಟ್ಟು 4426 ಮಂದಿ ಮೃತಪಟ್ಟಿದ್ದಾರೆ.1,54,171 ಮಂದಿ ಗುಣಮುಖರಾಗಿದ್ದಾರೆ. 14793 ಸಕ್ರಿಯ ಪ್ರಕರಣಗಳಿವೆ. 820 ಕಂಟೈನ್ಮೆಂಟ್ ಝೋನ್‌ಗಳಿವೆ.

ದೆಹಲಿ ಸರ್ಕಾರದ ಹೆಲ್ತ್ ಬುಲೆಟಿನ್ ಪ್ರಕಾರ 6881 ಆರ್‌ಟಿ-ಪಿಸಿಆರ್ ಪರೀಕ್ಷೆಗಳನ್ನು 24 ಗಂಟೆಗಳಲ್ಲಿ ಮಾಡಿದೆ. 13555 ರಾಪಿಡ್ ಆ್ಯಂಟಿಜೆನ್ ಪರೀಕ್ಷೆ ನಡೆಸಲಾಗಿದೆ.

50 ದಿನಗಳ ಕಾಲ ನಿತ್ಯ 1 ಸಾವಿರಕ್ಕಿಂತಲೂ ಕಡಿಮೆ ಕೊರೊನಾ ಸೋಂಕಿತ ಪ್ರಕರಣಗಳು ಪತ್ತೆಯಾಗುತ್ತಿದ್ದವು. ಕೊರೊನಾ ನಿಯಂತ್ರಣದಲ್ಲಿ ನಾವು ಜಯ ಸಾಧಿಸಿದ್ದೇವೆ ಎಂದು ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಹೇಳಿದ್ದರು.

ಆದರೆ ಈಗ ಮತ್ತೆ ಪ್ರಕರಣಗಳು ಹೆಚ್ಚಾಗುತ್ತಿವೆ. ಭಾರತದಲ್ಲಿ ಈಗ 35 ಲಕ್ಷ ಕೊರೊನಾ ಸೋಂಕಿತರಿದ್ದಾರೆ. ಬ್ರೆಜಿಲ್‌ಗಿಂತ ಕೇವಲ 3 ಲಕ್ಷ ಪ್ರಕರಣಗಳಿಂದ ಹಿಂದಿದ್ದೇವೆ.

English summary

More than 2,000 people have tested positive for coronavirus in Delhi over the last 24 hours, in a first since July 10. The number was hovering close to 2,000 yesterday, with 1,954 people testing positive for the highly contagious virus,