ಮಾ.31ಕ್ಕೆ ಭಾರತಕ್ಕೆ ಬರಲಿವೆ ಮೂರು ರಫೇಲ್ ಯುದ್ಧ ವಿಮಾನಗಳು
ನವದೆಹಲಿ, ಮಾರ್ಚ್ 29: ಫ್ರಾನ್ಸ್ನೊಂದಿಗಿನ ಯುದ್ಧವಿಮಾನ ಖರೀದಿ ಒಪ್ಪಂದದಂತೆ ಮಾರ್ಚ್ 31ರಂದು ಮೂರು ರಫೇಲ್ ಯುದ್ಧ ವಿಮಾನಗಳು ಭಾರತ ತಲುಪಲಿವೆ. ಈ ಯುದ್ಧ ವಿಮಾನಗಳು ಭಾರತೀಯ ವಾಯುಪಡೆಯ ಅಂಬಾಲ ವಾಯುನೆಲೆಯಲ್ಲಿರುವ "ಗೋಲ್ಡನ್ ಆರೋಸ್ ಸ್ಕ್ವಾಡ್ರನ್" ಸೇರಿಕೊಳ್ಳಲಿರುವುದಾಗಿ ತಿಳಿದುಬಂದಿದೆ.
ಡಸ್ಟಾಲ್ ಏವಿಯೇಷನ್ ಮೂಲದ ಪ್ರಕಾರ, ಮೂರು ರಫೇಲ್ ವಿಮಾನಗಳು ಫ್ರಾನ್ಸ್ನ ಬೋಡಾರ್ವ್ ವಾಯುನೆಲೆಯಿಂದ ಬುಧವಾರ ಬೆಳಿಗ್ಗೆ 7 ಗಂಟೆಗೆ ಟೇಕಾಫ್ ಆಗಲಿವೆ. ಯುನೈಟೆಡ್ ಅರಬ್ ಎಮಿರೇಟ್ಸ್ ವಾಯುಪಡೆ ಏರ್ ಬಸ್ 330 ಮಲ್ಟಿ ರೋಲ್ ಟ್ರಾನ್ಸ್ಪೋರ್ಟ್ ಟ್ಯಾಂಕರ್ಗಳು ಮಾರ್ಗ ಮಧ್ಯ ಗಲ್ಫ್ ಆಫ್ ಒಮಾನ್ ಪ್ರದೇಶದಲ್ಲಿ ರಫೇಲ್ ಜೆಟ್ ಗಳಿಗೆ ಇಂಧನ ಪೂರೈಸಲಿವೆ. ಸಂಜೆ 7 ಗಂಟೆಗೆ ಜೆಟ್ಗಳು ಗುಜರಾತ್ ತಲುಪಲಿರುವುದಾಗಿ ತಿಳಿದುಬಂದಿದೆ.
ಮುಂದಿನ ತಿಂಗಳು 9 ರಫೇಲ್ ಯುದ್ಧ ವಿಮಾನಗಳು ಭಾರತಕ್ಕೆ ಬರಲಿದ್ದು, ಅದರಲ್ಲಿ ಐದು ವಿಮಾನಗಳನ್ನು ಹಶಿಮರ ಏರ್ಬಸ್ನಲ್ಲಿ ಇಳಿಸಲಾಗುವುದು ಎನ್ನಲಾಗಿದೆ.
ಸೆಪ್ಟೆಂಬರ್ 2016 ರಲ್ಲಿ ಭಾರತ ಫ್ರಾನ್ಸ್ನೊಂದಿಗೆ 36 ರಫೇಲ್ ಫೈಟರ್ ಜೆಟ್ಗಳಿಗೆ ಸಹಿ ಹಾಕಿತ್ತು. ಈ ಒಪ್ಪಂದದ ಮೌಲ್ಯ ಸುಮಾರು 59,000 ಕೋಟಿಗಳು ಆಗಿದ್ದು, ಒಪ್ಪಂದದ ಪ್ರಕಾರ ಪ್ರತಿ ವರ್ಷ 12 ವಿಮಾನಗಳನ್ನು ಭಾರತಕ್ಕೆ ತಲುಪಿಸಬೇಕಿದೆ. ಯುದ್ಧ ವಿಮಾನ ಖರೀದಿ ಒಪ್ಪಂದಕ್ಕೆ ಭಾರತ ಸಹಿ ಹಾಕಿದ ನಾಲ್ಕು ವರ್ಷಗಳ ಬಳಿಕ, ಅಂದರೆ 2020ರ ಜುಲೈನಲ್ಲಿ ಮೊದಲ ಹಂತದ ಐದು ರಫೇಲ್ ಜೆಟ್ಗಳು ಭಾರತಕ್ಕೆ ಬಂದಿದ್ದವು.
Click it and Unblock the Notifications
Sign in with Google