407 ನೇ ದಸರಾ ಮಹೋತ್ಸವಕ್ಕೆ ಬಿಗಿ ಭದ್ರತೆ

ಮೈಸೂರು, ಸೆಪ್ಟೆಂಬರ್ 21: ವಿಶ್ವವಿಖ್ಯಾತ ದಸರಾ ಮಹೋತ್ಸವಕ್ಕೆ ಟೈಟ್ ಗರುಡಾ ಫೋರ್ಸ್ ಕಾವಲು ನಿಯೋಜಿಸಲಾಗಿದೆ. ಚಾಮುಂಡಿ ಬೆಟ್ಟದಲ್ಲಿ ಇದೀಗ ಗಸ್ತು ತಿರುಗುತ್ತಿರುವ ಈ ಪಡೆ ದಸರಾ ಮಹೋತ್ಸವದಲ್ಲಿ ಯಾವುದೇ ಉಗ್ರರ ಕರಿನೆರಳು ಬೀಳದಂತೆ, ಜೊತೆಗೆ ಯಾವುದೇ ಅಹಿತಕರ ಘಟನೆ ನಡೆಯದಂತೆ ಮುಂಜಾಗೃತಾ ಕ್ರಮವಹಿಸಿದೆ.

ಗರುಡಾ ಫೋರ್ಸ್ ತಂಡದ ಮುಖ್ಯಸ್ಥ ಮಂಜುಕುಮಾರ್ ಮತ್ತು ವೆಂಕಟೇಶ್ ನೇತೃತ್ವದಲ್ಲಿ ಕಾವಲು ಕಾಯಲಾಗುತ್ತಿದೆ. ಈ ತಂಡದಲ್ಲಿ 40ಕ್ಕೂ ಹೆಚ್ಚು ಮಂದಿಯಿದ್ದಾರೆ. ದಸರಾ ಮುಗಿಯುವವರೆಗೂ ನಗರದಲ್ಲಿ ಈ ಪಡೆ ಸರ್ಪಗಾವಲಾಗಿರಲಿದೆ. ಯಾವುದೇ ವಾಹನ ಅಥವಾ ವ್ಯಕ್ತಿಯನ್ನು ತಪಾಸಣೆಗೊಳಪಡಿಸಿ, ಪ್ರಶ್ನಿಸುವ ಅಧಿಕಾರವನ್ನು ಈ ಪಡೆ ಹೊಂದಿದ್ದು, ಯಾರೂ ಅವರ ಬಳಿ ಕ್ಯಾತೆ ತೆಗೆಯುವಂತಿಲ್ಲ.

ದಸರಾ ಭದ್ರತೆಗಾಗಿ 5056 ಪೊಲೀಸರನ್ನು ನಿಯೋಜನೆ ಮಾಡಲಾಗಿದ್ದು, ಕ್ಷಿಪ್ರ ಕಾರ್ಯಚರಣೆಗೆ 70 ಕಮಾಂಡೋ ಪಡೆ ಸಹ ನಿಯೋಜನೆಗೊಂಡಿದೆ. 60 ಕೆಎಸ್ ಆರ್ ಪಿ ಹಾಗೂ ಸಿಆರ್/ಡಿಆರ್ ತುಕಡಿಗಳು, 49 ಭದ್ರತಾ ತಪಾಸಣಾ ಪಡೆಗಳ 1600 ಹೋಂ ಗಾರ್ಡ್ಸ್ ನಿಯೋಜನೆ ಮಾಡಲಾಗಿದೆ.

English summary

Karnataka State government has arranged tight security for Mysuru Dasara to avoid unhealthy developments and terror activites during the special religious occassion.