ಮೋದಿ ಮತ್ತೊಮ್ಮೆ ಪ್ರಧಾನಿಯಾಗಲೆಂದು ಮಂಗಳೂರಿನಲ್ಲಿ ಫ್ಲಾಷ್ ಮಾಬ್
ಮಂಗಳೂರು, ಏಪ್ರಿಲ್ 12: ನರೇಂದ್ರ ಮೋದಿ ಮತ್ತೊಮ್ಮೆ ದೇಶದ ಪ್ರಧಾನಿಯಾಗಬೇಕೆಂದು ಕೇಸರಿ ಪಡೆ ಪಣ ತೊಟ್ಟಿದೆ. ಈ ಹಿನ್ನೆಲೆಯಲ್ಲಿ ಬಿಜೆಪಿ ಕಾರ್ಯಕರ್ತರು ಮಾತ್ರವಲ್ಲದೇ, ಮೋದಿ ಅಭಿಮಾನಿಗಳು ಶ್ರಮಿಸುತ್ತಿದ್ದಾರೆ. ದೇಶದಾದ್ಯಂತ ಹಲವಾರು ಕಾರ್ಯಕ್ರಮಗಳು, ಅಭಿಯಾನಗಳು ಆರಂಭವಾಗಿವೆ.
ಲೋಕಸಭಾ ಚುನಾವಣೆ 2019 : ವಿಶೇಷ ಪುಟ | ಗ್ಯಾಲರಿ
ದಕ್ಷಿಣ ಕನ್ನಡ ಜಿಲ್ಲಾ ಬಿಜೆಪಿ ಘಟಕ ಕೂಡ ಸಾಕಷ್ಟು ಕಸರತ್ತು ಮಾಡುತ್ತಿದ್ದು, ಈ ನಿಟ್ಟಿನಲ್ಲಿ ವಿಶಿಷ್ಟ ಅಭಿಯಾನಗಳನ್ನು ಆರಂಭವಾಗಿವೆ. ಬಂದರು ನಗರಿ ಮಂಗಳೂರಿನಲ್ಲೂ ಇಂತಹ ವಿಶಿಷ್ಟ ಅಭಿಯಾನವನ್ನು ಮೋದಿ ಅಭಿಮಾನಿಗಳ ಯುವಪಡೆಯೊಂದು ಮಾಡುತ್ತಿದೆ.
ಮಂಗಳೂರು ನಗರದ ಬಸ್ ನಿಲ್ದಾಣ, ಕದ್ರಿ ಪಾರ್ಕ್ ಹಾಗೂ ನಗರದ ಸಿಟಿ ಸೆಂಟರ್ ಮಾಲ್ ನಲ್ಲಿ ಫ್ಲಾಷ್ ಮಾಬ್ ನೃತ್ಯ ಆಯೋಜಿಸಲಾಗಿತ್ತು.ನಗರದ ಎಸ್ ಡಿ ಎಂ ಕಾನೂನು ಮಹಾ ವಿದ್ಯಾಲಯದ ವಿದ್ಯಾರ್ಥಿಗಳು ಈ ಫ್ಲಾಷ್ ಮಾಬ್ ಆಯೋಜಿಸಿದ್ದರು.
ನರೇಂದ್ರ ಮೋದಿ ಕುರಿತ 7 ನಿಮಿಷಗಳ ಹಾಡಿಗೆ ಫ್ಲಾಷ್ ಮಾಬ್ ತಂಡ ಹೆಜ್ಜೆ ಹಾಕಿದೆ. ಫ್ಲಾಷ್ ಮಾಬ್ ಗೆ ಜನರಿಂದ ಒಳ್ಳೆಯ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಈ ಬಗ್ಗೆ ಪ್ರತಿಕ್ರಿಯಿಸಿರುವ ತಂಡದ ನಾಯಕ ಜೀವನ್, ಮೋದಿ ಮತ್ತೆ ದೇಶದ ಪ್ರಧಾನಿಯಾಗಬೇಕೆಂಬ ನಿಟ್ಟಿನಲ್ಲಿ ಈ ಅಭಿಯಾನ ನಡೆಸುತ್ತಿದ್ದೇವೆ. ಹೋದ ಕಡೆ ಜನರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ ಎಂದು ತಿಳಿಸಿದ್ದಾರೆ.
Click it and Unblock the Notifications
Sign in with Google