ಮಂಡ್ಯ ಎಕ್ಸಿಟ್ ಪೋಲ್ ನಲ್ಲಿ ಸುಮಲತಾಗೆ ಜಯದ ಸಾಧ್ಯತೆ 50-50

ಲೋಕಸಭೆ ಚುನಾವಣೆ 2019ರಲ್ಲಿ ಇಡೀ ಭಾರತದ ಗಮನ ಸೆಳೆದಿದ್ದ ಕರ್ನಾಟಕದ ಮಂಡ್ಯ ಕ್ಷೇತ್ರದಲ್ಲಿ ಯಾರು ಗೆಲ್ಲಬಹುದು. ಬಿಜೆಪಿ ಬೆಂಬಲಿತ ಅಭ್ಯರ್ಥಿ ಸುಮಲತಾ ಅವರಿಗೆ ಗೆಲುವು ಸಾಧ್ಯವೇ? ಎಂಬ ಪ್ರಶ್ನೆಗೆ ತಕ್ಕಮಟ್ಟಿನ ಉತ್ತರ ಸಿಕ್ಕಿದೆ. ಸದ್ಯ ಈ ಸಮಯಕ್ಕೆ ಲಭ್ಯವಿರುವ ಮಾಹಿತಿಯಂತೆ ಮಂಡ್ಯದಲ್ಲಿ ಸುಮಲತಾ ಅವರ ಗೆಲುವಿನ ಸಾಧ್ಯತೆ 50-50 ಎನ್ನಬಹುದು. ಎಕ್ಸಿಟ್ ಪೋಲ್ ಗಳ ಸರಾಸರಿ ಫಲಿತಾಂಶ ತೆಗೆದುಕೊಂಡರೆ ಸುಮಲತಾ ಅವರು ಗೆಲುವಿಗೆ ಹತ್ತಿರವಾಗಿದ್ದಾರೆ ಎನಿಸಿದರೂ ಅಂತಿಮ ಫಲಿತಾಂಶಕ್ಕಾಗಿ ಕಾಯಬೇಕಾಗುತ್ತದೆ.

ಕರ್ನಾಟಕದ 28 ಲೋಕಸಭಾ ಕ್ಷೇತ್ರಗಳಿಗೆ ಏಪ್ರಿಲ್ 18 ಮತ್ತು 23ರಂದು ಎರಡು ಹಂತದಲ್ಲಿ ಚುನಾವಣೆ ನಡೆದಿತ್ತು. ಮೇ 23ರಂದು ಚುನಾವಣಾ ಫಲಿತಾಂಶ ಪ್ರಕಟವಾಗಿದೆ.

ರಾಜ್ಯದ 28 ಕ್ಷೇತ್ರಗಳ ಪೈಕಿ ಬಿಜೆಪಿ ಮಂಡ್ಯ ಹೊರತುಪಡಿಸಿ 27 ಕ್ಷೇತ್ರಗಳಲ್ಲಿ ಕಣಕ್ಕಿಳಿದಿತ್ತು. ಕಾಂಗ್ರೆಸ್-ಜೆಡಿಎಸ್ ಮೈತ್ರಿ ಮಾಡಿಕೊಂಡು ಚುನಾವಣೆ ಎದುರಿಸಿದ್ದವು. ಕಾಂಗ್ರೆಸ್ 22, ಜೆಡಿಎಸ್‌ 6 ಸ್ಥಾನಗಳಲ್ಲಿ ಕಣಕ್ಕಿಳಿದಿತ್ತು. ಮಂಡ್ಯದಲ್ಲಿ ಕಾಂಗ್ರೆಸ್ -ಜೆಡಿಎಸ್ ಮೈತ್ರಿ ಕೂಟದ ಒಮ್ಮತದ ಅಭ್ಯರ್ಥಿ ನಿಖಿಲ್ ಕುಮಾರಸ್ವಾಮಿ ಅವರಿಗೆ ಸುಮಲತಾ ಅವರು ಭಾರಿ ಪೈಪೋಟಿ ನೀಡಿರುವುದು ಕಂಡು ಬಂದಿದೆ.

ನ್ಯೂಸ್ 18-ಐಪಿಎಸ್ಒಎಸ್, ಇಂಡಿಯಾ ಟುಡೇ-ಆಕ್ಸಿಸ್, ಟೈಮ್ಸ್ ನೌ- ವಿಎಂಆರ್, ನ್ಯೂಸ್ ಎಕ್ಸ್ -ನೇತಾ, ರಿಪಬ್ಲಿಟ್ ಭಾರತ್- ಜನ್ ಕಿ ಬಾತ್, ರಿಪಬ್ಲಿಕ್ ಟಿವಿ-ಸಿ ವೋಟರ್, ಎಬಿಪಿ-ಸಿಎಸ್ ಡಿಎಸ್, ಟುಡೇಸ್ ಚಾಣಕ್ಯ, ಇಂಡಿಯಾ ಟಿವಿ-ಸಿಎನ್ ಎಕ್ಸ್, ಎಬಿಪಿ ನ್ಯೂಸ್- ನೆಲ್ಸನ್ ಮುಂತಾದ ಸಂಸ್ಥೆಗಳು ಮತದಾನೋತ್ತರ ಸಮೀಕ್ಷೆ ವರದಿ ನೀಡಿವೆ.

ಕರ್ನಾಟಕದ 28 ಕ್ಷೇತ್ರಗಳ ಎಕ್ಸಿಟ್ ಪೋಲ್ ಫಲಿತಾಂಶ ಹೀಗಿದೆ: ಒಟ್ಟು ಲಭ್ಯವಿರುವ 8 ರಿಸಲ್ಟ್ ನಲ್ಲಿ ನಾಲ್ಕರಲ್ಲಿ ಸುಮಲತಾ ಗೆಲ್ಲುವ ಸಾಧ್ಯತೆ ಸಿಕ್ಕಿದೆ. ಮಿಕ್ಕಂತೆ ಪ್ರಮುಖ ಮಾಧ್ಯಮ ಸಂಸ್ಥೆಗಳ ವರದಿಯಲ್ಲಿ ಸುಮಲತಾಗೆ ಗೆಲುವಿನ ಮುನ್ಸೂಚನೆ ಸಿಕ್ಕಿಲ್ಲ.

ನ್ಯೂಸ್ 18 -ಐಪಿಎಸ್ಒಎಸ್: ಎನ್ಡಿಎ 21-23, ಯುಪಿಎ 5-7
ರಿಪಬ್ಲಿಕ್ ಟಿವಿ ಸಿ ವೋಟರ್ : ಬಿಜೆಪಿ : 18, ಕಾಂಗ್ರೆಸ್-ಜೆಡಿಎಸ್ :9, ಇತರೆ 01(ಸುಮಲತಾ)
ಜನ್ ಕೀ ಬಾತ್ : ಬಿಜೆಪಿ 18-20, ಕಾಂಗ್ರೆಸ್-ಜೆಡಿಎಸ್ : 7-10, ಇತರೆ 0-01 (ಸುಮಲತಾ)

ಇಂಡಿಯಾ ಟಿವಿ ಸಮೀಕ್ಷೆ * ಬಿಜೆಪಿ 17 * ಕಾಂಗ್ರೆಸ್ 8 * ಜೆಡಿಎಸ್ 03 * ಇತರೆ 00

ಟೈಮ್ಸ್ ನೌ ವಿಎಂಆರ್ ಸಮೀಕ್ಷೆ * ಎನ್‌ಡಿಎ 21 * ಯುಪಿಎ 7 * ಇತರರು 0

ಮೈ ಆಕ್ಸಿಸ್ * ಎನ್‌ಡಿಎ 23 * ಯುಪಿಎ 4 * ಇತರರು 1 (ಸುಮಲತಾ)

ನ್ಯೂಸ್ ನೇಷನ್ * ಎನ್‌ಡಿಎ 18 * ಯುಪಿಎ 10 * ಇತರರು 0

ಇಂಡಿಯಾ ಟುಡೆ-ಆಕ್ಸಿಸ್ * ಬಿಜೆಪಿ 21-25 * ಕಾಂಗ್ರೆಸ್ - ಜೆಡಿಎಸ್ 03-06 * ಇತರರು 01 (ಸುಮಲತಾ)

ಚಾಣಾಕ್ಯ ಸಮೀಕ್ಷೆ ಪ್ರಕಾರ ಬಿಜೆಪಿ 23 ಮೈತ್ರಿಕೂಟ 5 ಇತರರು 00

English summary

Lok Sabha Elections 2019: Mandya Exit poll results aggregate predicts BJP backed independent candidate Sumalatha's victory 50-50 chance