ಬಾಂಬ್ ಬೆದರಿಕೆ: ಲಂಡನ್ ನಲ್ಲಿ ಲ್ಯಾಂಡ್ ಆದ ಮುಂಬೈ ಏರ್ ಇಂಡಿಯಾ ವಿಮಾನ
ಲಂಡನ್, ಜೂನ್ 27: ಮುಂಬೈಯಿಂದ ಅಮೆರಿಕದ ನೇವಾರ್ಕ್ ತೆರಳಬೇಕಿದ್ದ ಏರ್ ಇಂಡಿಯಾ ವಿಮಾನವೊಂದು ಬಾಂಬ್ ಬೆದರಿಕೆಯ ಕಾರಣ ಲಂಡನ್ನಿನಲ್ಲಿ ತುರ್ತಾಗಿ ಲ್ಯಾಂಡ್ ಆದ ಘಟನೆ ನಡೆದಿದ್ದು, ಹೆಚ್ಚಿನ ಮಾಹಿತಿ ಲಭ್ಯವಾಗಬೇಕಿದೆ.
ಆದರೆ ಈ ಕುರಿತು ಟ್ವೀಟ್ ಮಾಡಿದ್ದ ಏರ್ ಇಂಡಿಯಾ ಇದೀಗ ತನ್ನ ಟ್ವೀಟ್ ಅನ್ನು ಡಿಲೀಟ್ ಮಾಡಿದೆ. ಅದಾದ ನಂತರ ಯಾವುದೇ ಮಾಹಿತಿಯನ್ನು ಏರ್ ಇಂಡಿಯಾ ನೀಡಿಲ್ಲ.
ಉಗ್ರನ ಮಾಹಿತಿ: ರಾಮನಗರದಲ್ಲಿ ಎರಡು ಸಜೀವ ಬಾಂಬ್ ಪತ್ತೆ
ಮುಂಬೈಯಿಂದ ಹೊರಟಿದ್ದ AI 191 ವಿಮಾನ ಅಮೆರಿಕದ ನ್ಯೂಜರ್ಸಿಯ ನೇವಾರ್ಕ್ ಗೆ ತಲುಪಬೇಕಿತ್ತು. ಅಷ್ಟರಲ್ಲಿ ಬಾಂಬ್ ಬೆದರಿಕೆ ಕರೆ ಬಂದಿದ್ದರಿಂದ ವಿಮಾನ ಲಂಡನ್ನಿನ ಸ್ಟಾನ್ಸಟೆಡ್ ವಿಮಾನ ನಿಲ್ದಾಣದಲ್ಲಿಯೇ ಲ್ಯಾಂಡ್ ಆಗಿದೆ.
ಬಿಜೆಪಿ ಕೇಂದ್ರ ಕಚೇರಿಗೆ ಹುಸಿ ಬಾಂಬ್ ಕರೆ: ಮೈಸೂರಿಗನ ಕೈವಾಡ?
ವಿಮಾನದಲ್ಲಿ ಎಷ್ಟು ಮಂದಿ ಇದ್ದರು, ಕರೆ ಬಂದಿದ್ದು ಎಲ್ಲಿಂದ ಎಂಬಿತ್ಯಾದಿ ಮಾಹಿತಿ ಲಭ್ಯವಾಗಬೇಕಿದೆ.
ಇತ್ತೀಚೆಗಷ್ಟೇ ಮೈಸೂರಿನ ವ್ಯಕ್ತಿಯೊಬ್ಬ ಬಿಜೆಪಿ ಕೇಂದ್ರ ಕಚೇರಿಗೆ ಹುಸಿ ಬಾಂಬ್ ಬೆದರಿಕೆ ಒಡ್ಡಿದ್ದು ಸುದ್ದಿ. ನಂತರ ಆತ ಮಾನಸಿಕ ಅಸ್ವಸ್ಥ ಎನ್ನಲಾಗಿತ್ತು.