ವೈರಲ್ ವಿಡಿಯೋ; ಮದುವೆಯಲ್ಲಿ ಡ್ರಮ್ ಬೀಟ್ಗೆ ದೀದಿ ಸ್ಟೆಪ್...
ಕೋಲ್ಕತ್ತಾ,
ಫೆಬ್ರುವರಿ 02: ಪಶ್ಚಿಮ ಬಂಗಾಳದ ಅಲಿಪುರದೌರ್ ಜಿಲ್ಲೆಯಲ್ಲಿ ಮಂಗಳವಾರ ನಡೆದ ಸಾಮೂಹಿಕ ಮದುವೆ ಸಮಾರಂಭದಲ್ಲಿ ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ ನೃತ್ಯ ಮಾಡಿದ್ದು, ನೃತ್ಯದ ವಿಡಿಯೋ ವೈರಲ್ ಆಗಿದೆ. id="toptextpromo"> id='are-slot-1' class='oiad oi-axt oiadv'>ಮದುವೆಯಲ್ಲಿ
ಬುಡಕಟ್ಟು ನೃತ್ಯಗಾರರೊಂದಿಗೆ 66 ವರ್ಷದ ದೀದಿ ಸಂತೋಷವಾಗಿ ಡ್ರಮ್ ತಾಳಕ್ಕೆ ತಕ್ಕಂತೆ ಹೆಜ್ಜೆ ಹಾಕಿದ್ದಾರೆ. ಅವರು ನೃತ್ಯ ಮಾಡುತ್ತಿದ್ದ ದೃಶ್ಯದ 45 ಸೆಕೆಂಡುಗಳ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಮುಂದೆ ಓದಿ... id='are-slot-2' class='oiad oi-axt oiadv'>
ಸಂತಾಲಿ ನೃತ್ಯಗಾರರೊಂದಿಗೆ ಸ್ಟೆಪ್
ಮಂಗಳವಾರ ಸಾಮೂಹಿಕ ಮದುವೆ ಕಾರ್ಯಕ್ರಮಕ್ಕೆ ಬಂದಿದ್ದ ಪಶ್ಚಿಮ ಬಂಗಾಳ ಸಿಂಎ ಮಮತಾ ಬ್ಯಾನರ್ಜಿ, ಅಲ್ಲಿ ಬುಡಕಟ್ಟು ನೃತ್ಯ ಮಾಡುತ್ತಿದ್ದ ತಂಡದೊಂದಿಗೆ ಜೊತೆಯಾಗಿದ್ದಾರೆ. ಅವರ ಕೈಹಿಡಿದು ಸಂತೋಷದಿಂದ ಹೆಜ್ಜೆ ಹಾಕಿದ್ದಾರೆ. ಅವರು ನೃತ್ಯ ಮಾಡುತ್ತಿದ್ದುದನ್ನು ನೋಡಿಕೊಂಡು ಅದೇ ರೀತಿ ತಾವೂ ಹೆಜ್ಜೆ ಹಾಕಿದ್ದಾರೆ.
ಮಮತಾ ಬ್ಯಾನರ್ಜಿಗೆ ಜನರ ಚಪ್ಪಾಳೆ
ಸಾಮೂಹಿಕ ಮದುವೆ ಕಾರ್ಯಕ್ರಮಕ್ಕೆ ಹಲವು ನೃತ್ಯ ತಂಡಗಳನ್ನು ಕರೆಸಲಾಗಿತ್ತು. ನೃತ್ಯ ತಂಡದ ಜೊತೆ ಮಮತಾ ಬ್ಯಾನರ್ಜಿ ಹೆಜ್ಜೆ ಹಾಕಿದ್ದನ್ನು ಕಂಡು, ಅಲ್ಲಿ ಸೇರಿದ್ದ ನೂರಾರು ಜನರು ಖುಷಿಯಿಂದ ಚಪ್ಪಾಳೆ ತಟ್ಟಿ ಸಾಥ್ ನೀಡಿದ್ದಾರೆ. ಜನರ ಚಪ್ಪಾಳೆಯಿಂದ ಪ್ರೇರಿತರಾಗಿ ಖುಷಿಯಿಂದ ದೀದಿ ಹೆಜ್ಜೆ ಹಾಕಿದ್ದಾರೆ.
ಕಳೆದ ವರ್ಷವೂ ಹೆಜ್ಜೆ ಹಾಕಿದ್ದ ಸಿಎಂ
ಮಮತಾ ಬ್ಯಾನರ್ಜಿ ನೃತ್ಯಕ್ಕೆ ಹೆಜ್ಜೆ ಹಾಕುತ್ತಿರುವುದು ಇದೇ ಮೊದಲಲ್ಲ. ಕೋಲ್ಕತ್ತಾದಲ್ಲಿ ಈ ಹಿಂದೆ ನಡೆದಿದ್ದ ಸರ್ಕಾರಿ ಕಾರ್ಯಕ್ರಮದಲ್ಲಿಯೂ ಒಮ್ಮೆ ಹೆಜ್ಜೆ ಹಾಕಿದ್ದರು. ಬುಡಕಟ್ಟು ಸಂಗೀತಗಾರ ಬಸಂಗಿ ಹೆಂಬ್ರಾಮ್ ಜೊತೆ ಹೆಜ್ಜೆ ಹಾಕಿದ್ದರು. ಕಳೆದ ವರ್ಷವೂ ಪಶ್ಚಿಮ ಬಂಗಾಳದ ಮಾಲ್ದಾ ಜಿಲ್ಲೆಯಲ್ಲಿ ಸಾಮೂಹಿಕ ಮದುವೆ ಕಾರ್ಯಕ್ರಮದಲ್ಲಿ ಹೆಜ್ಜೆ ಹಾಕಿದ್ದನ್ನು ನೆನಪಿಸಿಕೊಳ್ಳಬಹುದು.
|
ಹಳ್ಳಿಯಲ್ಲಿ ಅಡುಗೆ ಮಾಡಿದ್ದ ವಿಡಿಯೋ ವೈರಲ್
ಈ ಹಿಂದೆಯೂ ಮಮತಾ ಬ್ಯಾನರ್ಜಿ ಹಳ್ಳಿಯೊಂದರ ಬುಡಕಟ್ಟು ಮನೆಯೊಂದರಲ್ಲಿ ಅಡುಗೆ ಮಾಡಿದ್ದ ವಿಡಿಯೋ ವೈರಲ್ ಆಗಿತ್ತು. ಆ ವಿಡಿಯೋವನ್ನು ಹಲವು ಮಂದಿ ಹಂಚಿಕೊಂಡಿದ್ದು, ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಅದಾದ ಒಂದು ತಿಂಗಳ ನಂತರ ಇಂದು, ಕಾರ್ಯಕ್ರಮದಲ್ಲಿ ನೃತ್ಯ ಮಾಡುತ್ತಿರುವ ವಿಡಿಯೋ ವೈರಲ್ ಆಗಿದೆ.
ಇದೇ ಏಪ್ರಿಲ್ ಹಾಗೂ ಮೇ ತಿಂಗಳಿನಲ್ಲಿ ಪಶ್ಚಿಮ ಬಂಗಾಳದಲ್ಲಿ ವಿಧಾನಸಭೆ ಚುನಾವಣೆ ನಡೆಯಲಿದೆ. ಈ ನಿಟ್ಟಿನಲ್ಲಿ ಚುನಾವಣಾ ಪ್ರಚಾರ ಕಾರ್ಯವೂ ಜೋರಾಗಿದೆ. ತೃಣಮೂಲ ಕಾಂಗ್ರೆಸ್, ಬಿಜೆಪಿ ನಡುವೆ ಹಣಾಹಣಿ ಇದ್ದು, ಕಾಂಗ್ರೆಸ್ ಎಡಪಕ್ಷಗಳೂ ಒಟ್ಟಾಗಿ ಕಣಕ್ಕಿಳಿಯಲು ಸಜ್ಜಾಗಿವೆ.
Click it and Unblock the Notifications
Sign in with Google