ಕೋವಿಡ್ ಲಸಿಕೆ ಪಡೆದ ಸಿಐಎಸ್ಎಫ್ ನ 150 ಸಿಬ್ಬಂದಿ
ಕಾರವಾರ, ಫೆಬ್ರವರಿ 10: ಕೈಗಾ ಕೇಂದ್ರೀಯ ಕೈಗಾರಿಕಾ ಭದ್ರತಾ ಪಡೆಯ (ಸಿಐಎಸ್ಎಫ್)ನ 150 ಸಿಬ್ಬಂದಿ ಕಾರವಾರದ ಕದ್ರಾ ಸರ್ಕಾರಿ ಆಸ್ಪತ್ರೆಯಲ್ಲಿ ಕೋವಿಡ್-19 ಲಸಿಕೆ ಪಡೆದುಕೊಂಡಿದ್ದಾರೆ.
ಕಾರವಾರದ ಕೈಗಾ ಅಣು ವಿದ್ಯುತ್ ಸ್ಥಾವರದ ಭದ್ರತೆ ವಹಿಸಿಕೊಂಡಿರುವ ಕೇಂದ್ರೀಯ ಕೈಗಾರಿಕಾ ಭದ್ರತಾ ಪಡೆಯ ಸಿಬ್ಬಂದಿ ಬುಧವಾರ ಕಮಾಂಡೆಂಟ್ ಜಿ.ಭುವನೇಶ್ ಕುಮಾರ್ ನೇತೃತ್ವದಲ್ಲಿ ಕದ್ರಾ ಸರ್ಕಾರಿ ಆಸ್ಪತ್ರೆಗೆ ತೆರಳಿ ಕೋವಿಡ್ ಲಸಿಕೆ ಪಡೆದಿದ್ದಾರೆ.
ಕದ್ರಾ ಆಸ್ಪತ್ರೆಯ ಡಾ.ಮೊಹ್ಸಿನ್ ಶೇಖ್ ಸಮ್ಮುಖದಲ್ಲಿ ಕಮಾಂಡೆಂಟ್ ಭುವನೇಶಕುಮಾರ್, ಸಹಾಯಕ ಕಮಾಂಡೆಂಟ್ ರಾಕೇಶಕುಮಾರ್, ಇನ್ಸ್ಪೆಕ್ಟರ್ ವಿಶಾಲ್ ಸಿಂಗ್, ಕೈಗಾ ಗುಪ್ತದಳ ವಿಭಾಗದ ಸಿದ್ದಾರೂಢ ಬಿ. ಮುಂತಾದವರು ಲಸಿಕೆ ಹಾಕಿಸಿಕೊಂಡಿದ್ದಾರೆ.
ಲಸಿಕೆ ಹಾಕಿಸಿಕೊಳ್ಳಲು ವೈದ್ಯರು ಸೇರಿದಂತೆ ವೈದ್ಯಕೀಯ ಸಿಬ್ಬಂದಿಗಳೇ ಹಿಂಜರಿಯುತ್ತಿರುವಾಗ ಸಿಐಎಸ್ಎಫ್ ಸಿಬ್ಬಂದಿ ಲಸಿಕೆ ಹಾಕಿಸಿಕೊಳ್ಳುವ ಮೂಲಕ ಹಲವರಿಗೆ ಪ್ರೇರಣೆ ನೀಡಿದ್ದಾರೆ.
ಇತ್ತೀಚೆಗೆ ಉತ್ತರ ಕನ್ನಡ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಶಿವಪ್ರಕಾಶ್ ದೇವರಾಜು, ಕಾರವಾರ ತಹಶೀಲ್ದಾರ ಆರ್.ವಿ.ಕಟ್ಟಿ ಮುಂತಾವದರು ಕೂಡ ಕೊರೊನಾ ಲಸಿಕೆ ಹಾಕಿಸಿಕೊಂಡಿದ್ದಾರೆ.
Click it and Unblock the Notifications
Sign in with Google