ಮೈಸೂರು ನಂಜನಗೂಡು ಚಾಮರಾಜನಗರ ರೈಲು ವೇಳಾಪಟ್ಟಿ ಪರಿಷ್ಕರಣೆ, ವಿವರ

ಮೈಸೂರು, ಅಕ್ಟೋಬರ್‌ 02: ನೈರುತ್ಯ ರೈಲ್ವೆ ಇಲಾಖೆಯೂ ಮೈಸೂರು ನಂಜನಗೂಡು ಹಾಗೂ ಚಾಮರಾಜನಗರ ನಡುವೆ ಸಂಚರಿಸುವ ರೈಲಿನ ವೇಳಾಪಟ್ಟಿಯನ್ನು ಪರಿಷ್ಕರಣೆ ಮಾಡಿದೆ. ಅದರ ವಿವರ ಇಲ್ಲಿದೆ.

ಮೈಸೂರು ನಂಜನಗೂಡು ಚಾಮರಾಜನಗರ ವಿಭಾಗದಲ್ಲಿ ಸಂಚರಿಸುವ 06233, 06300, 06299, 06234, 06275, 06276 ಮತ್ತು 06544 ಸಂಖ್ಯೆಯ ರೈಲುಗಳು ಅಕ್ಟೋಬರ್ 1, 2023 ರಿಂದ ವೇಳಾಪಟ್ಟಿ ಪರಿಷ್ಕರಣೆಗೆ ಒಳಗಾಗಲಿವೆ ಎಂದು ಇಲಾಖೆ ತಿಳಿಸಿದೆ.

ಸಮಯದ ಪರಿಷ್ಕರಣೆಯು ಭಾರತೀಯ ರೈಲ್ವೆಯ ಹೊಸ ವೇಳಾಪಟ್ಟಿಯ (TAG 2023-24) ಭಾಗವಾಗಿದೆ. ಇದು ಅಕ್ಟೋಬರ್ 1, 2023 ರಿಂದ ಜಾರಿಗೆ ಬರುತ್ತದೆ. ನೂತನ ವೇಳಾಪಟ್ಟಿಯು ಅಕ್ಟೋಬರ್ 1, 2023 ರಿಂದ ಪ್ರಾರಂಭವಾಗುವ ಪ್ರಯಾಣಗಳಿಗೆ ಜಾರಿಗೆ ಬರಲಿದೆ ಎಂದು ನೈಋತ್ಯ ರೈಲ್ವೆ (SWR) ಪ್ರಕಟಣೆಯಲ್ಲಿ ತಿಳಿಸಿದೆ. ಇದು 06233, 06300, 06299, 06234, 06275, 06276 ಮತ್ತು 06544 ಸಂಖ್ಯೆಯ ಏಳು ರೈಲುಗಳ ಪರಿಷ್ಕೃತ ವೇಳಾಪಟ್ಟಿ ಇಲ್ಲಿದೆ.

06233/06234 ಮೈಸೂರು-ಚಾಮರಾಜನಗರ ಪ್ಯಾಸೆಂಜರ್ ವಿಶೇಷ ರೈಲು

ಮೈಸೂರು-ಚಾಮರಾಜನಗರ ಪ್ಯಾಸೆಂಜರ್ ವಿಶೇಷ ರೈಲು ಸಂಖ್ಯೆ 06233 ಮೈಸೂರಿನಿಂದ 08.20 ಗಂಟೆಗೆ ಹೊರಟು 10.10 ಗಂಟೆಗೆ ಚಾಮರಾಜನಗರ ತಲುಪಲಿದೆ. ಈ ಹಿಂದೆ ರೈಲು ಮೈಸೂರಿನಿಂದ 09.15 ಗಂಟೆಗೆ ಹೊರಟು 10.55 ಗಂಟೆಗೆ ಚಾಮರಾಜನಗರ ತಲುಪುತ್ತಿತ್ತು. ಅಲ್ಲದೆ ಚಾಮರಾಜನಗರ-ಮೈಸೂರು ಪ್ಯಾಸೆಂಜರ್ ವಿಶೇಷ ರೈಲು ಸಂಖ್ಯೆ 06234 ಚಾಮರಾಜನಗರದಿಂದ 10.40 ಗಂಟೆಗೆ ಹೊರಟು 12.20 ಗಂಟೆಗೆ ಮೈಸೂರು ತಲುಪಲಿದೆ. ಈ ಹಿಂದೆ ರೈಲು ಚಾಮರಾಜನಗರದಿಂದ 5.25 ಗಂಟೆಗೆ ಹೊರಟು 7.15 ಗಂಟೆಗೆ ಮೈಸೂರು ತಲುಪುತ್ತಿತ್ತು.

ಮೈಸೂರು- ನಂಜನಗೂಡು ಪಟ್ಟಣ ವಿಶೇಷ ಎಕ್ಸ್‌ಪ್ರೆಸ್ ರೈಲು

ಮೈಸೂರು ನಂಜನಗೂಡು ಪಟ್ಟಣ ಯುಆರ್ ಎಕ್ಸ್‌ಪ್ರೆಸ್ ಸಂಖ್ಯೆ 06300 ವಿಶೇಷ ರೈಲು ಮೈಸೂರಿನಿಂದ 09.15 ಗಂಟೆಗೆ ಹೊರಟು 10.05 ಗಂಟೆಗೆ ನಂಜನಗೂಡು ಪಟ್ಟಣವನ್ನು ತಲುಪಲಿದೆ. ಈ ಹಿಂದೆ ರೈಲು ಮೈಸೂರಿನಿಂದ 09.35 ಗಂಟೆಗೆ ಹೊರಟು ನಂಜನಗೂಡು ಪಟ್ಟಣಕ್ಕೆ 10.30 ಗಂಟೆಗೆ ತಲುಪುತ್ತಿತ್ತು.

ಆ ಕಡೆಯಿಂದ ನಂಜನಗೂಡು ಟೌನ್-ಮೈಸೂರು ಯುಆರ್ ಎಕ್ಸ್‌ಪ್ರೆಸ್ ವಿಶೇಷ ರೈಲು ಸಂಖ್ಯೆ 06299 ನಂಜನಗೂಡು ಪಟ್ಟಣದಿಂದ 09.15 ಗಂಟೆಗೆ ಹೊರಟು 10.05 ಗಂಟೆಗೆ ಮೈಸೂರು ತಲುಪಲಿದೆ. ಈ ಹಿಂದೆ ರೈಲು ನಂಜನಗೂಡು ಪಟ್ಟಣದಿಂದ 09.35 ಗಂಟೆಗೆ ಹೊರಟು 10.30 ಗಂಟೆಗೆ ಮೈಸೂರು ತಲುಪುತ್ತಿತ್ತು.

06275/06276 ಚಾಮರಾಜನಗರ ಮೈಸೂರು ಯುಆರ್ ಎಕ್ಸ್‌ಪ್ರೆಸ್ ವಿಶೇಷ ರೈಲು

ಚಾಮರಾಜನಗರ ಮೈಸೂರು ಯುಆರ್ ಎಕ್ಸ್‌ಪ್ರೆಸ್ ವಿಶೇಷ ರೈಲು ಸಂಖ್ಯೆ 06275 ಚಾಮರಾಜನಗರದಿಂದ 17.25 ಗಂಟೆಗೆ ಹೊರಟು 19.15 ಗಂಟೆಗೆ ಮೈಸೂರು ತಲುಪಲಿದೆ. ಈ ಹಿಂದೆ ಚಾಮರಾಜನಗರದಿಂದ 6.35 ಗಂಟೆಗೆ ಹೊರಡುತ್ತಿದ್ದ ರೈಲು 8.25 ಗಂಟೆಗೆ ನಂಜನಗೂಡು ಪಟ್ಟಣಕ್ಕೆ ಆಗಮಿಸುತ್ತಿತ್ತು. ಆ ಕಡೆಯಿಂದ ಮೈಸೂರು ಚಾಮರಾಜನಗರ ಯುಆರ್ ಎಕ್ಸ್‌ಪ್ರೆಸ್ ವಿಶೇಷ ರೈಲು ಸಂಖ್ಯೆ 06276 ಮೈಸೂರಿನಿಂದ 12.30 ಗಂಟೆಗೆ ಹೊರಟು 2.15 ಗಂಟೆಗೆ ಚಾಮರಾಜನಗರ ತಲುಪಲಿದೆ. ಈ ಹಿಂದೆ ರೈಲು ಮೈಸೂರಿನಿಂದ 12.15 ಗಂಟೆಗೆ ಹೊರಟು ಮಧ್ಯಾಹ್ನ 2.00 ಗಂಟೆಗೆ ಚಾಮರಾಜನಗರ ತಲುಪುತ್ತಿತ್ತು.

06544 ಚಾಮರಾಜನಗರ-ಮೈಸೂರು ಯುಆರ್ ಎಕ್ಸ್‌ಪ್ರೆಸ್ ವಿಶೇಷ ರೈಲು

ಚಾಮರಾಜನಗರ- ನಂಜನಗೂಡು ಟೌನ್ ನಡುವಿನ 06544 ಚಾಮರಾಜನಗರ-ಮೈಸೂರು ಯುಆರ್ ಎಕ್ಸ್‌ಪ್ರೆಸ್ ವಿಶೇಷ ರೈಲು ಮಧ್ಯಂತರ ನಿಲ್ದಾಣಗಳ ಸಮಯವನ್ನು ಪರಿಷ್ಕರಿಸಲಾಗಿದೆ. ಬದನಗುಪ್ಪೆ ಹಾಲ್ಟ್ 9.54/9.55, ಕೊಣ್ಣನೂರು ಹಾಲ್ಟ್ 10.00/10.01, ಕವಲಂದೆ ಹಾಲ್ಟ್ 10.06/10.07, ನರಸಾಂಬುಧಿ 10.15/10.16, ಚಿನ್ನದಗುಡಿ ಹುಂಡಿ 10.20/10.21ಕ್ಕೆ ಅಂತ್ಯಗೊಳ್ಳಲಿದೆ.

English summary

The South Western Railway Department has also revised the train schedule between Mysuru Nanjangud and Chamarajanagar. Here are the details.