ಮೈಸೂರು ಬೆಂಗಳೂರು ದಸರಾ ವಿಶೇಷ ರೈಲುಗಳು, ವೇಳಾಪಟ್ಟಿ ವಿವರ

ಬೆಂಗಳೂರು, ಅಕ್ಟೋಬರ್‌ 12: ವಿಶ್ವವಿಖ್ಯಾತ ಮೈಸೂರು ದಸರಾ ಹಿನ್ನೆಲೆಯಲ್ಲಿ ನೈರುತ್ಯ ರೈಲ್ವೆಯು ವಿಶೇಷ ರೈಲುಗಳನ್ನು ಓಡಿಸಲಿದೆ. ದಸರಾ ಸಮಯದಲ್ಲಿ ಹೆಚ್ಚಿನ ಪ್ರಯಾಣಿಕರ ಸಂಚಾರ ಅನುಕೂಲಕ್ಕಾಗಿ ಮೈಸೂರು ಮತ್ತು ಬೆಂಗಳೂರು ನಡುವೆ ಎರಡು ಜೋಡಿ ವಿಶೇಷ ರೈಲುಗಳನ್ನು ಓಡಿಸಲಿದೆ.

06279/06280 ದಸರಾ ವಿಶೇಷ ರೈಲುಗಳು:

ಸಾರ್ವಜನಿಕ ಬೇಡಿಕೆಯ ಮೇರೆಗೆ ರೈಲು ಸಂಖ್ಯೆ 06279 ಮೈಸೂರು-ಕೆಎಸ್‌ಆರ್ ಬೆಂಗಳೂರು ಕಾಯ್ದಿರಿಸದ ರೈಲು 20, 21, 22, 23 ಮತ್ತು 24 ಅಕ್ಟೋಬರ್ 2023 ರಂದು 11:15 ಗಂಟೆಗೆ ಮೈಸೂರಿನಿಂದ ಹೊರಟು ಮರುದಿನ 02:30 ಗಂಟೆಗೆ ಕೆಎಸ್‌ಆರ್ ಬೆಂಗಳೂರಿಗೆ (5ಸೇವೆಗಳು) ಆಗಮಿಸುತ್ತದೆ.

ಹಿಂದಿರುಗುವ ದಿಕ್ಕಿನಲ್ಲಿ ರೈಲು ಸಂಖ್ಯೆ 06280 ಕೆಎಸ್‌ಆರ್‌ ಬೆಂಗಳೂರು-ಮೈಸೂರು ಕಾಯ್ದಿರಿಸದ ವಿಶೇಷ ರೈಲು ಕೆಎಸ್‌ಆರ್ ಬೆಂಗಳೂರಿನಿಂದ 21, 22, 23, 24 ಮತ್ತು 25ನೇ ಅಕ್ಟೋಬರ್ 2023 ರಂದು 03:00 ಗಂಟೆಗೆ ಹೊರಟು ಅದೇ ದಿನ 06:15 ಗಂಟೆಗೆ ಮೈಸೂರಿಗೆ ಆಗಮಿಸಲಿದೆ. (5 ಸೇವೆಗಳು).

ಈ ರೈಲು ಹದಿನೆಂಟು ಎರಡನೇ ತರಗತಿಯ ಡೈಲಿ ಕೋಚ್‌ಗಳು, ಒಂದು ಹವಾನಿಯಂತ್ರಿತ ಚೇರ್ ಕಾರ್ ಕೋಚ್, ಎರಡು ಗಾರ್ಡ್ ವ್ಯಾನ್-ಕಮ್-ಲಗೇಜ್ ವ್ಯಾನ್-ಕಮ್ ಸಾಮಾನ್ಯ ವಿಭಾಗವನ್ನು ಒಳಗೊಂಡಿರುವ ಕೋಚ್ ಸಂಯೋಜನೆಯನ್ನು ಹೊಂದಿರುತ್ತದೆ.

06597/06598 ಡೆಮು ದಸರಾ ವಿಶೇಷ ರೈಲುಗಳು:

ರೈಲು ಸಂಖ್ಯೆ 06587 ಕೆಎಸ್ಆರ್ ಬೆಂಗಳೂರು-ಮೈಸೂರು ಬೇಡಿಕೆಯ ಮೇರೆಗೆ ಡೆಮೊ ವಿಶೇಷ ರೈಲು 20, 21, 22, 23 ಮತ್ತು 24 ಅಕ್ಟೋಬರ್ 2023 ರಂದು 12:15 ಗಂಟೆಗೆ ಕೆಎಸ್ಆರ್ ಬೆಂಗಳೂರಿನಿಂದ ಹೊರಟು ಅದೇ ದಿನ 3:30 ಗಂಟೆಗೆ ಮೈಸೂರಿಗೆ ಆಗಮಿಸುತ್ತದೆ. (55 ಸೇವೆಗಳು).

ಹಿಂದಿರುಗುವ ದಿಕ್ಕಿನಲ್ಲಿ ರೈಲು ಸಂಖ್ಯೆ 06598 ಮೈಸೂರು-ಕೆಎಸ್ಆರ್ ಬೆಂಗಳೂರು ಬೇಡಿಕೆಯ ಮೇರೆಗೆ ಡೆಮೊ ವಿಶೇಷ ರೈಲು 20, 21, 22, 23 ಮತ್ತು 24 ಅಕ್ಟೋಬರ್ 2023 ರಂದು 3:45 ಗಂಟೆಗೆ ಮೈಸೂರಿನಿಂದ ಹೊರಟು ಅದೇ ದಿನ 7:20 ಗಂಟೆಗೆ ಕೆಎಸ್ಆರ್ ಬೆಂಗಳೂರಿಗೆ ಆಗಮಿಸುತ್ತದೆ. (5 ಸೇವೆಗಳು).

English summary

South Western Railway will run special trains on the occasion of world famous Mysuru Dasara. Two pairs of special trains will run between Mysore and Mysuru to facilitate the movement of more passengers during Dasara.