ಕರ್ನಾಟಕದಲ್ಲಿ mobile internet ಬಳಕೆದಾರರು ಕಮ್ಮಿ

ಬೆಂಗಳೂರು, ಅಕ್ಟೋಬರ್ 24: ಜಾಗತಿಕ ಮಟ್ಟದಲ್ಲಿ ಮೊಬೈಲ್ ಮತ್ತು ಇಂಟರ್ ನೆಟ್ ಶರವೇಗದಲ್ಲಿ ಸಾಗುತ್ತಿರುವಾಗ ಕರ್ನಾಟಕದಲ್ಲಿ ಮೊಬೈಲ್ ಫೋನ್ ಮೂಲಕ ಅರ್ಥಾತ್ ಸ್ಮಾರ್ಟ್ ಫೋನುಗಳ ಮೂಲಕ ಇಂಟರ್ ನೆಟ್ ಬಳಕೆ ಮಾಡುವುದು ಅತಿ ಕಡಿಮೆಮಟ್ಟದಲ್ಲಿದೆ.

Telecom Regulatory Authority of India ಟ್ರಾಯ್ ಪ್ರಕಾರ ದೇಶದಲ್ಲಿ ಒಟ್ಟು mobile internet ಬಳಕೆದಾರರ ಪೈಕಿ ಕೇವಲ ಶೇ. 9.3ರಷ್ಟು ಮಂದಿ ಮಾತ್ರ ಕರ್ನಾಟಕದಲ್ಲಿದ್ದಾರೆ. ಅದೇ ಮಹಾರಾಷ್ಟ್ರದಲ್ಲಿ mobile internet ಬಳಕೆದಾರರ ಪ್ರಮಾಣ ಶೇ. 33.67ರಷ್ಟಿದೆ. ಇನ್ನು 2ನೆಯ ಸ್ಥಾನದಲ್ಲಿ, ಜಮ್ಮು ಕಾಶ್ಮೀರದಲ್ಲಿ ಶೇ. 26.53 ರಷ್ಟು ಮಂದಿ mobile internet ಬಳಕೆದಾರರಿದ್ದಾರೆ.

ಆದರೆ ಕರ್ನಾಟಕದಲ್ಲಿ broadband ಬಳಕೆದಾರರ ಪ್ರಮಾಣ ಉತ್ತಮವಾಗಿದೆ. ಕಳೆದೊಂದು ವರ್ಷದಲ್ಲಿ smartphoneಗಳು ಮಾರುಕಟ್ಟೆಗೆ ಲಗ್ಗೆಯಿಟ್ಟಿದ್ದೇ mobile internet boomಗೆ ಸೋಪಾನವಾಗಿದೆ. ಹೊಸ (ಮಾಹಿತಿ) ತಂತ್ರಜ್ಞಾನವನ್ನು ಅಪ್ಪಿಮುದ್ದಾಡುವ ಕರ್ನಾಟಕದ ಮಂದಿ ಮುಂದೆಯಾದರೂ mobile internetಗೆ ಹೆಚ್ಚು ಪ್ರಾಶಸ್ತ್ಯ ನೀಡಲಿದ್ದಾರೆ ಎಂದು ಮೊಬೈಲ್ ಆಪರೇಟರುಗಳು ಆಶಿಸುತ್ತಾರೆ.

mobile internet ಬಳಕೆದಾರರು ಸಾಮಾನ್ಯವಾಗಿ ಯವಜನತೆ ಮತ್ತು ವೃತ್ತಿಪರರು. ಕರ್ನಾಟಕದಲ್ಲಿ ಶೇ. 20ರಷ್ಟು mobile internet ಬೆಳವಣಿಗೆಗೆ ಅವಕಾಶವಿದೆ. ಮೂರನೆ ಪೀಳಿಗೆಯ (3G) ಸೇವೆಗಳು 2G ದರದಲ್ಲಿ ಇತ್ತೀಚೆಗೆ ಲಭ್ಯವಾಗುತ್ತಿದ್ದು, smartphone ಮೂಲಕ mobile internet ಬಳಕೆದಾರರ ಸಂಖ್ಯೆ ಹೆಚ್ಚಾಗುವ ಆಶಯವಿದೆ ಎನ್ನುತ್ತಾರೆ Tata DOCOMO ಮುಖ್ಯಸ್ಥ ರೋಹಿತ್ ಟಂಡನ್.

ಬೆಂಗಳೂರು ಮತ್ತು ಮೈಸೂರು ಜನ ಹೆಚ್ಚಿನ ಪ್ರಮಾಣದಲ್ಲಿ mobile internet ಬಳಸುತ್ತಿದ್ದಾರೆ. ಆದರೆ ಇತರೆ ನಗರಗಳತ್ತಲೂ smartphone, mobile internet ಮುನ್ನುಗ್ಗಬೇಕು ಎನ್ನುತ್ತಾರೆ ರೋಹಿತ್ ಟಂಡನ್.

ಮುಂದುವರಿದ ಭಾಗವಾಗಿ ಜನ tablet ಬಳಕೆಗೂ ಮಣೆ ಹಾಕಿರುವುದು ಸಮಾಧಾನಕರವಾಗಿದೆ. ಕರ್ನಾಟಕದಲ್ಲಿ ಒಟ್ಟು 10,000 tablets ಮತ್ತು 1.8 ಲಕ್ಷ smartphones ಬಳಕೆದಾರರು ಇದ್ದಾರೆ ಎನ್ನುತ್ತಾರೆ Bharti Airtel ಮುಖ್ಯಸ್ಥ ರೋಹಿತ್ ಮಲ್ಹೋತ್ರಾ.

English summary

Though future belongs to mobile internet users Karnataka records lowest mobile internet users. Karnataka has the lowest mobile internet penetration in the country. According to data compiled by various reports by the Telecom Regulatory Authority of India, Karnataka has 9.3% mobile internet users in the country, which records the lowest percentage in India.