ಕೃಷ್ಣಪ್ಪನವರ ಶುಭಾಶಯ ಬ್ಯಾನರ್ ತಂದ ಅವಾಂತರ!

ಬೆಂಗಳೂರು, ಡಿಸೆಂಬರ್ 12 : ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ನ ನೂತನ ಅಧ್ಯಕ್ಷರಾಗಿ ಆಯ್ಕೆಯಾಗಿರುವ 47 ವರುಷಗಳ ನಾಯಕ ರಾಹುಲ್ ಗಾಂಧಿಯವರು ಡಿಸೆಂಬರ್ 16ರಂದು ವಿಧ್ಯುಕ್ತವಾಗಿ ಪದಗ್ರಹಣ ಮಾಡಲಿದ್ದಾರೆ.

ಅವರ ಆಯ್ಕೆಗೆ ಕಾಂಗ್ರೆಸ್ ಪಕ್ಷದಲ್ಲಿಯೇ ಕೆಲ ಪ್ರತಿರೋಧಗಳು ವ್ಯಕ್ತವಾಗಿವೆಯಾದರೂ, ಬಹುತೇಕರು ಶುಭಾಶಯಗಳು ಸುರಿಮಳೆ ಸುರಿಸುತ್ತಿದ್ದಾರೆ, ಆ ಕ್ಷಣಕ್ಕಾಗಿ ಕಾಯುತ್ತಿದ್ದಾರೆ. ಕರ್ನಾಟಕದಲ್ಲಿ ಕೂಡ ಕಾಂಗ್ರೆಸ್ ನಾಯಕರು ಅಭಿನಂದನೆ ಸಲ್ಲಿಸಿದ್ದಾರೆ.

ತಮ್ಮ ಪ್ರೀತಿಯನ್ನು, ಗೌರವವನ್ನು, ಸ್ವಾಮಿನಿಷ್ಠೆಯನ್ನು ತೋರಿಸುವ ಭರದಲ್ಲಿ ಅಚಾತುರ್ಯವಾಗಿರುವುದು ಟ್ವಿಟ್ಟರಿನಲ್ಲಿ ಹಾಸ್ಯಕ್ಕೆ ಗ್ರಾಸವಾಗಿದೆ. ಕರ್ನಾಟಕ ಸರಕಾರದಲ್ಲಿ ವಸತಿ ಸಚಿವರಾಗಿರುವ ಎಂ ಕೃಷ್ಣಪ್ಪ ಅವರಿಗೆ ಶುಭ ಕೋರಿರುವ ಬ್ಯಾನರನ್ನು ರಾಹುಲ್ ಗಾಂಧಿಯವರಿಗೆ ಸಮೀಕರಿಸಿ ಟ್ರೋಲ್ ಮಾಡಲಾಗುತ್ತಿದೆ.

'ಲಾಂಗ್ ಲಿವ್ ದಿ ಕಿಂಗ್' ಎಂಬುದು ತಮ್ಮ ಪ್ರೀತಿಯ ರಾಜ ನೂರು ಕಾಲ ಬಾಳಲಿ ಎಂದು ಊರಿನ ನಾಗರಿಕರು ಹಾರೈಸುವ ಪರಿ. ಪಾಶ್ಚಾತ್ಯರು ಬಳಸುತ್ತಿದ್ದ ಈ ಸಂಸ್ಕೃತಿಯನ್ನು ಆಂಗ್ಲ ಭಾಷೆಯಲ್ಲಿಯೇ ಅಭಿವ್ಯಕ್ತಿಸುವ ಭರದಲ್ಲಿ ಅಚಾತುರ್ಯವಾಗಿದೆ.

"Long Live Our Beloved Leader" ಅಂತ ಆ ಬ್ಯಾನರ್ ನಲ್ಲಿ ಬರೆಯುವ ಬದಲು "Long Leave Our Be Love Leader" ಎಂದು ಬರೆಯಲಾಗಿದ್ದು, ಕೆಳಗೆ ಎಂ ಕೃಷ್ಣಪ್ಪನವರ ಹೆಸರು ರಾರಾಜಿಸುತ್ತಿದೆ. ತಪ್ಪುಒಪ್ಪುಗಳು ಏನೇ ಇರಲಿ, ರಾಜನ ಬಗ್ಗೆ ಪ್ರಜೆಗಳಿಗಿರುವ ಪ್ರೀತಿ, ಗೌರವ ಮುಖ್ಯ.

ಇದೇ ವಸ್ತು ಟ್ವಿಟ್ಟರಿನಲ್ಲಿ ಟ್ರೋಲ್ ಗೆ ಆಹಾರವಾಗಿದೆ. ಅವರ ಇಂಗ್ಲೀಷು ಸೋನಿಯಾ ಗಾಂಧಿಯವರ ಹಿಂದಿಯಷ್ಟೇ ಪರ್ಫೆಕ್ಟ್ ಆಗಿದೆ ಎಂದು ಈಟರ್ನಲ್ ಆಪ್ಟಿಮಿಸ್ಟ್ ಎಂಬುವವರು ಟ್ವೀಟ್ ಮಾಡಿ ತಮ್ಮ ಹಾಸ್ಯಪ್ರಜ್ಞೆ ಮೆರೆದಿದ್ದಾರೆ.

Not every Congi is a liar... This one speaks his heart... Asking Sonia @INCIndia & @OfficeOfRG to go on "Long leave"... Which Pappu will do anyway after Gujarat results... @Timesnow @Republic @NDTV @Indiatoday pic.twitter.com/xrV5r7Eky9

— MediaCrooks (@mediacrooks) December 12, 2017

ಸುಕುಮಾರ್ ರಂಗಾಚಾರಿ ಎಂಬುವವರು, ಕೃಷ್ಣಪ್ಪ ಅವರ ಈ ಸಂದೇಶದ ಉದ್ದೇಶವೇನೆಂದರೆ, ರಾಹುಲ್ ಗಾಂಧಿಯವರು ಅಧ್ಯಕ್ಷ ಪಟ್ಟಕ್ಕೇರಿದ ನಂತರ ರಾಹುಲ್ ಅವರು ಸುದೀರ್ಘ ಕಾಲಕ್ಕೆ (Long Leave) ಇಟಲಿಗೆ ತೆರಳಬೇಕು ಎಂದು ಬರೆದಿದ್ದಾರೆ ಎಂದು ಮತ್ತೊಂದು ಹಾಸ್ಯದ ಚಟಾಕಿ ಹಾರಿಸಿದ್ದಾರೆ.

English summary

A banner put up by Congress leader M Krishnappa congratulating Rahul Gandhi, after he was unanimously elected as president of Indian National Congress, has become food for troll on Twitter. The banner says, 'Long Leave Our Be Love Leader'.