ರೈಲ್ವೆ ಬಜೆಟಲ್ಲಿ ಕರ್ನಾಟಕಕ್ಕೆ ಸಿಕ್ಕಿದ್ದು ರೂ. 3174 ಕೋಟಿ

ಕೇಂದ್ರ ಬಜೆಟಿನಲ್ಲಿ ಕರ್ನಾಟಕ ರೈಲ್ವೆಗೆ ನಿರೀಕ್ಷೆಗೂ ಮೀರಿ ಅನುದಾನ ನೀಡಲಾಗಿದ್ದು ಒಟ್ಟು 3,174 ಕೋಟಿ ರೂಪಾಯಿಗಳನ್ನು ಎತ್ತಿಡಲಾಗಿದೆ.

By Sachhidananda Acharya

Published: Thursday, February 2, 2017, 10:40 [IST]

ಬೆಂಗಳೂರು, ಫೆಬ್ರವರಿ 2: ಈ ಬಾರಿಯ ಕೇಂದ್ರ ಬಜೆಟಿನಲ್ಲಿ ಕರ್ನಾಟಕ ರೈಲ್ವೇಗೆ ಹಲವು ಕೊಡುಗೆಗಳನ್ನು ನೀಡಲಾಗಿದೆ. ನೈರುತ್ಯ ರೈಲ್ವೇ ವಲಯದ ವ್ಯಾಪ್ತಿಗೆ ಬರುವ ಕರ್ನಾಟಕಕ್ಕೆ ಒಟ್ಟು 3174 ಕೋಟಿ ರೂಪಾಯಿಗಳ ಅನುದಾನ ಬಜೆಟಿನಲ್ಲಿ ಸಿಕ್ಕಿದೆ.

'ಕಳೆದ ಬಾರಿಯ ಬಜೆಟಿನಲ್ಲಿ 2,663.42 ಕೋಟಿ ರೂಪಾಯಿ ನೈರುತ್ಯ ರೈಲ್ವೆಗೆ ನೀಡಲಾಗಿತ್ತು. ನಾವು ಈ ಬಾರಿ 2,900 ಕೋಟಿ ನೀಡುವಂತೆ ಕೇಳಿಕೊಂಡಿದ್ದೆವು. ಆದರೆ ಸರಕಾರ ನಮ್ಮ ನಿರೀಕ್ಷೆಗೂ ಮೀರಿ ಈ ಬಾರಿ 3,174 ಕೋಟಿ ರೂಪಾಯಿ ನೀಡಿದೆ," ಎಂದು ನೈರುತ್ಯ ರೈಲ್ವೇ ವಲಯದ ಪ್ರಧಾನ ವ್ಯವಸ್ಥಾಪಕ ಎ.ಕೆ.ಗುಪ್ತಾ ಹೇಳಿದ್ದಾರೆ.[ಅಭಿವೃದ್ಧಿ, ಉದ್ಯೋಗ ಸೃಷ್ಟಿಗೆ ಪೂರಕವಲ್ಲದ ಬಜೆಟ್:ಸಿದ್ದರಾಮಯ್ಯ]