Karntaka Budget 2025: ಬಜೆಟ್‌ನಲ್ಲಿ ಸಿಎಂ ಸಿದ್ದರಾಮಯ್ಯ ಭರ್ಜರಿ ಅನುದಾನ ಹಂಚಿಕೆ, ಏನೆಲ್ಲ ಘೋಷಣೆ ಆಗಿದೆ!

Updated: Friday, March 7, 2025, 11:21 [IST]

ಬೆಂಗಳೂರು, ಮಾರ್ಚ್ 07: ಬಹುನಿರೀಕ್ಷೆ ಕರ್ನಾಟಕ ಬಜೆಟ್ ಮಂಡನೆಗೆ ಕ್ಷಣಗಣನೇ ಶುರುವಾಗಿದೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ದಾಖಲೆಯ 16ನೇ ಮಂಡನೆ ಮಾಡಲಿದ್ದಾರೆ. ಅಪಾರ ನಿರೀಕ್ಷೆಗಳು ಇದ್ದು, ಗ್ಯಾರಂಟಿ ಯೋಜನೆಗಳಿಗೆ ಅನುದಾನ ಒದಗಿಸುವ ಜೊತೆಗೆ ಯಾವುದರ ಮೇಲೂ ಹೆಚ್ಚು ಭಾರ ಹಾಕದೇ ಜನರಪರ ಬಜೆಟ್ ಮಂಡಿಸುವ ಸವಾಲು ಸಿಎಂ ಮೇಲಿದೆ. ಇತ್ತೀಚೆಗೆ ಅವರ ಕಾಲು ನೋವಾಗಿತ್ತು. ಹೀಗಾಗಿ ಅವರು ಕುರ್ಚಿ (ವ್ಹೀಲ್ ಚೇರ್) ಮೇಲೆ ಕೂತೇ ಬಜೆಟ್ ಮಂಡನೆ ಮಾಡುವ ನಿರೀಕ್ಷೆಗಳು ಇವೆ.

ಬಜೆಟ್ ಅಂದಾಜು ವೆಚ್ಚ, ಮಂಡನೆ ಸಮಯ

ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಇಂದು ಮಾರ್ಚ್ 07 ರಂದು ಶಕ್ತಿ ಸೌಧ ವಿಧಾನಸೌಧದಲ್ಲಿ ಬೆಳಗ್ಗೆ 10.15ಗಂಟೆಗೆ ಪ್ರಸಕ್ತ ಸಾಲಿನ 2025-26 ರಾಜ್ಯ ಆಯವ್ಯಯ ಮಂಡಿಸಲಿದ್ದಾರೆ. ಈ ಬಜೆಟ್ ಗಾತ್ರ ಅಂದಾಜು ಸುಮಾರು 04 ಲಕ್ಷ ಕೋಟಿ ದಾಟಲಿದೆ ಎಂದು ಹೇಳಲಾಗುತ್ತಿದೆ. ಕಳೆದ ವರ್ಷ 2024-25ರಲ್ಲಿ ರಾಜ್ಯ ಬಜೆಟ್ ಗಾತ್ರ 3.71 ಲಕ್ಷ ಕೋಟಿ ಇತ್ತು.

Karnataka Budget 2025 CM Siddaramaiah Presenting Time Where will see Live Size Budget Expectation

ಗ್ಯಾರೆಂಟಿ ಯೋಜನೆಗಳ ಹಂಚಿಕೆ ಹಣ ಇಳಿಕೆ ಇಲ್ಲ

ರಾಜ್ಯ ಸರ್ಕಾರದ ಪಂಚ ಗ್ಯಾರಂಟಿಗಳಿಗೆ ವಾರ್ಷಿಕವಾಗಿ ಬೇಕಾಗುವ 52000 ಕೋಟಿ ಹಣ ಹಂಚಿಕೆಯಲ್ಲಿ ಇಳಿಕೆ ಮಾಡುವುದಿಲ್ಲ. ಆದರೆ ಅಭಿವೃದ್ಧಿ ಕಾರ್ಯ ಚುರುಕುಗೊಳಿಸಲು 55000 ಕೋಟಿ ಬಂಡವಾಳ ವೆಚ್ಚ ಹೆಚ್ಚಳಕ್ಕೆ ಸಿಎಂ ನಿರ್ಧರಿಸಿದ್ದಾರೆ ಎಂದು ಹಣಕಾಸು ಇಲಾಖೆ ತಿಳಿಸಿದೆ.

ಕರ್ನಾಟಕ ಬಜೆಟ್ ನೇರ ಪ್ರಸಾರ ಎಲ್ಲಿ ವೀಕ್ಷಣೆ?

ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ದಾಖಲೆ ಬಜೆಟ್ ಮಂಡನೆಯು ಆನ್‌ಲೈನ್‌ನಲ್ಲಿ ಪ್ರಸಾರವಾಗಲಿದೆ. ಬಜೆಟ್ ಮಂಡಿಸುವ ಲೈವ್ ಅನ್ನು ವಿಧಾನಮಂಡಳ ವೆಬ್‌ಕಾಸ್ಟ್‌ನಲ್ಲಿ ನೋಡಬಹುದು. ಈ ಅಧಿಕೃತ ಜಾಲತಾಣದಲ್ಲಿ https://webcast.gov.in/karassembly ವೀಕ್ಷಿಸಬಹುದು. ಜೊತೆಗೆ ಕಾಂಗ್ರೆಸ್ ಸಾಮಾಜಿಕ ಜಾಲತಾಣ ಎಕ್ಸ್ ಹ್ಯಾಂಡಲ್ @INCKarnataka ಇಲ್ಲಿ ಸಹ ಲೈವ್ ಪ್ರಸಾರ ಬಿಟ್ಟಿರುತ್ತಾರೆ. ಅಲ್ಲಿ ವೀಕ್ಷಿಸಬಹುದು. ಜೊತೆಗೆ 'ಒನ್‌ ಇಂಡಿಯಾ ಕನ್ನಡ' ಬಜೆಟ್‌ನಲ್ಲಿ ಕ್ಷಣ ಕ್ಷಣದ ಲೈವ್ ಅಪ್ಡೇಟ್ ನೀಡಲಿದೆ ಇಲ್ಲಿ ಸಹ ತಿಳಿಯಬಹುದು. ಇತರ ಸುದ್ದಿ ಮಾಧ್ಯಮಗಳಲ್ಲೂ ವೀಕ್ಷಿಸಬಹುದಾಗಿದೆ.