ಕಲಬುರಗಿಯಲ್ಲಿ ಪೊಲೀಸ್ ಪೇದೆಗೆ ಕೊರೊನಾ ಸೋಂಕು

ಕಲಬುರಗಿ, ಮೇ 6: ಕಲಬುರಗಿಯ ಕೆಎಸ್ಆರ್ಪಿ ಪೊಲೀಸ್ ಪೇದೆಗೆ ಕೊರೊನಾ ವೈರಸ್ ಸೋಂಕು ಪತ್ತೆಯಾಗಿದೆ. ಕೊರೊನಾ ಸೋಂಕಿತನ ಮನೆಯಲ್ಲಿ ಬಾಡಿಗೆಯಿದ್ದ ಕಾರಣ ಪೊಲೀಸ್ ಪೇದೆಗೆ ಕೊರೊನಾ ವೈರಸ್ ಕಾಣಿಸಿಕೊಂಡಿದೆ.

ಕೊರೊನಾ ವಾರಿಯರ್ಸ್ ಎಂದೇ ಹೇಳುವ ಪೊಲೀಸರಿಗೆ ಸೋಂಕು ತಗಲುತ್ತಿರುವುದು ಆತಂಕದ ಬೆಳವಣಿಗೆಯಾಗಿದೆ. ಕಲಬುರಗಿಯ ಗಾಜೀಪೂರ ಬಡಾವಣೆಯ ನಿವಾಸಿ 78 ವರ್ಷ ದ ವೃದ್ಧ P-610 ಗೆ ಎರಡು ದಿನಗಳ ಹಿಂದೆ ಕೊರೊನಾ ವೈರಸ್ ಸೋಂಕು ದೃಢಪಟ್ಟಿತ್ತು.

ಈತನ ಮನೆಯಲ್ಲಿ ಬಾಡಿಗೆ ಇದ್ದ 52 ವರ್ಷದ ಕೆಎಸ್ಆರ್ಪಿ ಪೇದೆ P- 679 ಗೆ ಇಂದು ಸೋಂಕು ದೃಢವಾಗಿದೆ. ಹೀಗಾಗಿ ಕಲಬುರಗಿ ಜಿಲ್ಲೆಯಲ್ಲಿ ಕೊರೊನಾ ವೈರಸ್ ಸೋಂಕಿತರ ಸಂಖ್ಯೆ 64 ಕ್ಕೆ ಏರಿಕೆ ಕಂಡಿದೆ.

English summary

A coronavirus infection has been detected in the KSRP Police at Kaluburagi.