ಕಲಬುರಗಿಯಲ್ಲಿ ಹಳಿ ತಪ್ಪಿದ ಖಾಲಿ ಗೂಡ್ಸ್ ರೈಲು

ಕಲಬುರಗಿ, ಜನವರಿ 17: ಇಲ್ಲಿನ ಚಿತ್ತಾಪುರ ತಾಲೂಕಿನ ವಾಡಿ ರೈಲ್ವೇ ಜಂಕ್ಷನ್‌ನಲ್ಲಿ ಗೂಡ್ಸ್ ರೈಲು ಹಳಿ ತಪ್ಪಿದ ಘಟನೆ ನಡೆದಿದೆ.

ಗೂಡ್ಸ್ ರೈಲಿನ ಎರಡು ಬೋಗಿಗಳು ಹಳಿಯಿಂದ ಕೆಳಕ್ಕೆ ಇಳಿದಿವೆ. ಹಳ್ಳಿ ತಪ್ಪಿದ ರಭಸಕ್ಕೆ ರೈಲಿನ ಚಕ್ರಗಳು ತಿರುಚಿವೆ. ಆದರೆ ಈ ವೇಳೆ ರೈಲು ಖಾಲಿಯಾಗಿತ್ತು. ಹೀಗಾಗಿ ಹೆಚ್ಚಿನ ಅಪಾಯಗಳು ಸಂಭವಿಸಿಲ್ಲ. ಇನ್ನು ಘಟನೆಯಲ್ಲಿ ಯಾರಿಗೂ ಯಾವುದೇ ತೊಂದರೆಗಳಾಗಿಲ್ಲ.

ವಾಡಿ ಜಂಕ್ಷನ್‌ನಿಂದ ಗೂಡ್ಸ್ ರೈಲು ಎಸಿಸಿ ಸಿಮೆಂಟ್ ಕಾರ್ಖಾನೆಯೊಳಗೆ ಹೋಗುತ್ತಿದ್ದ ವೇಳೆ ಈ ಘಟನೆ ನಡೆದಿದೆ. 30 ಬೋಗಿಗಳಿದ್ದ ಗೂಡ್ಸ್ ರೈಲು ಸಿಮೆಂಟ್ ತುಂಬಿಸಿಕೊಳ್ಳಲು ಹಿಮ್ಮುಖವಾಗಿ ಚಲಿಸುತ್ತಿತ್ತು. ಈ ಸಂದರ್ಭ ಎರಡು ಬೋಗಿಗಳು ಹಳಿ ತಪ್ಪಿವೆ.

ರೈಲು ಹಳಿ ತಪ್ಪಿದ್ದರಿಂದ ವಾಡಿ ಜಂಕ್ಷನ್‌ನಲ್ಲಿ ಟ್ರಾಫಿಕ್ ಜಾಮ್ ಉಂಟಾಯಿತು. ಈ ಸಂದರ್ಭದಲ್ಲಿ
ಪದೇ ಪದೇ ರೈಲು ಅಪಘಾತವಾಗುತ್ತಿರುವುದಕ್ಕೆ ಪ್ರಯಾಣಿಕರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದರು.

ರೈಲು ಹಳಿ ತಪ್ಪಿದ ಸಂಬಂಧ ವಾಡಿ ರೈಲ್ವೇ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.

English summary

Two wagons of empty goods train derailed near Wadi station in Kalaburagi. No casualty or injury reported.